ᱚᱰᱚᱠ ᱞᱤᱱᱟ.ᱧ ᱫᱟᱲᱟᱱ
ᱫᱟᱲᱟᱝ ᱨᱮᱢᱟᱹᱧ ᱧᱟᱢ ᱠᱮᱫᱮᱭᱟ ᱢᱟᱨᱟᱝ ᱫᱟ.ᱭ
ᱠᱩᱞᱤ ᱠᱤᱫᱤᱧ ᱮ ᱢᱟᱨᱟᱝ ᱫᱟ.ᱭ
ᱡᱟᱱᱟᱢ ᱚᱞ ᱪᱤᱠᱤ ᱫᱚᱱᱟᱢ
ᱵᱟᱰᱟᱭᱟ ᱥᱮ ᱵᱟᱝᱟ ᱢᱟ.ᱭ ᱾
ᱨᱟ.ᱥᱠᱟ. ᱥᱟᱛᱞᱟᱜ ᱤᱧ ᱞᱟ.ᱭ
ᱵᱟᱰᱟᱭ ᱜᱤᱭᱟᱹᱧ ᱦᱚᱭ
ᱟᱸᱡᱚᱢ ᱠᱟᱛᱮᱭ ᱨᱟ.ᱥᱠᱟ. ᱮᱱᱟ ᱫᱟ.ᱭ
ᱨᱟ.ᱥᱠᱟ. ᱡᱟᱞᱟ ᱛᱮ
ᱥᱩᱛᱩᱜ ᱞᱤᱫᱤᱧᱟᱭ ᱢᱟᱨᱟᱝ ᱫᱟ.ᱭ
ᱤᱫᱤ ᱠᱤᱫᱤᱧ ᱮ ᱟᱭᱳ ᱟᱲᱟᱝ ᱜᱟᱫᱮᱞ ᱛᱮ ᱵᱷᱟᱹᱭ ᱾
ᱟᱭᱳ ᱟᱲᱟᱝ ᱜᱟᱫᱮᱞ ᱨᱮᱢᱟ
ᱡᱩᱲᱟᱹᱣ ᱢᱮᱱᱟᱜ ᱠᱚ
ᱮᱠᱷᱮᱱ ᱛᱤᱨᱞᱟ. ᱦᱚᱯᱚᱱ
ᱡᱩᱫᱟᱹ ᱡᱩᱫᱟᱹ ᱨᱟᱡᱽ ᱨᱤᱱ
ᱡᱩᱫᱟᱹ ᱡᱩᱫᱟᱹ ᱯᱚᱱᱚᱛ ᱨᱤᱱ
ᱠᱩᱲᱤ ᱦᱚᱯᱚᱱ ᱾
ᱠᱟ.ᱢᱤ ᱠᱟᱱᱟ ᱠᱚ ᱥᱟᱶᱦᱮᱫ ᱪᱮᱛᱟᱱ ᱨᱮ
ᱨᱮᱸᱜᱮᱡ ᱟᱠᱟᱱ ᱥᱟᱶᱛᱟ
ᱠᱤᱥᱟ.ᱬ ᱞᱟᱜᱟᱱ ᱛᱮ
ᱪᱟᱨᱪᱟ ᱠᱟᱱᱟ ᱠᱚ ᱥᱟᱶᱦᱮᱫ ᱛᱟᱞᱟ ᱛᱮ
ᱡᱟ.ᱯᱤᱫ ᱟᱠᱟᱫ ᱥᱟᱶᱛᱟ
ᱮᱵᱷᱮᱱ ᱞᱟᱜᱟᱱ ᱛᱮ ᱾
ᱚᱠᱚᱭ ᱫᱚ ᱚᱱᱚᱲᱦᱮ ᱛᱟᱞᱟ ᱛᱮ
ᱚᱠᱚᱭ ᱫᱚ ᱥᱮᱨᱮᱧ ᱛᱟᱞᱟ ᱛᱮ
ᱚᱠᱚᱭ ᱫᱚ ᱠᱟ.ᱦᱱᱤ ᱛᱟᱞᱟ ᱛᱮ
ᱚᱠᱚᱭ ᱫᱚ ᱜᱟᱢᱟᱢ ᱛᱟᱞᱟ ᱛᱮ
ᱚᱠᱚᱭ ᱫᱚ ᱨᱚᱲ ᱛᱟᱞᱟ ᱛᱮ
ᱚᱠᱚᱭ ᱫᱚ ᱚᱞ ᱛᱟᱞᱟ ᱛᱮ
ᱮᱢᱟᱱ ᱮᱢᱟᱱ ᱛᱟᱞᱟ ᱛᱮ
ᱪᱷᱩᱴᱟᱹᱣ ᱨᱮ ᱢᱮᱱᱟᱜ ᱠᱚ ᱞᱮᱛᱟᱲ ᱜᱮ ᱾
ᱢᱮᱱ ᱠᱷᱟᱱ ᱤᱧ ᱢᱟ ᱵᱟᱝ ᱤᱧ ᱵᱟᱰᱟᱭ
ᱮᱱ ᱦᱚᱸ ᱟᱠᱚ ᱥᱟᱶ ᱨᱮᱧ
ᱛᱟᱦᱮᱱ ᱞᱮᱛᱟᱲ ᱜᱮ
ᱛᱟᱦᱮᱸ ᱛᱟᱦᱮᱸ ᱛᱮ
ᱟᱠᱚ ᱠᱚᱣᱟᱜ ᱠᱟ.ᱢᱤ ᱧᱮᱞ ᱛᱮ
ᱤᱧ ᱦᱚᱸ ᱨᱟ.ᱥᱠᱟ. ᱟᱹᱫᱤᱧᱟ
ᱨᱟ.ᱥᱠᱟ. ᱡᱟᱞᱟ ᱛᱮ
ᱚᱞ ᱞᱤᱫᱟᱹᱧ ᱚᱱᱚᱲᱦᱮ ᱜᱮ ᱾
ᱤᱧᱟᱜ ᱚᱱᱚᱲᱦᱮ ᱧᱮᱞ ᱛᱮ
ᱥᱟᱨᱦᱟᱣ ᱞᱤᱫᱤᱧ ᱠᱚ ᱡᱚᱛᱚ ᱦᱚᱲ ᱛᱮ
ᱥᱟᱨᱦᱟᱣ ᱟᱸᱡᱚᱢ ᱛᱮ
ᱢᱚᱱᱮ ᱤᱧᱟᱜ ᱫᱚᱲᱦᱚ ᱞᱮᱱᱟ
ᱡᱤᱣᱤ ᱦᱚᱲᱢᱚ ᱠᱮᱴᱮᱡ ᱞᱮᱱᱟ ᱾
ᱥᱟᱨᱦᱟᱣ ᱫᱚ ᱢᱤᱫ ᱟᱲᱮ ᱠᱟᱱᱟ
ᱫᱟᱲᱮ ᱛᱟᱢᱮ ᱮᱥᱮᱫ ᱫᱚᱦᱚᱭᱟ
ᱢᱟᱲᱟᱝ ᱥᱮᱫ ᱥᱮᱴᱮᱡ ᱚᱪᱚᱭᱟ
ᱚᱱᱟᱛᱮ ᱥᱟᱨᱦᱟᱣ ᱢᱮᱱ ᱫᱚ
ᱟᱞᱚ ᱵᱚ ᱦᱤᱲᱤᱧ ᱢᱟ ᱾
ᱛᱮᱦᱮᱧ ᱥᱟᱨᱦᱟᱣ ᱫᱟᱲᱮ ᱛᱮᱜᱮ
ᱢᱟᱲᱟᱝ ᱥᱮᱫ ᱤᱧ ᱞᱟᱦᱟ ᱞᱮᱱᱟ
ᱥᱟᱶᱦᱮᱫ ᱠᱟ.ᱢᱤ ᱨᱮ ᱾
ᱥᱟᱶᱦᱮᱫ ᱠᱟ.ᱢᱤ ᱞᱟᱜᱟᱱ
ᱚᱠᱛᱚ ᱜᱮ ᱵᱟᱭ ᱛᱟᱦᱮᱸᱱᱟ
ᱞᱮᱛᱟᱲ ᱜᱮ ᱠᱟ.ᱢᱤ ᱟᱠᱟ ᱜᱮᱢ ᱛᱟᱦᱮᱸᱱᱟ
ᱥᱤᱛᱩᱝ ᱞᱚᱞᱚ ᱡᱟᱨᱜᱮ ᱡᱟ.ᱯᱩᱫ
ᱞᱮᱛᱟᱲ ᱜᱮᱢ ᱠᱟ.ᱢᱤᱭᱟ ᱾
ᱯᱩᱸᱰ ᱜᱚᱰᱟ ᱨᱮᱜᱮᱢ ᱠᱟ.ᱢᱤᱭᱟ
ᱱᱚᱱᱚᱞ ᱠᱟᱲᱵᱟ ᱜᱮᱢ ᱥᱟᱵᱟ
ᱦᱮᱸᱫᱮ ᱦᱚᱲᱮᱡ ᱜᱮᱢ ᱮᱨᱟ
ᱟ.ᱰᱤ ᱱᱟᱯᱟᱭ ᱯᱩᱸᱰ ᱜᱚᱰᱟ ᱨᱮ
ᱦᱮᱸᱫᱮ ᱦᱚᱲᱮᱡ ᱧᱮᱞᱚᱜ-ᱟ ᱾
ᱧᱮᱞ ᱛᱮᱜᱮ ᱞᱮᱛᱟᱲ ᱠᱟ.ᱢᱤ ᱥᱟᱱᱟᱦᱟ
ᱚᱸᱰᱮ ᱠᱷᱚᱱ ᱵᱟᱭ ᱥᱟᱱᱟᱦᱟ ᱥᱟᱦᱟ
ᱚᱱᱟᱛᱮ ᱤᱧ ᱦᱚᱸᱧ ᱠᱟ.ᱢᱤ ᱞᱮᱫᱟ
ᱥᱟᱶᱦᱮᱫ ᱪᱮᱛᱟᱱ ᱨᱮᱹᱧ
ᱪᱟᱨᱪᱟ ᱞᱮᱫᱟ
ᱥᱟᱶᱦᱮᱸᱫ ᱛᱟᱞᱟ ᱛᱮ ᱾
ᱚᱞ ᱞᱤᱫᱟᱹᱧ ᱞᱟᱪᱷᱟ ᱯᱮᱨᱮᱡ
ᱠᱷᱚᱫᱟ ᱫᱚᱦᱚ ᱞᱤᱫᱟᱹᱧ ᱯᱚᱛᱚᱵ ᱯᱮᱨᱮᱡ
ᱵᱮᱱᱟᱣ ᱞᱤᱫᱟᱹᱧ ᱢᱤᱫ ᱯᱩᱛᱷᱤ
ᱩᱰᱷᱟᱹᱣ ᱥᱟ.ᱜᱩᱱ ᱞᱮᱫᱟᱹᱧ ᱤᱧᱟᱜ ᱯᱩᱛᱷᱤ ᱾
ᱱᱤᱛᱚᱜ ᱠᱩᱠᱞᱤ ᱦᱤᱡᱩᱜ ᱢᱚᱱᱮ ᱨᱮ
ᱤᱧ ᱡᱩᱫᱤ ᱵᱟᱝ ᱤᱧ ᱨᱟ.ᱥᱠᱟ. ᱠᱚᱜ
ᱪᱮᱫ ᱤᱧ ᱚᱞ ᱠᱮᱭᱟ ?
ᱤᱧ ᱡᱩᱫᱤ ᱥᱟᱶ ᱨᱮ ᱵᱟᱝ ᱤᱧ ᱛᱟᱦᱮᱸ ᱠᱚᱜ
ᱪᱮᱫ ᱤᱧ ᱨᱟ.ᱥᱠᱟᱹ ᱠᱚᱜ-ᱟ ?
ᱵᱟᱝ…………….?
ᱥᱟᱶ ᱨᱮ ᱛᱟᱦᱮᱸ ᱠᱟᱛᱮ ᱜᱮ
ᱨᱟ.ᱥᱠᱟ. ᱦᱤᱡᱩᱜ-ᱟ
ᱨᱟ.ᱥᱠᱟ. ᱡᱟᱞᱟ ᱛᱮᱜᱮᱢ ᱠᱟ.ᱢᱤᱭᱟ
ᱨᱟ.ᱥᱠᱟ. ᱫᱚ ᱦᱚᱲ ᱟᱜ ᱠᱟ.ᱢᱤ ᱧᱮᱞ ᱛᱮ
ᱦᱚᱲ ᱟᱜ ᱡᱩᱞᱩᱝ ᱧᱮᱞ ᱛᱮ
ᱦᱚᱲ ᱟᱜ ᱠᱟ.ᱨᱫᱷᱟᱹᱱᱤ ᱧᱮᱞ ᱛᱮ
ᱦᱚᱲ ᱟᱜ ᱯᱟ.ᱭᱴᱟᱹᱲᱤ ᱧᱮᱞ ᱛᱮ
ᱦᱚᱲ ᱟᱜ ᱵᱩᱜᱤ ᱧᱮᱞ ᱛᱮ
ᱦᱚᱲ ᱟᱜ ᱚᱞ ᱧᱮᱞ ᱛᱮ
ᱨᱟ.ᱥᱠᱟ. ᱫᱚ ᱦᱤᱡᱩᱜ-ᱟ ᱾
ᱛᱤᱱ ᱨᱮ ᱚᱠᱟ ᱵᱮᱲᱟ ᱦᱤᱡᱩᱜ-ᱟ
ᱚᱦᱚ ᱵᱚ ᱵᱟᱰᱟᱭ ᱠᱮᱭᱟ
ᱚᱦᱚ ᱵᱚ ᱴᱷᱤᱠᱟ. ᱠᱮᱭᱟ
ᱢᱚᱱᱮ ᱨᱮ ᱡᱩᱫᱤ ᱵᱚᱞᱚᱱᱟ
ᱨᱟ.ᱥᱠᱟ…..
ᱩᱱ ᱫᱚ ᱨᱟ.ᱥᱠᱟ. ᱛᱮ
ᱫᱚᱨᱮᱭᱟ ᱫᱟᱜ ᱞᱮᱠᱟ
ᱪᱮᱦᱮᱞ ᱪᱮᱯᱮᱞ ᱜᱚᱫᱚ-ᱟ ……. ᱾
***
