ᱟᱢ ᱠᱤᱢ ᱦᱳᱭᱳᱜ-ᱟ ᱤᱧ ᱨᱮᱱ
ᱢᱚᱦᱚᱠ ᱥᱚᱸᱫᱷᱟᱲ ᱢᱟ.ᱞᱤ ?
ᱯᱳᱨᱳᱭ ᱯᱳᱨᱳᱭ ᱵᱟᱸᱫᱤ ᱥᱩᱫ ᱨᱮ
ᱨᱮᱵᱮᱫ ᱠᱤᱢᱟ.ᱧ ᱵᱷᱟ.ᱞᱤ ᱾
ᱪᱚᱨᱚᱠ ᱪᱮᱦᱨᱟ ᱨᱩᱯ ᱛᱤᱧ ᱫᱚ
ᱪᱚᱦᱚᱴ ᱠᱚᱜ-ᱟ ᱠᱷᱟ.ᱞᱤ ᱾
ᱠᱤᱭᱟ. ᱯᱚᱦᱚᱴ ᱢᱮᱫ ᱠᱤᱱ ᱨᱮ
ᱦᱳᱭᱳᱜ ᱢᱮᱥᱮ ᱟᱢ,
ᱦᱮᱸᱫᱮ ᱟᱭᱱᱚᱢ ᱠᱟᱡᱚᱞ ᱾
ᱢᱟᱭᱟ ᱢᱚᱦᱚᱨ ᱛᱮᱨᱟᱝ ᱱᱚᱡᱚᱨ
ᱢᱩᱦᱱᱤ ᱠᱤᱢᱟ.ᱧ ᱠᱷᱟ.ᱞᱤ ᱾
ᱮᱭᱟᱭ ᱢᱚᱦᱚᱨ ᱨᱚᱝ ᱨᱟᱝᱛᱟ ᱦᱳᱭᱳᱜ ᱟᱢ ?
ᱦᱳᱭᱳᱜ ᱢᱮᱥᱮ ᱟᱢ
ᱡᱚᱨᱚᱝ ᱡᱚᱨᱚᱝ ᱮᱛᱟᱝ ᱞᱩᱴᱤ
ᱜᱟᱵᱟᱣ ᱠᱮᱛᱤᱧᱟᱢ ᱾
ᱥᱤᱥᱤᱨ ᱡᱟ.ᱞᱤ ᱢᱩᱞᱩᱡ ᱞᱟᱸᱫᱟ
ᱤᱯᱤᱞ ᱞᱮᱠᱟᱧ ᱡᱷᱟᱞᱠᱟᱣᱜ
ᱨᱤᱫᱚᱭ ᱟᱢᱟᱜ ᱜᱷᱟᱭᱮᱞ ᱠᱟᱛᱮ
ᱥᱤᱨ ᱥᱤᱨ ᱛᱮᱧ ᱢᱟᱞᱠᱟᱣᱜ ᱾
ᱡᱷᱤᱱᱤᱠ ᱞᱤᱯᱷᱤᱨ ᱥᱟᱠᱟᱢ ᱱᱟ.ᱲᱤ
ᱦᱚᱴᱚᱜ ᱯᱮᱨᱮᱡ ᱢᱟᱞᱟ ᱢᱩᱫᱟ.ᱢ
ᱦᱳᱭᱳᱜ ᱟᱢ? ᱦᱳᱭᱳᱜ ᱢᱮᱥᱮ ᱟᱢ ᱾
ᱥᱩᱠᱷ ᱫᱩᱠᱷ ᱨᱮᱢ ᱥᱟᱶᱛᱮ ᱠᱚᱜ-ᱟ
ᱵᱟ.ᱧ ᱵᱟ.ᱜᱤ ᱠᱮᱢ ᱟᱢ ᱾
ᱨᱩᱱᱩ ᱡᱷᱩᱱᱩ ᱨᱩᱥᱱᱤ ᱪᱩᱲᱤ
ᱥᱮᱠᱮᱡ ᱥᱮᱠᱮᱡ ᱥᱟᱰᱮ,
ᱦᱳᱭᱳᱜ ᱟᱢ? ᱦᱳᱭᱳᱜ ᱢᱮᱥᱮ ᱟᱢ ᱾
ᱞᱟ.ᱵᱤᱫ ᱱᱚᱨᱚᱢ ᱛᱤ ᱛᱤᱧ ᱨᱮᱧ
ᱦᱩᱲᱟ.ᱨ ᱫᱚᱦᱚ ᱠᱟᱢ ᱾
ᱮᱛᱟᱝ ᱥᱟᱥᱟᱝ ᱞᱩᱢᱟ.ᱝ ᱥᱟ.ᱲᱤ
ᱦᱚᱭ ᱛᱮ ᱚᱴᱟᱝ ᱯᱤᱨᱤᱞ ᱯᱤᱨᱤᱞ,
ᱦᱳᱭᱳᱜ ᱟᱢ? ᱦᱳᱭᱳᱜ ᱢᱮᱥᱮ ᱟᱢ ᱾
ᱥᱟ.ᱨᱩ ᱥᱟᱥᱟᱝ ᱠᱟᱭᱨᱟ ᱯᱚᱦᱟ,
ᱞᱮᱣᱮᱨ ᱠᱚᱫᱚᱨ ᱦᱚᱲᱢᱚ,
ᱟᱞᱟᱠᱡᱟ.ᱲᱤ ᱱᱟ.ᱲᱤ ᱞᱮᱠᱟᱧ
ᱵᱮᱫᱷᱟᱣ ᱫᱚᱦᱚ ᱠᱮᱢ ᱾
ᱥᱤᱛᱩᱝ ᱞᱚᱞᱚ ᱡᱟᱨᱜᱮ ᱡᱟ.ᱯᱩᱫ
ᱫᱟᱱᱟᱝ ᱫᱚᱦᱚ ᱠᱤᱧᱟᱢ ᱾
ᱥᱩᱠᱷ ᱫᱤᱱᱨᱮ ᱥᱟᱶᱛᱮ ᱥᱩᱞᱩᱠ,
ᱫᱩᱠᱷ ᱤᱧ ᱫᱮᱭᱟ ᱠᱮᱭᱟ,
ᱦᱮᱥᱟᱜ ᱵᱟᱲᱮ ᱩᱢᱩᱞ ᱞᱮᱠᱟ
ᱟᱢᱮᱢ ᱩᱢᱩᱞ ᱠᱤᱧᱟ ᱾
___________________________
