ᱟᱭᱳ ᱵᱟᱵᱟ ᱠᱚᱞᱮ ᱨᱮ ᱟᱨᱮ ᱵᱚᱸᱜᱟ
ᱤᱧ ᱫᱚᱹᱧ ᱛᱟᱦᱮᱸ ᱠᱟᱱᱟ
ᱚᱠᱛᱚ ᱡᱟᱹᱱᱤᱡ ᱤᱧᱤᱧ ᱞᱮᱵᱮᱫ ᱠᱮᱫ
ᱱᱚᱣᱟ ᱦᱟᱥᱟ ᱫᱷᱩᱲᱤ ᱫᱷᱟᱹᱨᱛᱤ ᱫᱚ ᱾
ᱟᱭᱳ ᱫᱚ ᱟᱸᱡᱽᱞᱮ ᱟᱸᱡᱽᱞᱮ ᱛᱮᱭ
ᱦᱟᱨᱟ ᱵᱩᱨᱩ ᱠᱮᱹᱫᱤᱧ
ᱞᱚᱠᱟ ᱞᱚᱠᱟ ᱛᱮ
ᱪᱚᱜ ᱪᱮᱨᱮᱡ ᱛᱮᱭ ᱦᱟᱨᱟ ᱠᱮᱹᱫᱤᱧ ᱾
ᱵᱟᱵᱟ ᱫᱚ ᱞᱮᱸᱜᱟ ᱛᱤ ᱠᱟᱹᱴᱩᱵ ᱨᱮ
ᱛᱤᱭᱟᱹᱜ ᱛᱤᱭᱟᱹᱜ ᱛᱮ ᱪᱟᱪᱚ ᱞᱮᱹᱫᱤᱧ
ᱪᱟᱪᱚ ᱪᱟᱪᱚ ᱛᱮ
ᱪᱟᱪᱚ ᱠᱮᱴᱮᱡ ᱞᱮᱹᱫᱤᱧ ᱾
ᱟᱭᱳ ᱵᱟᱵᱟ ᱫᱚ
ᱟᱹᱰᱤ ᱟᱹᱞᱟᱹᱲ ᱛᱮ ᱠᱤᱱ ᱦᱟᱨᱟ ᱠᱮᱫᱤᱧ
ᱟᱹᱰᱤ ᱡᱚᱛᱚᱱ ᱨᱮ ᱠᱤᱱ ᱫᱚᱦᱚ ᱠᱮᱹᱫᱤᱧ ᱾
ᱚᱲᱟᱜ ᱨᱮᱱᱟᱜ ᱡᱚᱢ ᱵᱟᱝ ᱠᱩᱲᱟᱹᱣᱜ
ᱵᱟᱵᱟᱭ ᱪᱟᱞᱟᱜ ᱠᱟᱹᱢᱤ ᱛᱮ
ᱟᱭᱳᱭ ᱤᱥᱤᱱ ᱚᱲᱟᱜ ᱨᱮ
ᱟᱭᱳ ᱵᱟᱵᱟ ᱵᱟᱹᱠᱤᱱ ᱡᱚᱢ
ᱤᱧ ᱠᱤᱱ ᱮᱢᱟᱹᱧ ᱫᱟᱠᱟ ᱾
ᱟᱭᱳ ᱵᱟᱵᱟ ᱟᱜ ᱫᱤᱞ ᱫᱟᱲᱮ ᱛᱮ
ᱟᱨ ᱛᱷᱩᱢ ᱛᱷᱟᱯᱚ ᱛᱮ
ᱤᱧ ᱫᱚᱹᱧ ᱦᱟᱨᱟ ᱵᱩᱨᱩ ᱮᱱᱟ ᱾
ᱟᱭᱳ ᱵᱟᱵᱟ ᱟᱜ ᱥᱟᱱᱟᱢ ᱞᱮᱠᱟᱱᱟᱜ
ᱤᱧᱤᱧ ᱠᱟᱹᱢᱤ ᱫᱟᱲᱮᱭᱟᱜᱼᱟ
ᱤᱠᱷᱟᱹᱱ ᱤᱧ ᱢᱤᱫᱴᱟᱹᱝ ᱫᱚ
ᱵᱟᱹᱧ ᱠᱟᱹᱢᱤ ᱫᱟᱲᱮᱭᱟᱜᱼᱟ
ᱟᱭᱳ ᱵᱟᱵᱟ ᱟᱜ ᱡᱟᱝ ᱫᱚ
ᱛᱤᱥ ᱦᱚᱸ ᱵᱟᱹᱧ ᱜᱚᱜ ᱫᱟᱲᱮᱭᱟᱜᱼᱟ ᱾
***
