ᱦᱚᱨ ᱫᱷᱟᱨᱮ ᱨᱮ ᱵᱤᱨ ᱵᱩᱨᱩ ᱨᱮ
ᱜᱟᱡᱟᱲ ᱨᱮᱜᱮ ᱡᱟᱱᱟᱢ ᱛᱟᱢ
ᱥᱚᱸᱫᱷᱟᱲ ᱥᱚᱛᱮ ᱟᱸᱫᱚᱲ ᱠᱟᱜᱼᱟᱢ
ᱜᱚᱴᱟ ᱯᱟᱲᱟ ᱜᱮ ᱠᱷᱟᱹᱞᱤ ᱟᱢ ᱾
ᱛᱷᱤᱛ ᱜᱮ ᱵᱟᱝ ᱠᱚ ᱛᱷᱤᱛ ᱧᱟᱢᱟ
ᱜᱚᱴᱟ ᱥᱚᱫᱚ ᱱᱚᱴᱟᱝᱚᱜᱼᱟ
ᱯᱟᱱᱛᱮ ᱨᱮᱠᱚ ᱵᱩᱡᱽ ᱚᱱᱟ
ᱦᱟᱴ ᱵᱟᱦᱟ ᱜᱮ ᱠᱟᱱᱟ ᱾
ᱟᱢᱟᱜ ᱥᱚᱸᱫᱷᱟᱲ ᱥᱚᱛᱮ
ᱜᱚᱴᱟ ᱵᱤᱨ ᱵᱩᱨᱩ ᱜᱮ ᱟᱸᱫᱚᱲᱚᱜᱼᱟ
ᱧᱮᱞ ᱛᱮ ᱟᱢᱟᱜ ᱛᱳᱣᱟ ᱞᱮᱠᱟ ᱢᱚᱦᱚᱨ
ᱚᱱᱟ ᱦᱚᱨ ᱛᱮᱱ ᱦᱚᱲ ᱠᱚᱠᱚ ᱢᱩᱦᱱᱤᱜᱼᱟ ᱾
***
ᱢᱟᱹᱱᱤ ᱥᱤᱠᱷᱟ ᱦᱮᱸᱵᱽᱨᱚᱢ ᱫᱚ ᱢᱤᱫ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱢᱟᱹᱱᱤ ᱥᱤᱠᱷᱟ ᱦᱮᱸᱵᱨᱚᱢ ᱫᱚ ᱮᱢᱹᱮᱹ ᱥᱟᱹᱛ ᱟᱠᱟᱫ ᱢᱤᱫ ᱯᱟᱹᱴᱷᱩᱣᱟᱹ ᱠᱟᱱᱟᱭ ᱾ ᱚᱱᱟ ᱥᱟᱶᱛᱮ ᱚᱞᱼᱵᱮᱞ ᱠᱚᱨᱮ ᱟᱹᱰᱤ ᱜᱮᱭ ᱡᱩᱞᱩᱢᱟ ᱾ ᱵᱟᱹᱲᱛᱤ ᱫᱚ ᱚᱱᱚᱬᱦᱮ ᱠᱚᱭ ᱚᱞᱟ ᱾ ᱚᱱᱟ ᱥᱟᱶᱛᱮ ᱢᱤᱫ ᱥᱮᱨᱮᱧ ᱨᱩᱥᱤᱠᱟ ᱦᱚᱸ ᱠᱟᱱᱟᱭ ᱾ ᱟᱡᱟᱜ ᱡᱟᱱᱟᱢ ᱟᱹᱛᱩ ᱫᱤᱥᱚᱢ ᱫᱚ ᱵᱟᱝᱠᱩᱲᱟ ᱦᱚᱱᱚᱛ ᱟᱨ ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱾
View all posts