ᱫᱩᱞᱟᱹᱲ ᱛᱟᱢ ᱥᱟᱶᱛᱟ
ᱡᱟᱦᱟᱸ ᱨᱮ ᱟᱢᱮᱢ ᱡᱟᱱᱟᱢ ᱟᱠᱟᱱ
ᱥᱩᱥᱟᱹᱨ ᱛᱟᱢ ᱥᱟᱶᱛᱟ
ᱡᱟᱦᱟᱸ ᱨᱮᱢ ᱦᱟᱨᱟ ᱟᱠᱟᱱ,
ᱥᱟᱶᱛᱟ ᱵᱮᱜᱚᱨ ᱟᱢᱟᱜ ᱴᱷᱟᱶ ᱵᱟᱹᱱᱩᱜ ᱛᱟᱢ
ᱯᱟᱹᱨᱥᱤ ᱵᱮᱜᱚᱨ ᱟᱢᱟᱜ ᱩᱯᱨᱩᱢ ᱵᱟᱹᱱᱩᱜ ᱛᱟᱢ ᱾
ᱯᱟᱹᱨᱥᱤᱢ ᱟᱫ ᱞᱮᱠᱷᱟᱱ ᱟᱢᱮᱢ ᱟᱫᱚᱜ
ᱟᱢᱟᱜ ᱩᱯᱨᱩᱢ ᱜᱮ ᱛᱟᱢ ᱪᱟᱵᱟᱜ ᱛᱟᱢ
ᱜᱤᱛᱤᱞ ᱚᱲᱟᱜ ᱞᱮᱠᱟ ᱞᱮ ᱵᱚᱦᱮᱞᱚᱜ ᱛᱟᱢ
ᱟᱢᱟᱜ ᱠᱩᱠᱢᱩ ᱜᱮ ᱛᱟᱢ ᱵᱟᱝ ᱯᱩᱨᱟᱹᱣᱜ ᱛᱟᱢ ᱾
ᱟᱹᱠᱤᱞ ᱟᱢᱮᱢ ᱟᱢᱮᱴ ᱞᱮᱠᱷᱟᱱ
ᱵᱩᱜᱤ ᱵᱟᱹᱲᱤᱡ ᱮᱢ ᱩᱭᱦᱟᱹᱨ ᱫᱟᱲᱮᱜ ᱟᱢ
ᱥᱟᱶᱛᱟ ᱨᱮ ᱟᱢᱟᱜ ᱩᱯᱨᱩᱢ ᱛᱟᱢ
ᱯᱟᱹᱨᱥᱤ ᱟᱢᱮᱢ ᱡᱚᱜᱟᱣ ᱡᱚᱛᱚᱱ ᱞᱮ ᱠᱷᱟᱱ
ᱥᱟᱶᱦᱮᱫ ᱠᱤᱥᱟᱹᱬᱚᱜ ᱛᱟᱢ ᱾
ᱥᱟᱶᱦᱮᱫ ᱨᱮ ᱡᱷᱟᱞᱠᱟᱣᱜ ᱛᱟᱢ
ᱨᱤᱞᱟᱹᱢᱟᱞᱟ ᱟᱢᱟᱜ ᱥᱟᱶᱛᱟ ᱨᱮᱭᱟᱜ
ᱵᱩᱜᱤ ᱵᱟᱹᱲᱤᱡ ᱡᱚᱛᱚᱣᱟᱜ ᱛᱟᱢ
ᱢᱟᱹᱱᱢᱤ ᱞᱮᱠᱟ ᱢᱟᱹᱱᱢᱤᱢ ᱞᱮᱠᱷᱟᱜ
ᱟᱢᱟᱜ ᱩᱯᱨᱩᱢ ᱵᱟᱧᱪᱟᱣᱜ ᱛᱟᱢ ᱾
***
