ᱪᱟᱹᱥᱤ

ᱡᱤᱨᱤᱼᱦᱤᱨᱤ ᱪᱟᱸᱫᱚᱭ ᱨᱟᱠᱟᱵ,
ᱥᱮᱛᱟᱜ ᱵᱮᱲᱟ,
ᱟᱬᱜᱟᱛ ᱠᱷᱚᱱ ᱮ ᱥᱟᱯᱲᱟᱣᱜ-ᱟ,
ᱪᱟᱹᱥᱤ ᱵᱚᱭᱦᱟ ᱾

ᱦᱟᱥᱟ ᱨᱮᱱᱟᱝ ᱥᱚᱸᱫᱷᱟᱬ,
ᱟᱹᱰᱤ ᱥᱚᱦᱟ,
ᱢᱤᱫ ᱪᱟᱹᱥᱤ ᱜᱮ,
ᱟᱹᱭᱟᱹ ᱫᱟᱲᱮᱭᱟᱜ ᱟᱭ ᱱᱚᱣᱟ ᱾

ᱨᱤᱠᱤᱲᱼᱨᱤᱠᱤᱲ ᱠᱷᱟᱴᱟᱣ
ᱟᱠᱟᱭ ᱛᱟᱦᱮᱸᱱᱟ,
ᱥᱤᱛᱩᱝ, ᱡᱟᱹᱯᱩᱫᱽ, ᱨᱟᱵᱟᱝ,
ᱵᱟᱝ ᱮ ᱵᱟᱪᱷᱚᱱᱟ ᱾

ᱥᱤᱧᱼᱧᱤᱫᱟᱹ ᱡᱚᱛᱚᱱ ᱦᱟᱨᱟᱭ,
ᱤᱛᱟᱹᱼᱛᱚᱲᱟ,
ᱡᱟᱸᱜᱮ ᱫᱟᱨᱟᱢ ᱛᱟᱦᱮᱸᱱ
ᱟᱭᱢᱟ ᱪᱟᱥᱵᱟᱥ ᱛᱟᱞᱟ ᱾

ᱵᱟᱝ ᱮ ᱫᱷᱮᱭᱟᱱ,
ᱨᱤᱠᱟᱹ ᱠᱟᱜ ᱟᱭ ᱠᱟᱹᱢᱤᱦᱚᱨᱟ,
ᱪᱟᱥᱵᱟᱥ ᱨᱮ ᱫᱷᱮᱭᱟᱱ ᱛᱟᱦᱮᱸᱱ,
ᱪᱟᱹᱥᱤ ᱵᱚᱭᱦᱟ ᱟᱜ ᱾

ᱦᱚᱲᱢᱚ ᱩᱫᱽᱜᱟᱹᱨ ᱫᱟᱜ,
ᱨᱚᱰᱚᱡ ᱠᱟᱜ ᱟᱭ ᱪᱟᱹᱥᱤ ᱵᱚᱭᱦᱟ,
ᱟᱡᱟᱜ ᱠᱷᱟᱴᱟᱣ ᱠᱟᱹᱢᱤ ᱛᱮ,
ᱦᱟᱹᱨᱤᱭᱟᱹᱲ ᱟᱭ ᱚᱛ ᱜᱚᱴᱟ ᱾

ᱵᱟᱹᱫᱽᱼᱵᱟᱹᱭᱦᱟᱹᱲ,
ᱡᱤᱭᱟᱹᱲ ᱜᱮᱠᱚ ᱞᱟᱸᱫᱟᱭᱟ,
ᱪᱟᱹᱥᱤ ᱵᱚᱭᱦᱟ ᱟᱜ ᱠᱷᱟᱴᱟᱣ,
ᱱᱚᱣᱟ ᱨᱮ ᱧᱮᱞᱚᱜ-ᱟ ᱾

ᱦᱟᱥᱟᱼᱢᱟᱹᱴᱤ ᱜᱚᱨᱚᱡᱽ,
ᱟᱡᱟᱜ ᱟᱭᱢᱟ ᱢᱮᱱᱟᱜ-ᱟ,
ᱜᱮᱞᱮᱵᱤᱞᱤ ᱚᱪᱚ ᱠᱟᱛᱮᱫ,
ᱞᱟᱡ ᱮ ᱯᱮᱨᱮᱡ ᱢᱟᱱᱣᱟ ᱟᱜ ᱾

ᱚᱦᱚᱸᱨ ᱡᱟᱹᱱᱤ ᱪᱟᱥ ᱮ ᱵᱟᱰᱟᱭ,
ᱪᱟᱹᱥᱤ ᱵᱚᱭᱦᱟ ᱾
ᱯᱚᱸᱜᱽᱲᱟᱣ ᱨᱟᱠᱟᱵ ᱫᱟᱨᱮᱼᱱᱟᱹᱬᱤ,
ᱟᱹᱰᱤ ᱪᱮᱦᱨᱟ ᱾

ᱟᱹᱰᱤ ᱥᱩᱠᱼᱱᱤᱨᱟᱹᱭ ᱮ ᱟᱴᱠᱟᱨᱟ,
ᱪᱟᱹᱥᱤ ᱵᱚᱭᱦᱟ,
ᱦᱚᱲᱢᱚᱼᱡᱤᱣᱤ ᱵᱟᱧᱪᱟᱣ, ᱟ
ᱺᱜᱤᱵᱷᱟᱨ ᱮ ᱦᱟᱛᱟᱣ ᱟᱠᱟᱫ-ᱟ ᱾

***