ᱩᱱᱠᱩ ᱠᱚᱫᱚ ᱵᱤᱪᱟᱹᱨ ᱟᱪᱟᱨᱟ ᱠᱚ
ᱥᱮᱨᱣᱟ ᱟᱹᱨᱤ ᱡᱚᱛᱚᱱ ᱦᱟᱨᱟᱭᱟᱠᱚ
ᱩᱱᱠᱩ ᱠᱚᱫᱚ ᱨᱩᱠᱷᱭᱟᱹ ᱦᱚᱨᱦᱚ ᱦᱚᱲ
ᱥᱟᱶᱛᱟ ᱴᱮᱸᱜᱷᱟᱱ ᱵᱟᱹᱭᱨᱤ ᱫᱟᱨᱟᱢ
ᱥᱩᱥᱟᱹᱨᱤᱭᱟᱹ, ᱥᱚᱨᱮᱥ ᱠᱚᱲᱟ ᱦᱚᱲ!
ᱟᱹᱰᱤ ᱜᱮᱭᱟᱱ ᱵᱩᱡᱽ ᱵᱩᱡᱷᱟᱹᱱᱛᱟᱨ
ᱵᱟᱰᱟᱭᱟᱠᱚ ᱛᱤᱱᱟᱹᱜ ᱢᱟᱱᱛᱟᱨ
ᱛᱮᱭᱟᱨᱟᱠᱚ ᱥᱟᱶᱛᱟ ᱛᱟᱵᱚᱱ
ᱛᱤᱱᱟᱹᱜ ᱨᱤᱞᱟᱹᱢᱟᱞᱟ!
ᱥᱩᱞᱩᱠ ᱥᱟᱶᱟᱭ ᱟᱹᱜᱩᱭᱟᱠᱚ
ᱟᱵᱚᱱ ᱡᱷᱚᱛᱚᱢ ᱛᱟᱞᱟ!
ᱟᱢ ᱢᱟ ᱢᱩᱨᱩᱠ ᱠᱩᱲᱤ ᱦᱚᱲ
ᱜᱮᱭᱟᱱ ᱜᱮᱛᱚ ᱵᱟᱹᱱᱩᱜ ᱛᱟᱢᱟ
ᱵᱟᱢ ᱵᱟᱰᱟᱭᱟ ᱨᱚᱲ ᱾
ᱟᱢ ᱜᱮ ᱠᱩᱲᱤᱢ ᱛᱟᱲᱟᱢ ᱵᱟᱹᱲᱤᱡᱽ
ᱞᱤᱠᱷᱚᱱ ᱜᱚᱲᱦᱚᱱ ᱟᱹᱨᱤᱢ ᱥᱤᱬᱤᱡᱽ
ᱟᱢ ᱜᱮᱛᱚ ᱩᱱᱤ ᱠᱚᱞᱚᱝᱠᱤᱭᱟᱹ
ᱵᱤᱥᱤᱠᱷᱱᱟᱹᱛ ᱦᱩᱛᱤ
ᱤᱠᱟᱹ ᱤᱱᱟᱹ ᱛᱮ ᱵᱟᱢ ᱧᱟᱢᱟ
ᱟᱢ ᱫᱚ ᱢᱤᱫ ᱨᱩᱛᱤ ᱾
ᱠᱟᱹᱭ ᱠᱩᱲᱟᱹᱭ ᱮ ᱥᱚᱝ ᱟᱢᱟ
ᱥᱟᱥᱚᱱ ᱠᱟᱹᱯᱤ ᱟᱬᱜᱳ ᱟᱢᱟ
ᱞᱩᱜᱽᱲᱤ ᱞᱟᱯᱳᱭ ᱨᱮᱡ ᱢᱮᱛᱮ
ᱩᱞᱩᱝ ᱢᱮᱛᱮᱭ ᱵᱤᱪᱟᱹᱨ
ᱫᱤᱥᱚᱢ ᱛᱟᱞᱟᱭ ᱳᱫᱳᱲ ᱢᱮᱛᱮ
ᱟᱹᱨᱤ ᱛᱟᱭᱮ ᱥᱩᱥᱟᱹᱨ!
ᱟᱢ ᱫᱚ ᱢᱩᱨᱩᱠ ᱠᱩᱲᱤ ᱦᱚᱲ,
ᱜᱮᱭᱟᱱ ᱜᱮᱛᱚ ᱵᱟᱹᱱᱩᱜ ᱛᱟᱢᱟ
ᱵᱟᱢ ᱵᱟᱰᱟᱭᱟ ᱨᱚᱲ!
ᱤᱠᱟᱹ ᱟᱢᱟᱜ ᱵᱟᱹᱱᱩᱜ ᱛᱟᱢᱟ
ᱡᱚᱛᱷᱟᱛ ᱠᱩᱲᱟᱹᱭ ᱚᱱᱟᱛᱮ ᱱᱚᱣᱟ
ᱫᱤᱥᱚᱢ ᱥᱩᱫᱷᱟᱹᱭ ᱧᱮᱞ ᱠᱮᱫᱮᱭᱟ
ᱡᱚᱫᱷᱟ ᱥᱟᱥᱚᱱᱤᱭᱟᱹ,
ᱛᱤᱱᱟᱹᱜ ᱟᱺᱴᱟᱱ ᱥᱟᱥᱚᱱ ᱢᱮᱱᱟᱜ
ᱮ, ᱟᱹᱨᱤ ᱛᱟᱞᱚᱢᱤᱭᱟᱹ!
***
