ᱥᱮᱨᱢᱟ ᱯᱤᱪᱷᱤ ᱥᱮᱨᱢᱟ ᱯᱩᱨᱟ.ᱣ ᱮᱱ,
ᱚᱞ ᱪᱤᱠᱤ ᱨᱮᱭᱟᱜ ᱥᱟᱭ ᱥᱮᱨᱢᱟ ᱯᱩᱨᱟ.ᱣ ᱮᱱ
ᱥᱟᱶᱛᱟ ᱥᱮᱨᱣᱟ ᱨᱮᱭᱟᱜ
ᱢᱤᱫ ᱠᱮᱴᱮᱡ ᱢᱩᱛᱩᱞ ᱠᱷᱩᱱᱴᱤ ᱨᱟᱠᱟᱵ ᱛᱤᱸᱜᱩ ᱮᱱ ᱾
ᱢᱤᱫ ᱜᱮᱥᱟᱭ ᱟᱨᱮ ᱥᱟᱭ ᱵᱟᱜᱮ ᱢᱚᱬ ᱨᱮ,
ᱩᱪᱷᱟ.ᱱ ᱩᱰᱷᱟ.ᱣ ᱞᱮᱱ ᱪᱤᱠᱤ ᱪᱮᱬᱮ ᱫᱚ
ᱚᱞ ᱜᱩᱨᱩ ᱯᱚᱸᱰᱮᱛ ᱨᱟ.ᱜᱷᱩ ᱢᱩᱨᱢᱩ ᱦᱚᱛᱮᱛᱮ ᱿
ᱥᱟ.ᱜᱩᱱ ᱫᱤᱱ ᱥᱟ.ᱜᱩᱱ ᱚᱠᱛᱚ ᱵᱮᱲᱟ ᱨᱮ,
ᱩᱭᱦᱟ.ᱨ ᱞᱮᱫ-ᱟ ᱠᱤᱱ ᱪᱤᱠᱤ ᱜᱚᱲᱦᱚᱱ ᱾
ᱪᱤᱠᱤ ᱫᱩᱞᱟ.ᱲ ᱪᱤᱠᱤ ᱛᱮᱛᱟᱝ ᱛᱮ
ᱨᱤᱠᱟ. ᱞᱮᱫ-ᱟ ᱠᱤᱱ ᱪᱤᱠᱤ ᱡᱚᱛᱚᱱ ᱿
ᱪᱤᱠᱤ ᱪᱤᱱᱦᱟ. ᱛᱮ ᱜᱟᱜ~ᱜᱟᱵᱟᱱ
ᱞᱮᱫ ᱠᱤᱱ ᱪᱤᱠᱤ ᱪᱤᱛᱟᱹᱨ ᱾
ᱚᱱᱟ ᱪᱤᱛᱟᱹᱨ ᱛᱮ ᱨᱟᱠᱟᱵ
ᱞᱮᱫ ᱠᱤᱱ ᱪᱤᱠᱤ ᱟᱠᱷᱚᱨ ᱿
ᱪᱷᱩᱴᱟ.ᱣ ᱟᱠᱟ ᱜᱮ ᱛᱟᱦᱮᱸ ᱮᱱ
ᱜᱩᱨᱩ ᱵᱟ ᱪᱤᱠᱤ ᱪᱷᱟᱨᱟᱣ ᱯᱟᱥᱱᱟᱣ ᱨᱮ ᱾
ᱥᱟᱨᱟ ᱡᱤᱭᱚᱱ ᱠᱤᱱ ᱠᱷᱟᱸᱰᱟᱣ ᱠᱮᱫ
ᱪᱤᱠᱤ ᱦᱟᱨᱟ ᱵᱩᱨᱩ ᱨᱮ ᱾
ᱨᱮᱸᱜᱮᱡ ᱨᱮ, ᱛᱮᱛᱟᱝ ᱨᱮ, ᱩᱭᱦᱟ.ᱨ ᱨᱮ, ᱵᱷᱟᱵᱱᱟ ᱨᱮ,
ᱪᱤᱠᱤ ᱢᱩᱴᱷᱟ.ᱱ ᱠᱤᱱ ᱧᱮᱞ ᱧᱟᱢ ᱠᱮᱫ ᱢᱟᱨᱥᱟᱞ ᱜᱮ ᱾
ᱡᱟ.ᱯᱤᱫ ᱨᱮ, ᱵᱮᱸᱜᱮᱫ ᱨᱮ, ᱥᱟᱶ ᱨᱮ, ᱠᱩᱠᱢᱩ ᱨᱮ,
ᱯᱟ.ᱨᱥᱤ ᱥᱤᱧ ᱪᱟᱸᱫᱚ ᱠᱮᱫ-ᱟ ᱠᱤᱱ
ᱡᱟ.ᱛᱤ ᱫᱷᱚᱨᱚᱢ ᱟᱨᱥᱟᱞ ᱜᱮ ᱿
ᱧᱮᱞ ᱧᱮᱞ ᱛᱮᱜᱮ ᱯᱩᱨᱟ.ᱣ ᱮᱱ,
ᱚᱞ ᱪᱤᱠᱤ ᱨᱮᱭᱟᱜ ᱥᱟᱭ ᱥᱮᱨᱢᱟ ᱯᱩᱨᱟ.ᱣ ᱮᱱ
ᱢᱤᱫ ᱜᱮᱥᱟᱭ ᱟᱨᱮ ᱥᱟᱭ ᱵᱟᱜᱮ ᱢᱚᱬ ᱠᱷᱚᱱ
ᱨᱟ.ᱥᱠᱟᱹ ᱨᱚᱢᱚᱡᱽ ᱜᱮ
ᱵᱟᱜᱮ ᱥᱟᱭ ᱵᱟᱜᱮ ᱢᱚᱬ ᱦᱚᱸ ᱯᱩᱨᱟ.ᱣ ᱮᱱ ᱾
ᱯᱟ.ᱨᱥᱤ ᱯᱚᱦᱟ ᱤᱛᱟ. ᱫᱟᱨᱮ ᱜᱚᱴᱟ ᱜᱮ ᱚᱢᱚᱱ ᱮᱱ,
ᱚᱢᱚᱱ ᱟᱛᱮ ᱪᱤᱠᱤ ᱵᱟᱦᱟ ᱜᱚᱴᱟ ᱜᱮ ᱯᱷᱩᱴᱟ.ᱣ ᱯᱟᱨᱥᱟᱲ ᱮᱱ ᱾
ᱯᱟᱨᱥᱟᱲ ᱟᱛᱮ ᱥᱚᱸᱫᱷᱟᱲ ᱥᱚ ᱫᱤᱥᱚᱢ ᱯᱟᱨᱚᱢ ᱫᱤᱥᱚᱢ
ᱚᱴᱟᱝ ᱯᱟᱥᱱᱟᱣ ᱮᱱ ᱿
ᱚᱞ ᱤᱛᱟᱹ ᱛᱮ ᱪᱤᱠᱤ ᱫᱟᱨᱮ ᱮᱱᱟ ᱟ.ᱰᱤ ᱢᱟᱨᱟᱝ,
ᱚᱱᱟ ᱨᱮ ᱪᱟᱸᱜᱟ ᱯᱟᱥᱱᱟᱣ ᱮᱱ ᱪᱤᱠᱤ ᱱᱟ.ᱲᱤ ᱡᱤᱲᱤᱫ ᱡᱟᱲᱟᱝ ᱾
ᱚᱠᱚᱭ ᱫᱚ ᱵᱚᱱ ᱦᱟᱞᱟᱝ ᱡᱚᱝ, ᱚᱠᱚᱭ ᱫᱚ ᱵᱚᱱ ᱜᱚᱪᱷᱟ ᱡᱚᱝ,
ᱚᱠᱚᱭ ᱫᱚ ᱵᱚᱱ ᱜᱩᱛᱩ ᱡᱚᱝ, ᱚᱠᱚᱭ ᱫᱚ ᱵᱚᱱ ᱜᱟᱞᱟᱝ ᱡᱚᱝ,
ᱜᱩᱛᱩ ᱜᱟᱞᱟᱝ ᱟᱛᱮ ᱪᱤᱠᱤ ᱢᱟᱞᱟ ᱫᱚ ᱵᱚᱱ ᱟᱨᱟᱣ ᱡᱚᱝ ᱿
ᱜᱩᱛᱩ ᱜᱟᱞᱟᱝ ᱟᱛᱮ ᱪᱤᱠᱤ ᱢᱟᱞᱟ ᱫᱚ ᱵᱚᱱ ᱟᱨᱟᱣ ᱡᱚᱝ ᱿
***
