ᱥᱟᱯᱲᱮᱛ ᱟᱲᱟᱝ
ᱥᱟᱱᱛᱟᱲᱤ ᱠᱩᱲᱤ ᱚᱱᱚᱞᱤᱭᱟᱹ ᱜᱷᱟᱨᱚᱸᱡᱽ “ᱟᱭᱳ ᱟᱲᱟᱝ” ᱥᱮ Santali Women Writers Organisation “Ayo Arang” ᱫᱚ ᱒᱐᱒᱐ ᱥᱟᱞᱮᱨᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱛᱷᱟᱯᱚᱱ ᱢᱟᱦᱟᱸ ᱫᱚ ᱦᱩᱭᱩᱜ ᱠᱟᱱᱟ ᱒ ᱳᱠᱴᱳᱵᱚᱨ ᱒᱐᱒᱐ ᱾ ᱚᱱᱟ ᱞᱮᱠᱟᱛᱮ ᱱᱤᱭᱟᱹ ᱥᱮᱨᱢᱟ ᱒ ᱳᱠᱴᱳᱵᱚᱨ ᱒᱐᱒᱖ ᱛᱮᱫᱚ ᱖ ᱥᱮᱨᱢᱟ ᱵᱚᱪᱷᱚᱨ ᱯᱩᱨᱟᱹᱣᱜ ᱠᱟᱱᱟ ᱾
ᱥᱟᱱᱛᱟᱲᱤ ᱠᱩᱲᱤ ᱚᱱᱚᱞᱤᱭᱟᱹ ᱜᱷᱟᱨᱚᱸᱡᱽ ᱨᱮᱱᱟᱜ ᱱᱚᱣᱟ ᱛᱩᱨᱩᱭ ᱥᱮᱨᱢᱟ ᱫᱚ ᱟᱹᱰᱤ ᱜᱮ ᱱᱟᱯᱟᱭ ᱛᱮ ᱯᱩᱨᱟᱹᱣ ᱥᱟᱹᱛ ᱟᱠᱟᱱᱟ ᱾ ᱚᱱᱟ ᱞᱟᱹᱜᱤᱫ ᱛᱮ ᱥᱟᱱᱟᱢ ᱜᱷᱟᱨᱚᱸᱡᱤᱭᱟᱹ ᱠᱚ ᱞᱟᱹᱜᱤᱫ ᱟᱹᱰᱤ ᱜᱚᱨᱚᱵᱽ ᱨᱮᱭᱟᱜ ᱠᱟᱛᱷᱟ ᱦᱚᱸ ᱠᱟᱱᱟ ᱾
ᱚᱱᱟ ᱥᱟᱶᱛᱮ ᱟᱨ ᱢᱤᱫ ᱜᱚᱨᱚᱵᱽ ᱨᱮᱭᱟᱜ ᱠᱟᱛᱷᱟ ᱫᱚ ᱱᱚᱣᱟ ᱦᱚᱸ ᱠᱟᱱᱟ ᱡᱮ ᱱᱤᱭᱟᱹ ᱥᱮᱨᱢᱟ ᱑ ᱱᱚᱵᱷᱮᱢᱵᱚᱨ ᱒᱐᱒᱖ ᱫᱚ ᱥᱟᱱᱛᱟᱲᱤ ᱠᱩᱲᱤ ᱚᱱᱚᱞᱤᱭᱟᱹ ᱜᱷᱟᱨᱚᱸᱡᱽ ᱫᱚ ᱵᱟᱨ ᱥᱮᱨᱢᱟᱠᱤᱭᱟᱹ ᱥᱟᱶᱦᱮᱫ ᱥᱮᱱᱮᱞᱮᱫ ᱓-ᱟᱱᱟᱜ ᱮ ᱥᱟᱯᱲᱟᱣ ᱮᱫ-ᱟ ᱾ ᱱᱚᱣᱟ ᱫᱚ ᱫᱮᱵᱽᱥᱳᱲ ᱟᱹᱛᱩ, ᱨᱟᱥᱜᱳᱵᱤᱱᱫᱚᱯᱩᱨ, ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ ᱯᱚᱱᱚᱛ ᱨᱮ ᱛᱚᱨᱟᱣ ᱨᱮᱭᱟᱜ ᱴᱷᱟᱹᱣᱠᱟᱹ ᱜᱚᱴᱟ ᱟᱠᱟᱱᱟ ᱾ ᱱᱚᱣᱟ ᱨᱮ ᱫᱤᱥᱚᱢ ᱡᱟᱠᱟᱛ ᱠᱷᱚᱱ ᱚᱱᱚᱞᱤᱭᱟᱹ ᱠᱩᱲᱤ ᱵᱚᱭᱦᱟ ᱠᱚ ᱠᱚ ᱥᱚᱦᱚᱨ ᱥᱮᱴᱮᱨᱚᱜ ᱠᱟᱱᱟ ᱾ 
ᱧᱮᱞ ᱥᱟᱸᱜᱮ, ᱟᱸᱡᱚᱢ ᱥᱟᱸᱜᱮ ᱞᱟᱹᱜᱤᱫ ᱥᱟᱱᱟᱢ ᱠᱚᱜᱮ ᱥᱮᱴᱮᱨ ᱛᱟᱦᱮᱸᱱ ᱨᱮᱭᱟᱜ ᱦᱚᱸ ᱱᱮᱦᱚᱸᱨ ᱛᱟᱦᱮᱸᱱ ᱠᱟᱱᱟ ᱾
***
E-Magazine Signup form
Signup to get latest updates on Ayoarang e-magazine website directly to your email.