ᱵᱟᱵᱟᱨ ᱜᱚᱴᱟᱝ ᱵᱤᱴᱤ ᱚᱢᱚᱱ ᱛᱟᱭᱚᱢ
ᱵᱟᱵᱟ ᱟᱜ ᱥᱟᱦᱮᱫ ᱜᱟ.ᱭ ᱰᱟᱦᱟᱨ
ᱞᱮᱠᱟ ᱡᱮᱞᱮᱧ ᱮᱱᱟ ᱾
ᱠᱩᱥᱤ ᱨᱟ.ᱥᱠᱟ. ᱠᱚ ᱟᱸᱡᱮᱫ ᱮᱱᱟ !
ᱫᱤᱭᱟ.ᱲᱟ ᱵᱟ.ᱛᱤ ᱵᱟᱭ ᱡᱮᱨᱮᱫ ᱞᱮᱱᱟ ᱾
ᱵᱚᱝᱥᱚ ᱵᱩᱫᱟ. ᱢᱚᱦᱚᱨ ᱢᱮᱴᱟᱣ ᱮᱱᱟ ᱾
ᱟ.ᱰᱤ ᱜᱮ ᱦᱟᱭ ᱪᱚᱜ
ᱥᱚᱨᱚᱜᱽ ᱯᱩᱨᱤ ᱛᱮ ᱪᱟᱞᱟᱣ ᱨᱮᱱᱟᱜ
ᱨᱟᱛ ᱜᱟ.ᱰᱤ ᱦᱚᱸ ᱪᱮᱫᱟᱜ-ᱮ ᱥᱟᱜᱟᱲ ᱢᱮᱭᱟ
ᱤᱯᱤᱞ ᱫᱤᱥᱚᱢ ᱛᱮ ᱾
ᱵᱤᱴᱤ ᱫᱚ ᱨᱚᱦᱚᱭ ᱩᱪᱟ.ᱲ ᱯᱚᱦᱟ
ᱵᱟᱠᱷᱳᱞ ᱚᱲᱟᱜ ᱨᱮ ᱵᱟᱹᱨᱥᱤᱧ ᱞᱟ.ᱜᱤᱫ ᱜᱮ ᱾
ᱢᱮᱱᱠᱷᱟᱱ ᱵᱮᱴᱟ ᱫᱚ ᱥᱩᱞᱛᱟ. ᱵᱟ.ᱛᱤ
ᱢᱟᱨᱥᱟᱞ ᱮ ᱥᱮᱯᱮᱧᱟ ᱾
ᱵᱚᱝᱥᱚ ᱵᱩᱱᱤᱭᱟ.ᱫᱽ ᱡᱮᱣᱮᱫ ᱛᱟᱸᱦᱮᱱᱟ ᱾
ᱢᱚᱪᱟᱨᱮ ᱥᱮᱸᱜᱮᱞ ᱟ.ᱧᱟ ᱾
ᱛᱚᱵᱮ ᱮᱱᱟ ᱢᱟᱱᱚᱣᱟ ᱡᱤᱭᱚᱱ
ᱯᱮᱨᱮᱡ ᱯᱩᱨᱚᱱᱚᱜ-ᱟ ᱾
ᱟᱥᱠᱮᱛ ᱤᱱᱟ.ᱧ ᱵᱟᱵᱟ !
ᱟᱸᱡᱚᱢ ᱢᱮ, ᱵᱟ.ᱨᱜᱤᱞ
ᱪᱷᱩᱭᱟ.ᱛ ᱴᱩᱠᱩᱡ ᱞᱮᱠᱟ,
ᱪᱮᱫᱟᱜ ᱮᱢ ᱥᱟᱦᱟ ᱥᱟ.ᱜᱤᱧᱤᱧ ᱠᱟᱱᱟ?
ᱟᱢᱟᱜ ᱦᱟ.ᱴᱤᱧ ᱢᱟᱭᱟᱢ ᱜᱮᱛᱚ,
ᱠᱟᱢᱥᱟᱣᱜ ᱠᱟᱱᱟ ᱥᱤᱨ ᱥᱤᱨ ᱛᱮ ᱾
ᱮᱴᱟᱜ ᱚᱲᱟᱜ ᱨᱮᱭᱟᱜ ᱞᱮᱵᱮᱞ ᱥᱟᱴᱟᱣ ᱠᱟᱛᱮ
ᱪᱮᱫᱟᱜ ᱮᱢ ᱵᱷᱮᱜᱟᱨ ᱤᱧ ᱠᱟᱱᱟ?
ᱟᱢᱟᱜ ᱚᱱᱛᱚᱨ ᱟᱛᱢᱟ ᱨᱮᱭᱟᱜ
ᱠᱮᱪᱟᱜ ᱦᱟ.ᱴᱤᱧ ᱡᱤᱣᱤ ᱜᱮᱛᱚ,
ᱤᱧ ᱡᱟᱱᱟᱢᱮ ᱮᱢᱟᱫᱤᱧᱟ ᱾
ᱥᱚᱨᱚᱜᱽᱯᱩᱨᱤ ᱠᱷᱚᱱᱟᱜ ᱵᱚᱸᱜᱟ ᱠᱩᱲᱤ
ᱨᱩᱯᱛᱤᱧ ᱳᱯᱷᱮᱞ ᱮᱱᱟ ᱾
ᱟᱢᱟᱜ ᱥᱟᱢᱟᱱᱚᱢ ᱵᱟᱠᱷᱳᱞ ᱚᱲᱟᱜ ᱨᱮ,
ᱥᱳᱥ ᱥᱟᱦᱟᱨ ᱛᱮ ᱯᱮᱨᱮᱡ ᱩᱪᱷᱩᱞ ᱮᱱᱟ
ᱟᱢᱟᱜ ᱥᱟᱱᱟᱢ ᱠᱷᱟᱸᱜᱚᱴ ᱾
ᱯᱟ.ᱛᱤᱭᱟ.ᱣ ᱫᱚᱦᱚᱭᱢᱮ ᱵᱟᱵᱟ,
ᱤᱧ ᱫᱚ ᱟᱢᱟᱜ ᱦᱟᱯᱟᱴᱤᱧ ᱡᱤᱣᱤ ᱾
ᱟᱢᱟᱜ ᱵᱟᱠᱷᱳᱞ ᱨᱮᱱᱟᱜ ᱵᱚᱸᱜᱟ ᱛᱷᱟᱱ ᱨᱮ
ᱚᱢᱚᱱ ᱦᱟᱨᱟ ᱛᱩᱨᱥᱤ ᱯᱚᱦᱟ ᱤᱧ ᱫᱚ ᱾
ᱟᱢᱟᱜ ᱚᱲᱟᱜ ᱨᱮ ᱪᱮᱫ ᱞᱮᱠᱟ,
ᱡᱟᱶᱟᱭ ᱚᱲᱟᱜ ᱨᱮᱦᱚᱸ ᱚᱱᱠᱟ ᱜᱮ ᱾
ᱛᱩᱨᱥᱤ ᱯᱚᱦᱟ ᱨᱮᱭᱟᱜ ᱜᱩᱱ ᱟᱨ
ᱢᱟ.ᱱ ᱫᱚ ᱵᱟᱝ ᱠᱷᱟᱴᱚᱜ-ᱟ ᱵᱟᱵᱟ ᱾
ᱛᱤᱥ ᱨᱮᱦᱚᱸ ᱵᱟᱝ ᱠᱷᱟᱴᱚᱜ-ᱟ ᱾
ᱛᱤᱥ ᱨᱮᱦᱚᱸ ᱵᱟᱝ ᱠᱷᱟᱴᱚᱜ-ᱟ ᱾
***
