ᱚᱠᱟ ᱨᱮᱪᱚ ᱢᱟᱦᱟ ᱫᱩᱱᱭᱟᱹ ᱵᱷᱤᱛᱟᱹᱨ
ᱟᱹᱰᱤ ᱡᱳᱨ ᱚᱴᱮᱡ ᱨᱮᱱᱟᱜ ᱥᱟᱰᱮ…
ᱤᱠᱷᱟᱹᱱ ᱦᱮᱞᱠᱟᱣ ᱦᱮᱡ ᱞᱮᱱᱟ ᱞᱩᱛᱩᱨ ᱨᱮ ᱤᱧᱟᱜ
ᱡᱷᱟᱹᱣ ᱵᱤᱨ ᱥᱟᱞᱟᱜ
ᱥᱟᱢᱩᱫᱟᱜ ᱨᱟᱣᱟᱞ ᱜᱟᱯᱟᱞ ᱢᱟᱨᱟᱣ
ᱵᱟᱠᱷᱟᱱ ᱵᱩᱨᱩ ᱥᱚᱠᱲᱟ ᱨᱮ
ᱦᱤᱸᱡᱽᱨᱟᱹᱜ ᱫᱟᱜ ᱨᱮᱱᱟᱜ ᱨᱟᱦᱞᱟ ᱨᱟᱦᱟ
ᱵᱟᱠᱷᱟᱱ ᱥᱤᱥᱤᱨᱟᱜ ᱱᱤᱪᱚᱞ ᱥᱟᱰᱮ…ᱹᱹ
ᱫᱟᱯᱟᱞᱟᱭ ᱤᱧᱟᱜ ᱪᱮᱛᱱᱟᱣ ᱾
ᱟᱴᱪᱟᱞᱟᱨᱮᱠᱚ ᱵᱷᱟᱜ ᱵᱷᱟᱠᱩᱨ
ᱥᱩᱠ ᱯᱟᱣᱨᱟ ᱠᱚ
ᱫᱟᱜ ᱠᱚ ᱟᱧᱩᱭ ᱨᱤᱱᱨᱤᱱ ᱚᱱᱟ ᱥᱟᱰᱮ ᱨᱮ
ᱢᱤᱨᱩ ᱪᱮᱬᱮᱭ ᱦᱚᱦᱚᱭᱟ ᱥᱤᱠᱟᱹᱣ ᱯᱟᱲᱦᱟᱣ ᱟᱲᱟᱝ ᱾
ᱨᱚᱪᱚᱫ ᱨᱤᱫᱟᱹᱭ ᱠᱷᱟᱹᱫ ᱨᱮ
ᱵᱤᱸᱰᱤ ᱥᱩᱫ ᱮ ᱜᱟᱞᱟᱝ
ᱚᱱᱟ ᱥᱳᱜᱷᱳᱲ ᱥᱤᱵᱤᱞ ᱥᱟᱰᱮ
ᱟᱸᱜᱷᱟᱲ ᱥᱮᱛᱟᱜ ᱞᱮᱠᱟ ᱾
ᱥᱟᱨᱟ ᱜᱷᱟᱲᱤ ᱾
ᱥᱟᱨᱟ ᱜᱷᱟᱲᱤ ᱾
ᱟᱫᱚ ᱥᱟᱢᱩᱫᱽ ᱪᱮᱬᱮᱭ ᱩᱰᱟᱹᱣ ᱪᱟᱞᱟᱜ
ᱟᱭᱟᱜ ᱰᱷᱤᱯ ᱛᱩᱠᱟᱹ ᱾
ᱜᱟᱹᱦᱤᱸᱨ ᱦᱟᱹᱲᱭᱟᱹᱨ
ᱠᱚᱴᱟ ᱜᱤᱰᱤ ᱠᱟᱛᱮ ᱞᱟᱸᱜᱟ
ᱯᱷᱟᱺᱠᱲᱟᱹᱜ ᱨᱮ ᱦᱚᱭ
ᱜᱟᱸᱰᱤᱡ ᱨᱮᱱᱟᱜ ᱥᱟᱰᱮ
ᱟᱸᱡᱚᱢᱚᱜ ᱯᱩᱥᱴᱟᱹᱣ ᱾
ᱤᱱᱟᱹ ᱛᱟᱭᱚᱢ ᱵᱮᱲᱟ ᱰᱩᱵᱩᱡ
ᱯᱩᱪᱷᱤᱢ ᱨᱟᱝᱢᱟᱞᱟᱭ
ᱜᱚᱵᱚᱞᱟ ᱠᱮᱨᱢᱮ
ᱨᱤᱫᱟᱹᱭ ᱵᱷᱤᱛᱟᱹᱨ ᱨᱮᱱᱟᱜ
ᱚᱱᱟ ᱢᱟᱦᱟ ᱫᱩᱱᱭᱟᱹ ᱥᱟᱰᱮ ᱾
***
