ᱥᱟᱯᱲᱮᱛ ᱟᱲᱟᱝ
ᱟᱜ ᱥᱟᱨ ᱥᱟᱵ ᱜᱮ ᱦᱩᱞ ᱫᱚ ᱵᱟᱝ
ᱞᱟᱪᱷᱟ ᱥᱟᱵ ᱦᱚᱸ ᱦᱩᱞ ᱜᱮ
ᱠᱷᱟᱸᱰᱟ ᱠᱟᱹᱯᱤ ᱜᱚᱜ ᱜᱮ
ᱦᱩᱞ ᱫᱚ ᱵᱟᱝ
ᱟᱺᱜᱤᱵᱷᱟᱨ ᱜᱚᱜ ᱦᱚᱸ ᱦᱩᱞ ᱜᱮ
ᱦᱤᱯᱤᱥᱟᱹ ᱨᱮᱨᱟᱲ ᱜᱮ ᱦᱩᱞ ᱫᱚ ᱵᱟᱝ
ᱫᱩᱯᱩᱞᱟᱹᱲ ᱡᱩᱢᱤᱫᱽ ᱦᱚᱸ ᱦᱩᱞ ᱜᱮ
ᱟᱜ ᱥᱟᱨ ᱛᱮᱨᱟᱝ ᱠᱟᱹᱯᱤ ᱦᱟᱵᱟᱜ ᱜᱮ
ᱦᱩᱞ ᱫᱚ ᱵᱟᱝ
ᱱᱚᱱᱚᱞ ᱥᱟᱵ ᱠᱟᱛᱮ ᱠᱟᱹᱢᱤ ᱨᱮ ᱞᱟᱜᱟᱣ ᱜᱮ
ᱡᱤᱛᱠᱟᱹᱨ ᱨᱮᱣᱟᱜ ᱟᱥᱚᱞ ᱦᱩᱞ ᱫᱚ
ᱦᱩᱞ ᱫᱚ ᱱᱚᱣᱟ ᱦᱚᱸ ᱠᱟᱱ ᱜᱮ ᱾
ᱩᱭᱦᱟᱹᱨ ᱟᱹᱨᱩ ᱦᱩᱭᱩᱜ-ᱟ, ᱡᱩᱢᱤᱫᱽ ᱫᱚᱲᱦᱚ ᱫᱚᱦᱚ ᱦᱩᱭᱩᱜ-ᱟ, ᱥᱟᱹᱨᱤ, ᱵᱩᱜᱤ ᱞᱟᱹᱜᱤᱫ ᱠᱟᱹᱢᱤ ᱨᱮᱭᱟᱜ ᱦᱚᱨ ᱯᱟᱸᱡᱟ ᱠᱟᱛᱮ ᱢᱟᱬᱟᱝ ᱛᱮ ᱴᱟᱰᱮ ᱞᱟᱦᱟ ᱦᱩᱭᱩᱜ-ᱟ ᱾
ᱫᱮᱥ, ᱫᱩᱱᱤᱭᱟ ᱨᱮ ᱥᱟᱱᱟᱢ ᱦᱚᱲ ᱠᱚ ᱥᱟᱶᱛᱮ ᱥᱟᱶᱨᱮ ᱛᱟᱦᱮᱸᱱ ᱛᱩᱞᱩᱡ, ᱤᱧ ᱫᱚᱹᱧ ᱱᱤᱝᱠᱟᱹᱱ ᱜᱮᱭᱟ, ᱱᱤᱝᱠᱟᱹ ᱜᱮᱹᱧ ᱛᱟᱦᱮᱸᱱᱟ, ᱱᱚᱝᱠᱟᱱ ᱩᱨᱦᱟᱹᱭ ᱠᱷᱚᱱ ᱥᱟᱦᱟ ᱠᱟᱛᱮ ᱦᱚᱲ ᱠᱚ ᱞᱮᱠᱟ ᱥᱟᱶᱨᱮ ᱢᱟᱬᱟᱝ ᱦᱟᱞᱟ ᱦᱩᱭᱩᱜ-ᱟ ᱾
ᱟᱢ ᱠᱷᱟᱱᱮᱠ ᱟᱢ ᱞᱮᱠᱟ ᱜᱮᱢ ᱛᱟᱦᱮᱸ `ᱫᱚᱦᱚᱜ-ᱟ, ᱦᱚᱲ ᱫᱚ ᱟᱢᱮ ᱯᱚᱥᱲᱟ ᱢᱮ ᱜᱮᱭᱟ ᱾
ᱦᱩᱞ ᱢᱟᱦᱟᱸ ᱫᱚ ᱱᱟᱜᱟᱢ ᱩᱭᱦᱟᱹᱨ ᱥᱩᱢᱩᱝ ᱫᱚ ᱵᱟᱝ ᱠᱟᱱᱟ ᱾ ᱦᱩᱞ ᱱᱟᱜᱟᱢ ᱩᱭᱦᱟᱹᱨ ᱥᱟᱶ ᱥᱟᱶᱛᱮ, ᱱᱚᱣᱟ ᱩᱭᱦᱟᱹᱨ ᱜᱮ ᱥᱟᱹᱨᱤ ᱦᱩᱞ ᱫᱚ ᱡᱮ ᱩᱱᱠᱩ ᱵᱤᱨ ᱵᱟᱱᱴᱟ ᱠᱚᱣᱟᱜ ᱢᱟᱭᱟᱢ ᱢᱮᱫ-ᱫᱟᱜ ᱪᱮᱫ ᱞᱮᱠᱟᱛᱮ ᱵᱮᱨᱛᱷᱟ ᱵᱟᱝ ᱵᱚᱱ ᱥᱮᱱ ᱚᱪᱚᱣᱟᱜ-ᱟ ᱾ ᱩᱱᱠᱩᱣᱟᱜ ᱩᱭᱦᱟᱹᱨ, ᱩᱱᱠᱩᱣᱟᱜ ᱠᱩᱠᱢᱩ ᱪᱮᱫ ᱞᱮᱠᱟᱛᱮ ᱵᱚ ᱜᱮᱞᱮ ᱵᱤᱞᱤᱭᱟ ᱾ ᱱᱚᱣᱟ ᱠᱚ ᱩᱭᱦᱟᱹᱨ ᱠᱟᱛᱮ ᱞᱟᱦᱟ ᱥᱮᱫ ᱠᱩᱨᱩᱢᱩᱴᱩᱭ ᱥᱟᱶᱛᱮ, ᱟᱯᱱᱟᱨ ᱦᱚᱸ ᱱᱤᱡᱮ ᱪᱮᱫ ᱞᱮᱠᱟᱱ ᱱᱟᱯᱟᱭ ᱠᱟᱹᱢᱤ ᱦᱚᱛᱮᱛᱮ ᱥᱟᱶᱛᱟ ᱱᱟᱥᱮ ᱥᱚᱨᱮᱥ ᱠᱟᱹᱢᱤ ᱢᱟᱬᱟᱝ ᱛᱮ ᱞᱟᱦᱟᱜ-ᱟ, ᱱᱚᱣᱟ ᱦᱚᱸ ᱢᱤᱫ ᱦᱩᱞ ᱜᱮ ᱾
ᱱᱤᱛᱚᱜ ᱨᱤᱱ ᱡᱩᱣᱟᱹᱱ ᱠᱚ, ᱡᱤᱭᱚᱱ ᱨᱮᱭᱟᱜ ᱥᱟᱹᱨᱤ ᱢᱮᱱᱮᱛ, ᱟᱺᱜᱤᱵᱷᱟᱨ ᱨᱮᱭᱟᱜ ᱥᱟᱹᱨᱤ ᱟᱺᱜᱤᱵᱷᱟᱨ ᱩᱭᱦᱟᱹᱨ ᱛᱤᱭᱩᱜ ᱦᱩᱭ ᱟᱠᱚᱣᱟ ᱾ ᱟᱠᱚᱣᱟᱜ ᱯᱩᱭᱞᱩ ᱠᱟᱱᱣᱟ ᱫᱚ ᱥᱮᱪᱮᱫ ᱦᱩᱭᱩᱜ ᱞᱟᱹᱠᱛᱤ ᱠᱟᱱᱟ ᱾ ᱟᱹᱛᱷᱟᱹᱣᱲᱤ ᱡᱟᱛᱨᱟ, ᱯᱟᱛᱟ, ᱪᱤᱸᱰᱩ ᱮᱱᱮᱡ ᱨᱮᱱᱟᱜ ᱞᱟᱹᱠᱛᱤ ᱛᱤᱱᱟᱹᱜ, ᱚᱱᱟ ᱠᱷᱟᱹᱛᱤᱨ ᱦᱟᱹᱱ ᱛᱤᱱᱟᱹᱝ, ᱱᱚᱣᱟ ᱠᱚ ᱛᱩᱞᱟᱹᱡᱚᱠᱷᱟ ᱫᱟᱲᱮᱭᱟᱜ ᱨᱮᱱᱟᱜ ᱫᱟᱲᱮ ᱛᱟᱦᱮᱸ ᱞᱟᱹᱠᱛᱤ ᱾
ᱱᱚᱣᱟ ᱫᱷᱟᱹᱨᱛᱤ ᱨᱮ ᱢᱟᱹᱱᱢᱤ ᱜᱮ ᱡᱚᱛᱚ ᱠᱷᱚᱱ ᱥᱚᱨᱮᱥ ᱡᱤᱣᱤ ᱠᱷᱟᱹᱛᱤᱨ, ᱱᱤᱡᱚᱨᱟᱜ ᱡᱤᱭᱚᱱ ᱵᱟᱝ ᱵᱮᱨᱛᱷᱟ ᱚᱪᱚ ᱠᱟᱛᱮ ᱱᱤᱡᱮ ᱛᱮ ᱱᱤᱡᱮ ᱱᱟᱜᱟᱢ ᱚᱞ ᱨᱮᱱᱟᱜ ᱩᱭᱦᱟᱹᱨ ᱛᱟᱦᱮᱸ ᱞᱟᱹᱠᱛᱤ ᱾
ᱟᱢ ᱡᱩᱫᱤᱱ ᱰᱷᱤᱞᱟᱹᱣ ᱟᱠᱟᱱᱟ ᱪᱮᱫᱟᱜ ᱮᱢ ᱰᱷᱤᱞᱟᱹᱣ ᱟᱠᱟᱱᱟ, ᱟᱢ ᱡᱩᱫᱤᱢ ᱱᱟᱦᱟᱪᱟᱨᱚᱜ ᱠᱟᱱᱟ, ᱪᱮᱫ ᱠᱷᱟᱹᱛᱤᱨ ? ᱱᱚᱣᱟ ᱥᱟᱱᱟᱢ ᱠᱩᱠᱞᱤ ᱨᱮᱱᱟᱜ ᱛᱮᱞᱟ ᱟᱢ ᱴᱷᱮᱱ ᱛᱟᱦᱮᱸᱱᱟ ᱾ ᱚᱱᱟ ᱠᱚ ᱩᱭᱦᱟᱹᱨ ᱛᱤᱭᱩᱜ ᱠᱟᱛᱮ ᱞᱟᱹᱰᱷᱟᱹᱭ ᱨᱮ ᱡᱤᱛᱠᱟᱹᱨᱚᱜ ᱜᱮ ‘ᱟᱥᱚᱞ ᱦᱩᱞ’ ᱫᱚ ᱾
***
E-Magazine Signup form
Signup to get latest updates on Ayoarang e-magazine website directly to your email.