ᱥᱟᱞᱜᱟᱣ

ᱫᱤᱥᱚᱢ! ᱜᱚᱴᱟ ᱫᱤᱥᱚᱢᱚᱜ ᱠᱟᱱᱟ ᱥᱮᱸᱜᱮᱞ ᱥᱟᱞᱜᱟᱣ ᱾
ᱪᱮᱫ ᱠᱷᱟ.ᱛᱤᱨ ᱪᱚᱝ ᱠᱚ ᱱᱮᱭᱟᱣ ᱛᱟᱯᱟᱢ ᱠᱟᱱ?
ᱜᱚᱴᱟ ᱥᱮᱫ ᱛᱮᱜᱮ ᱦᱩᱭᱩᱜ ᱠᱟᱱ ᱚᱯᱚᱴ ᱟᱞᱜᱟᱣ ᱾
ᱢᱟ.ᱱᱢᱤ ᱠᱟᱛᱮᱫ ᱢᱟ.ᱱᱢᱤ ᱜᱮ ᱵᱟᱵᱚᱱ ᱪᱤᱱᱦᱟ.ᱣ ᱡᱚᱝ ᱠᱟᱱ ᱿

ᱦᱩᱭᱩᱜ ᱠᱟᱱᱟ ᱱᱟᱦᱟᱪᱟᱨ ᱢᱟ.ᱱᱢᱤ ᱥᱟᱶ, ᱡᱤᱵᱽ ᱡᱤᱭᱟ.ᱞᱤ ᱨᱮᱦᱚᱸ ᱦᱟᱨᱠᱮᱛ ᱾
ᱜᱚᱴᱟ ᱯᱟᱲᱟ ᱜᱮ ᱠᱚᱥᱴᱚ, ᱥᱟᱱᱟᱢ ᱯᱟᱲᱟ ᱜᱮ ᱟᱱᱟᱴ ᱟᱯᱟᱴ ᱾
ᱦᱚᱲ ᱪᱮᱛᱟᱱ ᱦᱚᱲ ᱜᱮᱠᱚ ᱵᱷᱮᱫᱟᱣ ᱮᱫ ᱥᱟᱥᱚᱱ ᱥᱟᱥᱮᱛ ᱾
ᱩᱭᱦᱟ.ᱨ ᱟ.ᱪᱩᱨ ᱞᱮᱠᱷᱟᱱ ᱟ.ᱰᱤ ᱦᱟᱢᱟᱞ ᱪᱤᱱᱛᱟ. ᱜᱮ ᱵᱩᱡᱷᱟ.ᱣᱜ ᱾
ᱪᱮᱫ ᱦᱩᱭᱩᱜ-ᱟ ᱫᱤᱥᱚᱢ ᱨᱮᱭᱟᱜ ᱚᱵᱚᱥᱛᱷᱟ? ᱥᱤᱥᱚᱱ ᱜᱮ ᱟ.ᱭᱠᱟ.ᱣᱜ ᱿

ᱦᱤᱸᱥᱟ. ᱥᱩᱭᱟ., ᱮᱯᱮᱲᱦᱮᱸᱰᱮ ᱠᱚ ᱯᱟᱞᱮᱱ ᱟ.ᱰᱤ ᱰᱷᱮᱨ ᱮᱱ?
ᱦᱚᱲ ᱪᱮᱛᱟᱱ ᱦᱚᱲ ᱠᱚᱣᱟᱜ ᱯᱟᱹᱛᱭᱟ.ᱣ ᱦᱚᱸ ᱯᱟᱞᱮᱱ ᱪᱟᱵᱟ ᱮᱱ!
ᱧᱮᱞ ᱧᱮᱞ ᱛᱮ ᱦᱟᱭ! ᱵᱟ.ᱲᱤᱡ ᱜᱮ ᱟ.ᱰᱤ ᱥᱟᱦᱟᱨ ᱮᱱ ᱾
ᱵᱟᱠᱚ ᱵᱩᱡᱷᱟ.ᱣᱜ ᱠᱟᱱᱟ ᱢᱟ.ᱱᱢᱤ ᱠᱚ, ᱵᱟᱠᱚ ᱛᱟᱦᱮᱸᱱ ᱠᱟᱱᱟ ᱥᱟ.ᱨᱤ ᱦᱚᱲ ᱾
ᱫᱟᱞ ᱫᱟᱯᱟᱞ, ᱱᱮᱭᱟᱣ ᱛᱟᱯᱟᱢ ᱠᱷᱚᱱ ᱵᱟᱠᱚ ᱥᱟᱦᱟᱜ ᱠᱟᱱ, ᱢᱚᱪᱟ ᱛᱮᱠᱚ ᱠᱟᱱᱟ ᱟ.ᱛᱷᱟ.ᱣᱲᱤ ᱜᱮ ᱨᱚᱲ ᱿

ᱟ.ᱛᱩ ᱩᱱᱩᱢᱚᱜ ᱠᱟᱱ ᱞᱮᱠᱟ ᱧᱮᱞᱚᱜ ᱱᱚᱣᱟ ᱫᱟ.ᱨᱛᱤ,
ᱯᱚᱥᱟᱜᱚᱜ ᱠᱟᱱ ᱞᱮᱠᱟ ᱵᱩᱡᱷᱟ.ᱣᱜ ᱱᱚᱣᱟ ᱚᱣᱟᱝ ᱾
ᱥᱮᱸᱜᱮᱞ ᱥᱟᱞᱜᱟᱣᱜ ᱠᱟᱱ ᱞᱮᱠᱟ ᱡᱩᱞᱩᱜ ᱠᱟᱱ ᱱᱚᱣᱟ ᱥᱟᱶᱛᱟ,
ᱚᱠᱟ ᱨᱮᱪᱚᱝ ᱟᱫᱚᱜ ᱠᱟᱱᱟ ᱵᱚᱱ ᱟᱵᱚ ᱢᱟ.ᱱᱢᱤ ᱿

ᱟ.ᱰᱤ ᱫᱩᱠᱷ, ᱟ.ᱰᱤ ᱦᱟᱨᱠᱮᱛ, ᱥᱟᱞᱜᱟᱣ ᱤᱫᱤᱜ ᱠᱟᱱ ᱟ.ᱰᱤ ᱵᱷᱤᱛᱤᱨ,
ᱢᱚᱱᱮ ᱦᱚᱸ ᱩᱭᱦᱟ.ᱨ ᱮᱫ-ᱟᱭ ᱟ.ᱰᱤ ᱜᱟ.ᱦᱤᱨ ᱾
ᱚᱠᱛᱚ ᱯᱟᱞᱮᱱ ᱥᱮᱴᱮᱨ ᱮᱱ ᱫᱤᱥᱚᱢ ᱨᱮᱭᱟᱜ ᱟ.ᱨᱩ ᱯᱷᱟ.ᱨᱩ,
ᱪᱚᱴ ᱪᱟᱸᱫᱚ ᱦᱚᱸ ᱩᱫᱩᱜ ᱮᱫ-ᱟᱭ ᱚᱣᱟᱝ ᱨᱮᱭᱟᱜ ᱟ.ᱪᱩᱨ ᱵᱤᱦᱩᱨ ᱿

ᱫᱤᱥᱚᱢ! ᱜᱚᱴᱟ ᱫᱤᱥᱚᱢᱚᱜ ᱠᱟᱱᱟ ᱥᱮᱸᱜᱮᱞ ᱥᱟᱞᱜᱟᱣ,
ᱪᱮᱫ ᱠᱷᱟ.ᱛᱤᱨ ᱪᱚᱝ ᱠᱚ ᱱᱮᱭᱟᱣ ᱛᱟᱯᱟᱢ ᱠᱟᱱ?
ᱜᱚᱴᱟ ᱥᱮᱫ ᱛᱮᱜᱮ ᱦᱩᱭᱩᱜ ᱠᱟᱱ ᱚᱯᱚᱴ ᱟᱞᱜᱟᱣ ᱾
ᱢᱟ.ᱱᱢᱤ ᱠᱟᱛᱮ ᱢᱟ.ᱱᱢᱤ ᱜᱮ ᱵᱟᱵᱚᱱ ᱠᱷᱟ.ᱛᱤᱨ ᱡᱚᱝ ᱠᱟᱱ ᱿

***