ᱟᱢ ᱜᱮ ᱜᱩᱨᱩ

ᱟᱢ ᱜᱮ ᱜᱩᱨᱩ ᱚᱞ ᱯᱟᱲᱦᱟᱣ ᱫᱚᱢ ᱥᱮᱬᱟ ᱟᱞᱮᱭᱟ,
ᱡᱤᱭᱚᱱ ᱰᱟᱦᱟᱨᱮᱢ ᱩᱫᱩᱜ ᱟᱞᱮᱭᱟ ᱾
ᱟᱢᱟᱜ ᱟ.ᱠᱤᱞ ᱜᱮᱭᱟᱱ ᱡᱚᱛᱚᱢ ᱟᱞᱟᱭ ᱟᱞᱮᱭᱟ,
ᱱᱟᱜᱟᱢ ᱨᱮᱱᱟᱝ ᱠᱩᱠᱢᱩ ᱫᱚᱢ ᱥᱟᱡᱟᱣ ᱛᱟᱞᱮᱭᱟ ᱾
ᱱᱚᱣᱟ ᱫᱷᱟ.ᱨᱛᱤ ᱨᱮ ᱡᱤᱭᱚᱱ ᱠᱷᱟᱸᱰᱟᱣ ᱞᱟ.ᱜᱤᱱ ᱛᱮ,
ᱦᱚᱲ ᱞᱮᱠᱟ ᱦᱚᱲᱮᱢ ᱵᱮᱱᱟᱣ ᱠᱟᱞᱮᱭᱟ ᱿

ᱟᱢ ᱜᱮ ᱜᱩᱨᱩ,ᱧᱩᱛ ᱰᱟᱦᱟᱨ ᱠᱷᱚᱱᱮᱢ ᱛᱤᱭᱟ.ᱜ ᱟ.ᱜᱩ ᱞᱮᱭᱟ,
ᱫᱷᱚᱨᱚᱢ ᱰᱟᱦᱟᱨ ᱨᱮᱢ ᱥᱩᱛᱩᱜ ᱠᱟᱞᱮᱭᱟ ᱾
ᱦᱤᱨᱤᱡ ᱯᱟ.ᱥᱤᱨ ᱢᱚᱱᱮ ᱫᱚᱢ ᱥᱟᱢᱴᱟᱣ ᱛᱟᱞᱮᱭᱟ,
ᱟ.ᱲᱡᱷᱟ.ᱣ ᱟᱠᱟᱱ ᱢᱚᱱᱮ ᱫᱚᱢ ᱥᱩᱞᱡᱷᱟ.ᱣ ᱛᱟᱞᱮᱭᱟ ᱾
ᱵᱚᱛᱚᱨ ᱫᱷᱟᱜᱚᱥ ᱡᱚᱛᱚᱢ ᱥᱟᱦᱟᱭ ᱛᱟᱞᱮᱭᱟ,
ᱫᱤᱞ ᱫᱟᱲᱮ ᱫᱚᱢ ᱟ.ᱜᱩ ᱟᱞᱮᱭᱟ ᱿

ᱟᱢ ᱜᱮ ᱜᱩᱨᱩ, ᱯᱟᱯ ᱫᱷᱚᱨᱚᱢ ᱫᱚᱢ ᱞᱟ.ᱭ ᱪᱮᱫ ᱟᱞᱮᱭᱟ,
ᱵᱩᱜᱤ ᱵᱟ.ᱲᱤᱡ ᱡᱚᱛᱚᱢ ᱥᱟᱞᱟ ᱟᱞᱮᱭᱟ ᱾
ᱫᱷᱚᱨᱚᱢ ᱨᱮᱱᱟᱝ ᱠᱟ.ᱦᱱᱤᱢ ᱟᱸᱡᱚᱢ ᱟᱞᱮᱭᱟ,
ᱵᱩᱫᱷᱤ ᱫᱤᱥᱟ. ᱡᱚᱛᱚᱢ ᱥᱮᱬᱟ ᱟᱞᱮᱭᱟ ᱾
ᱢᱟᱨᱥᱟᱞ ᱵᱟ.ᱛᱤ ᱟᱢᱮᱢ ᱡᱮᱨᱮᱫ ᱟᱞᱮᱭᱟ,
ᱛᱩᱞᱟ.ᱢ ᱞᱮᱠᱟᱱ ᱢᱚᱱᱮ ᱫᱚᱢ ᱠᱮᱴᱮᱡᱽ ᱛᱟᱞᱮᱭᱟ ᱿

ᱟᱢ ᱫᱚ ᱜᱩᱨᱩ, ᱱᱚᱣᱟ ᱫᱷᱟ.ᱨᱛᱤ ᱨᱮ
ᱥᱟᱱᱟᱢ ᱯᱟᱲᱟ ᱜᱮ ᱢᱮᱱᱟᱢ,
ᱟ.ᱰᱤ ᱞᱮᱠᱟᱱ ᱨᱩᱯ ᱛᱮ
ᱱᱚᱣᱟ ᱫᱷᱟ.ᱨᱛᱤ ᱨᱮᱫᱚᱢ ᱚᱯᱮᱞ ᱟᱠᱟᱱ ᱾
ᱚᱱᱟ ᱨᱩᱯ ᱛᱮᱜᱮ ᱟᱞᱮ ᱢᱟ.ᱱᱢᱤ,
ᱟ.ᱰᱤ ᱞᱮᱠᱟᱱ ᱟᱱᱟᱴ ᱠᱷᱚᱱ ᱫᱚᱢ ᱨᱟᱲᱟ ᱫᱩᱜ ᱞᱮᱠᱟᱱ,
ᱫᱩᱠ ᱫᱚᱨᱮᱭᱟ ᱠᱷᱚᱱᱮᱢ ᱚᱣᱟᱨ ᱚᱰᱚᱠ ᱞᱮᱠᱟᱱ
ᱟᱨ ᱨᱮᱸᱜᱮᱡ ᱛᱮᱛᱟᱝ ᱨᱮᱦᱚᱸ
ᱟᱢ ᱜᱮᱛᱚ ᱥᱟᱶ ᱫᱚᱢ ᱮᱢᱟ ᱞᱮᱠᱟᱱ ᱿

ᱥᱟᱨᱦᱟᱣ ᱟᱢᱟᱞᱮ ᱟᱢᱟᱜ ᱫᱟᱲᱮ,
ᱥᱟᱨᱦᱟᱣ ᱟᱞᱮ ᱟᱢᱟᱜ ᱟ.ᱠᱤᱞ ᱜᱮᱭᱟᱱ,
ᱥᱟᱨᱦᱟᱣ ᱟᱢᱟ ᱞᱮ ᱟᱢᱟᱜ ᱵᱩᱫᱷᱤ ᱫᱤᱥᱟ. ᱾
ᱱᱚᱝᱠᱟ ᱜᱮ ᱟᱞᱮ ᱢᱟ.ᱱᱢᱤ ᱦᱚᱯᱚᱱ ᱪᱮᱛᱟᱱ ᱨᱮ
ᱛᱷᱩᱢ ᱫᱟᱲᱮ ᱟᱨ ᱟ.ᱥᱤᱥ ᱫᱟᱲᱮ ᱥᱟᱶᱛᱮ
ᱫᱟᱭᱟ ᱫᱩᱞᱟ.ᱲ ᱫᱚ ᱚᱛ ᱥᱮᱨᱢᱟ ᱢᱮᱱᱟᱜ(ᱛᱟᱦᱮᱱ) ᱵᱷᱩᱨ
ᱡᱚᱱᱚᱢ ᱡᱚᱱᱚᱢ ᱛᱟᱦᱮᱸ ᱠᱚᱜ ᱢᱟ ᱿

***