ᱢᱤᱫ ᱛᱤᱨᱞᱟ. ᱟᱜ ᱚᱱᱛᱚᱨ ᱠᱟᱛᱷᱟ

ᱟᱢ ᱫᱚ ᱠᱟᱱᱟᱢ ᱛᱤᱨᱞᱟ. __
ᱡᱟᱱᱟᱢ ᱞᱮᱱᱟᱢ ᱟᱨ ᱢᱤᱫ
ᱛᱤᱨᱞᱟ. ᱟᱜ ᱩᱨᱜᱩᱢ ᱠᱩᱠᱷᱤ ᱨᱮ ᱾

ᱵᱚᱥᱢᱚᱛᱟ ᱨᱮ ᱞᱮᱵᱮᱫ ᱥᱟᱶ ᱥᱟᱶᱛᱮ,
ᱥᱮᱫᱟᱭ ᱠᱷᱚᱱᱟᱜ ᱟᱸᱡᱚᱢ ᱦᱳᱭ ᱮᱱ ᱛᱟᱢᱟ __
ᱤᱥ, ᱢᱟ.ᱭ ᱮ ᱦᱳᱭ ᱮᱱᱟ?
ᱵᱟ.ᱵᱩ ᱫᱚ ᱵᱟᱝ?
ᱦᱚᱵᱚᱨ ᱠᱮᱫ ᱢᱮᱭᱟᱠᱚ,
ᱥᱮᱯᱮᱧ ᱠᱮᱫ ᱢᱮᱭᱟᱠᱚ
ᱢᱮᱱᱠᱷᱟᱱ__
ᱨᱟ.ᱥᱠᱟ. ᱟᱛᱮ ᱫᱚ ᱵᱟᱝ ᱾

ᱛᱤᱨᱞᱟ., ᱟᱢ ᱜᱮ ᱯᱳᱭᱞᱩ ᱟᱸᱡᱚᱢ ᱧᱟᱢ ᱟᱢ
‘ ᱢᱟ ‘ ᱧᱩᱛᱩᱢ ᱟᱱ ᱥᱚᱱᱚᱛ ᱟ.ᱲᱟ. ᱾

ᱜᱤᱫᱽᱨᱟ. ᱠᱷᱚᱱ ᱡᱩᱣᱟ.ᱱ ᱮᱱᱟᱢ
ᱠᱩᱞᱦᱤ ᱫᱷᱩᱲᱤ ᱮᱱᱮᱡ, ᱥᱮᱨᱮᱧ,
BA., MA ., ᱚᱞᱚᱜ ᱯᱟᱲᱦᱟᱣ ᱛᱮ ᱾
ᱫᱤᱱ ᱫᱤᱱᱛᱮ ᱵᱟ.ᱭ ᱵᱟ.ᱭ ᱛᱮ
ᱟᱸᱡᱚᱢ ᱦᱳᱭᱳᱜ ᱛᱟᱢᱟ,
ᱟᱢ ᱞᱟ.ᱜᱤᱫ ᱢᱮᱱᱟᱜ-ᱟ
ᱵᱷᱮᱜᱟᱨ ᱵᱷᱮᱜᱟᱨ ᱟ.ᱱᱟ.ᱨᱤ ᱾

ᱟᱹᱫᱤᱢ ᱡᱩᱜᱽ ᱠᱷᱚᱱᱟᱜ
ᱥᱟᱦᱟᱣ ᱦᱳᱭ ᱟᱠᱟᱣᱟᱫ ᱢᱮᱭᱟ
ᱜᱤᱰᱤ ᱵᱟᱨᱟᱜ ᱞᱮᱠᱟ ᱟ.ᱰᱤ ᱱᱟᱦᱟᱪᱟᱨ,
ᱟ.ᱰᱤ ᱥᱚ ᱥᱤᱬᱤᱡ ᱠᱟᱛᱷᱟ ᱾

ᱥᱟᱦᱟᱣ ᱦᱳᱭᱳᱜ ᱛᱟᱢᱟ
ᱥᱟᱱᱟᱢᱟᱜ ᱫᱩᱠ ᱦᱟᱨᱠᱮᱛ,
ᱨᱮᱸᱜᱮᱡ ᱛᱮᱛᱟᱝ ᱾
ᱚᱱᱛᱚᱨ ᱡᱤᱣᱤ ᱦᱮᱰᱮᱡᱚᱜ ᱨᱮᱦᱚᱸ,
ᱚᱠᱚᱭ ᱦᱚᱸ ᱵᱟᱝ ᱠᱚ ᱵᱩᱡᱷᱟ.ᱣ ᱛᱟᱢᱟ ᱾

ᱩᱠᱩ ᱫᱟᱱᱟᱝ ᱮᱢ ᱨᱟᱜᱽ ᱨᱮᱦᱚᱸ,
ᱟᱧᱪᱟᱨ ᱛᱮ ᱢᱮᱫ ᱫᱟᱜ ᱡᱚᱫ ᱠᱟᱛᱮ __
ᱡᱷᱚᱛᱚ ᱦᱚᱲ ᱥᱟᱞᱟᱜ
ᱞᱟᱸᱫᱟ ᱟᱛᱮ ᱜᱮᱢ ᱨᱚᱲᱟ ᱾

ᱡᱩᱣᱟ.ᱱ ᱜᱟᱱᱟᱰᱮ ᱨᱮᱢ ᱞᱮᱵᱮᱫ ᱞᱮᱠᱷᱟᱱ,
ᱟᱸᱜᱚᱪ ᱧᱟᱢ ᱟᱢ _
ᱛᱤᱨᱞᱟ. ᱡᱚᱱᱚᱢ ᱵᱟᱝ ᱫᱚ ᱫᱩᱠ ᱨᱮᱱᱟᱜ,
ᱵᱟᱝ ᱫᱚ ᱥᱩᱠ ᱨᱮᱱᱟᱜ ᱾

ᱟ.ᱭᱠᱟ.ᱣ ᱟᱢ ᱟᱢᱟᱜ ᱥᱟᱱᱟᱢᱟᱜ ᱠᱩᱥᱤ,
ᱨᱟ.ᱥᱠᱟ. ᱨᱮᱱᱟᱜ ᱠᱟᱹᱢᱤ ᱨᱮ,
ᱮᱠᱷᱮᱱ ᱡᱟᱹᱱᱩᱢ ᱜᱮ ᱠᱚ
ᱟᱴᱮᱫ ᱫᱚᱦᱚ ᱟᱠᱟᱫ-ᱟ ᱾
ᱦᱟᱱᱮ ᱡᱮ ᱛᱤᱥ ᱦᱩᱰᱤᱝ ᱠᱷᱚᱱᱟᱜ
ᱛᱟᱞᱟ ᱩᱢᱮᱨ ᱯᱟᱨᱚᱢ ᱠᱟᱛᱮ ᱦᱚᱸ,
ᱟᱸᱡᱚᱢ ᱦᱳᱭᱳᱜ ᱛᱟᱢᱟ _
ᱛᱤᱨᱞᱟ., ᱟᱢᱟᱜ
ᱡᱷᱚᱛᱚᱣᱟᱜ ᱨᱮ ᱦᱚᱠ ᱵᱟᱹᱱᱩᱜ-ᱟ ᱾

ᱟᱹᱛᱩ – ᱴᱚᱞᱟ, ᱥᱚᱦᱚᱨ –
ᱱᱟᱜᱟᱨ ᱠᱚᱨᱮ ᱦᱚᱸ,
ᱵᱟᱝ ᱠᱚ ᱵᱟᱹᱜᱤᱭᱟ ᱞᱟ.ᱞᱟ.ᱭ _
ᱛᱤᱨᱞᱟ. ᱟᱢ ᱫᱚ ᱞᱤᱪᱟ.ᱲ ᱜᱮᱭᱟᱢ ᱾

ᱢᱚᱪᱟ ᱜᱚᱛᱮ ᱠᱟᱛᱮ ᱨᱟᱺᱰᱤ, ᱪᱷᱟᱹᱰᱩᱭ
ᱞᱟ. – ᱞᱟ.ᱭ ᱦᱚᱸ ᱵᱟᱝ ᱠᱚ ᱦᱤᱲᱤᱧᱟ ᱾
ᱮᱱ ᱨᱮᱦᱚᱸᱧ ᱞᱟ.ᱭᱟ,
ᱟᱢ ᱫᱚ ᱠᱟᱱᱟᱢ ᱛᱤᱨᱞᱟ. ᱾

ᱟᱢ ᱵᱮᱜᱚᱨ ᱫᱷᱟᱹᱨᱛᱤ ᱵᱟᱹᱱᱩᱜ-ᱟ,
ᱟᱢ ᱵᱮᱜᱚᱨ ᱡᱚᱱᱚᱢ ᱵᱟᱹᱱᱩᱜ ᱟ ᱾
ᱟᱢ ᱜᱮ ᱛᱚ ᱛᱳᱣᱟ ᱫᱟᱦᱮ,
ᱟᱢ ᱨᱮᱜᱮ ᱚᱥᱟᱢᱵᱷᱮᱲ ᱫᱟᱲᱮ ᱾

ᱟᱢ ᱨᱮᱜᱮ ᱢᱮᱱᱟᱜ ᱥᱤᱨᱡᱚᱱ ᱫᱟᱲᱮ ᱾
ᱟᱢ ᱨᱮᱜᱮ ᱫᱷᱚᱨᱚᱢ ᱢᱮᱱᱟᱜ-ᱟ,
ᱟᱢ ᱨᱮᱜᱮ ᱢᱟ.ᱱ ᱢᱮᱱᱟᱜ-ᱟ,
ᱟᱢ ᱜᱮ ᱡᱟᱦᱮᱨ ᱟᱭᱳ,
ᱟᱢ ᱜᱮ ᱟᱹᱛᱩ ᱢᱚᱬᱮ ᱦᱚᱲᱤᱡ
ᱢᱟᱹᱡᱷᱤ ᱟᱭᱳ ᱥᱮ ᱱᱟᱭᱠᱮ ᱟᱭᱳ ᱾

ᱟᱢ ᱫᱚ ᱜᱟᱛᱮ ᱞᱟ.ᱜᱤᱫ,
ᱯᱮᱲᱟ ᱞᱟ.ᱜᱤᱫ ᱵᱟᱦᱟ ᱟᱴᱮᱫ
ᱦᱚᱨ ᱫᱚ ᱛᱮᱭᱟᱨ ᱢᱮ,
ᱚᱱᱠᱟ ᱜᱮ __ ᱵᱟᱹᱭᱨᱤ ᱞᱟᱜᱤᱫ,
ᱫᱟᱹᱱᱢᱤ ᱞᱟᱹᱜᱤᱫ ᱛᱟᱨᱣᱟᱲᱮ ᱥᱟᱵᱽ ᱢᱮ ᱾

ᱟᱢ ᱫᱚ ᱥᱟ.ᱜᱩᱱ ᱞᱚᱴᱟ
ᱯᱮᱨᱮᱡ ᱫᱟᱜ ᱫᱚᱲᱚᱢ ᱠᱟᱛᱮ
ᱯᱮᱲᱟᱢ ᱫᱟᱨᱟᱢ ᱠᱳᱣᱟ ᱾
ᱚᱲᱟᱜ ᱞᱩᱠᱠᱷᱤ ᱜᱷᱟᱨᱚᱸᱡᱽ ᱮᱢ ᱛᱚᱞᱟ,
ᱡᱚᱛᱚᱱ ᱡᱚᱜᱟᱣᱟ ᱾
ᱟᱢ ᱜᱮ ᱛᱚ ᱥᱚᱦᱟᱜᱽ ᱫᱩᱞᱟᱹᱲ ᱛᱮ
ᱦᱤᱸᱥᱟ. ᱥᱩᱭᱟ. ᱥᱟᱦᱟ ᱠᱟᱛᱮ
ᱥᱟ.ᱜᱟ.ᱭ ᱮᱢ ᱡᱚᱲᱟᱣᱟ ᱾

ᱟᱢ ᱜᱮ ᱠᱟᱱᱟᱢ ᱛᱤᱨᱞᱟ. __
ᱦᱳᱭ, ᱟᱢ ᱜᱮ ᱵᱟᱵᱟᱭᱤᱡ ᱥᱳᱱᱟ ᱵᱤᱴᱤ,
ᱵᱚᱭᱦᱟᱭᱤᱡ ᱥᱟᱫᱷᱮᱨ ᱢᱤᱥᱨᱟ ᱾
ᱟᱢ ᱜᱮ ᱪᱷᱟᱛᱟ ᱫᱟᱨᱮᱭᱤᱡ
ᱥᱩᱠ ᱫᱩᱠ ᱨᱤᱱᱤᱡ ᱫᱩᱞᱟᱹᱲᱤᱭᱟ. ᱾

ᱛᱤᱨᱞᱟ. ᱟᱢ ᱫᱚ ᱥᱚᱸᱫᱷᱟᱲ ᱵᱟᱦᱟ,
ᱫᱚᱸᱜᱚᱸᱭ ᱫᱚᱸᱜᱚᱸᱭ ᱥᱚ ᱛᱮ ᱢᱚᱦᱠᱟᱣᱜ ᱢᱮ,
ᱟᱢᱟᱜ ᱨᱩᱯ ᱜᱚᱨᱚᱵᱽ ᱛᱮ ᱫᱚ ᱵᱟᱝ,
ᱱᱟᱯᱟᱭ ᱜᱩᱱ ᱵᱮᱵᱷᱟᱨ
ᱥᱟᱱᱟᱢ ᱴᱷᱮᱱ ᱟᱹᱬᱛᱤ ᱠᱟᱜ ᱢᱮ ᱾

ᱛᱤᱨᱞᱟ. ᱟᱢ ᱜᱮ ᱫᱤᱥᱚᱢ ᱮᱢ ᱥᱩᱥᱟ.ᱨᱟ,
ᱱᱟᱜᱟᱢ ᱮᱢ ᱛᱮᱭᱟᱨᱟ ᱾
ᱡᱤᱣᱤ ᱛᱟᱸᱦᱮᱱ ᱵᱷᱳᱨ ᱟᱢ ᱫᱚ
ᱞᱟ.ᱲᱦᱟ.ᱭ ᱢᱮ, ᱥᱤᱠᱷᱱᱟ.ᱛᱚᱜ ᱢᱮ ᱾

ᱞᱤᱪᱟ.ᱲ ᱟᱞᱚᱢ ᱛᱟᱸᱦᱮᱱᱟ,
ᱟᱹᱠᱤᱞ ᱜᱮᱭᱟᱱ ᱟᱨᱡᱟᱣ ᱠᱟᱛᱮ
ᱥᱟᱶᱛᱟ ᱨᱮᱱᱟᱜ ᱧᱩᱛᱟ.ᱛ ᱥᱟᱦᱟᱭ ᱢᱮ ᱾
ᱟᱢ ᱜᱮ ᱛᱚ ᱠᱟᱱᱟᱢ ᱛᱤᱨᱞᱟ. _
ᱟᱢ ᱨᱮᱜᱮ ᱢᱮᱱᱟᱜ ᱥᱚᱨᱮᱥ ᱡᱚᱱᱚᱢ ᱾

ᱛᱤᱨᱞᱟ. ᱵᱮᱜᱚᱨ ᱜᱷᱟᱨᱚᱸᱡᱽ
ᱧᱩᱛᱟ.ᱛ ᱜᱮᱭᱟ,
ᱛᱤᱨᱞᱟ. ᱵᱮᱜᱚᱨ ᱡᱤᱣᱤ ᱡᱟᱹᱛᱤ ᱦᱚᱸ
ᱦᱟᱞᱮᱰᱟᱞᱮ ᱜᱮᱭᱟ ᱿

***