ᱠᱟ.ᱢᱤ ᱞᱟᱸᱜᱟ ᱯᱷᱟᱨᱱᱟᱣ ᱞᱟ.ᱜᱤᱫ ᱛᱮ
ᱮᱛᱚᱦᱚᱵ ᱛᱷᱩᱢᱛᱷᱟᱨ ᱞᱟᱱ
ᱞᱟᱜᱽᱬᱮ ᱮᱱᱮᱡ
ᱟ.ᱛᱩ ᱜᱚᱨᱟᱢ ᱫᱷᱚᱨᱚᱢ ᱟᱠᱷᱲᱟᱨᱮ ᱾
ᱠᱚᱲᱟ ᱦᱚᱯᱚᱱ ᱫᱚᱠᱚ ᱨᱩᱭᱟ ᱥᱮᱨᱮᱧᱟ
ᱥᱮᱨᱮᱧ ᱢᱮᱱᱮᱛ ᱠᱚᱦᱚᱸ ᱠᱚ ᱵᱤᱥᱲᱤᱭᱟ
ᱠᱩᱲᱤ ᱦᱚᱯᱚᱱ ᱠᱚ ᱛᱮᱞᱟ
ᱞᱮᱠᱷᱟᱱ ᱠᱚ ᱮᱱᱮᱡᱼᱟ ᱾
ᱮᱱᱮᱡ ᱥᱮᱨᱮᱧ ᱠᱩᱥᱤ ᱨᱟ.ᱥᱠᱟᱹ ᱛᱟᱞᱟᱛᱮ
ᱟ.ᱠᱤᱞ ᱜᱮᱭᱟᱱ ᱦᱟᱨᱟᱵᱩᱨᱩ ᱵᱟ.ᱲᱦᱩᱜᱼᱟ
ᱫᱤᱞ ᱫᱟᱲᱮ ᱦᱚᱸ ᱢᱚᱱᱮ ᱨᱮ ᱧᱟᱢᱚᱜᱼᱟ ᱾
ᱱᱤᱛᱚᱜᱟᱜ ᱥᱚᱢᱚᱭ ᱨᱮ ᱧᱮᱞᱚᱜ ᱠᱟᱱᱟ
ᱞᱟᱜᱽᱬᱮ ᱮᱱᱮᱡ ᱦᱟᱸᱰᱮᱱᱟᱸᱰᱮ ᱰᱟᱸᱰᱮᱜᱷᱟᱴᱮ
ᱟᱹᱛᱷᱟ.ᱣᱲᱤᱭᱟ.ᱜ ᱡᱟᱦᱟᱸᱢᱟᱱ ᱛᱟᱦᱟᱸ ᱠᱚᱨᱮ ᱾
ᱯᱟᱛᱟ ᱡᱟᱛᱨᱟ ᱴᱟᱺᱰᱤ ᱵᱚᱞ ᱯᱩᱲᱭᱟ.
ᱥᱤᱨᱯᱷᱟ. ᱥᱚᱲᱮ ᱡᱤᱞ ᱡᱚᱢ ᱜᱚᱰᱟᱨᱮ
ᱵᱤᱨ ᱵᱩᱨᱩ ᱥᱚᱲᱚᱠ ᱦᱚᱨ ᱰᱟᱦᱟᱨ ᱨᱮ ᱾
ᱪᱚᱸᱫᱟ ᱯᱚᱨᱮ ᱞᱚᱴᱟ ᱫᱤᱯᱤᱞ ᱮᱱᱮᱡ
ᱡᱷᱤᱞᱤᱠ ᱡᱷᱤᱯᱤᱨ ᱰᱷᱟ.ᱵᱩᱞ ᱮᱱᱮᱡ
ᱛᱤ ᱡᱟᱸᱜᱟ ᱨᱩᱠᱩ ᱰᱤᱥᱠᱳ ᱞᱟᱜᱽᱬᱮ ᱮᱱᱮᱡ ᱾
ᱰᱤᱡᱮ ᱥᱟᱰᱮ ᱥᱮᱨᱮᱧ ᱨᱟᱦᱟ ᱛᱟᱲ ᱨᱮ
ᱠᱩᱲᱤᱭᱟᱜ ᱰᱤᱥᱠᱳ ᱞᱟᱜᱽᱬᱮ ᱮᱱᱮᱡ ᱦᱮᱯᱮᱨᱟᱣ
ᱧᱮᱞᱚᱜ ᱠᱟᱱᱟ ᱟ.ᱛᱩ ᱴᱚᱞᱟ ᱜᱚᱴᱟᱯᱟᱲᱟ ᱾
ᱪᱟᱨᱦᱟ ᱞᱮᱠᱟ ᱦᱟᱭᱟ ᱜᱮ ᱥᱤᱨᱯᱷᱟᱹ ᱢᱟ
ᱫᱚᱦᱚ ᱰᱷᱟᱞ ᱠᱚᱜ ᱠᱟᱱ ᱞᱟᱵᱽ ᱜᱮ
ᱰᱨᱮᱥᱤᱝ ᱴᱮᱵᱩᱞ ᱵᱟᱺᱫᱤ ᱥᱚᱱᱟᱯᱷᱩᱞᱤ ᱾
ᱥᱤᱨᱯᱷᱟ. ᱦᱟᱢᱮᱴ ᱦᱟᱛᱟᱣᱟ ᱟᱸᱥ ᱛᱮ
ᱜᱚᱜᱚᱜ ᱜᱷᱟᱸᱡᱮᱲ ᱜᱤᱰᱤ ᱠᱩᱲᱤ ᱵᱟ.ᱦᱩᱠᱩᱲᱤ
ᱫᱩᱭᱞᱟᱹ ᱯᱟ.ᱭᱞᱟ. ᱮᱠᱞᱟ ᱠᱚ ᱞᱩᱦᱩᱠ ᱡᱚᱝ ᱾
ᱜᱟ.ᱣᱤᱡᱽ ᱞᱮᱠᱟ ᱵᱚᱦᱚᱜ ᱦᱚᱴᱚᱜ ᱰᱚᱵᱚᱜ
ᱰᱟᱸᱰᱟ ᱫᱷᱟ.ᱪᱩᱞᱻᱫᱷᱟ.ᱪᱩᱞ ᱛᱤ ᱤᱣᱤᱨ
ᱱᱚᱛᱮ ᱟᱨᱦᱚᱸ ᱠᱚᱲᱟᱢ ᱫᱚᱞᱚᱵ ᱫᱚᱞᱚᱵ ᱾
ᱜᱤᱫᱽᱨᱟᱹ ᱯᱤᱫᱽᱨᱟᱹ ᱠᱚᱲᱟ ᱦᱟᱲᱟᱢ
ᱵᱷᱟᱲᱚ ᱠᱟᱜ ᱟᱠᱚ ᱵᱤᱱ ᱢᱮᱫ ᱨᱤᱯᱤᱫ
ᱱᱩᱠᱩ ᱜᱮ ᱵᱟᱜᱼᱵᱟᱪᱷᱚᱱᱤᱭᱟ. ᱥᱟᱱᱟᱢ ᱾
ᱴᱚᱴᱷᱟᱻᱴᱚᱴᱷᱟ ᱟ.ᱛᱩᱻᱟ.ᱛᱩ ᱴᱚᱞᱟᱻᱴᱚᱞᱟ ᱨᱮ
ᱮᱱᱮᱡ ᱡᱤᱛᱠᱟ.ᱨᱤᱭᱟ. ᱠᱚ ᱵᱮᱱᱟᱣᱟᱜ ᱠᱟᱱ
ᱚᱱᱟᱛᱮ ᱥᱟᱶᱛᱟ ᱛᱤᱱᱟᱹᱜ ᱩᱥᱩᱞᱚᱜ ᱠᱟᱱ ᱾
ᱫᱷᱚᱨᱚᱢ ᱟᱠᱷᱲᱟ ᱠᱷᱚᱱ ᱞᱟᱜᱽᱬᱮ ᱮᱱᱮᱡ
ᱡᱟᱦᱟᱸ ᱛᱤᱥ ᱠᱷᱚᱱᱟᱜ ᱰᱟᱢᱰᱟᱦᱮ ᱮᱱ
ᱫᱤᱥᱚᱢ ᱦᱚᱲ ᱵᱤᱪᱟ.ᱨ ᱢᱟᱵᱚ ᱫᱟᱵᱚ ᱚᱠᱟ ᱦᱚᱨ ᱨᱮ ᱾
***
