ᱫᱷᱟᱹᱨᱛᱤ ᱛᱟᱞᱟ ᱫᱟᱨᱮ ᱥᱟᱠᱟᱢ ᱾
ᱚᱛ ᱦᱟᱥᱟ ᱨᱮ ᱢᱟᱹᱱᱢᱤ ᱡᱚᱱᱚᱢ ᱾
ᱫᱟᱨᱮ ᱥᱟᱠᱟᱢ ᱫᱚ ᱡᱟᱣ ᱜᱮ ᱥᱟᱜᱮᱱᱚᱜ-ᱟ ᱾
ᱤᱠᱷᱟᱹᱱ ᱢᱤᱫ ᱫᱤᱱ ᱫᱚ ᱟᱵᱚ ᱵᱟᱝ ᱵᱚ ᱛᱟᱦᱮᱱᱟ ᱾
ᱱᱟ.ᱭ ᱱᱟᱞᱟ ᱜᱟᱰᱟ ᱫᱟᱜ
ᱫᱟᱨᱮᱭᱟ ᱨᱮᱭ ᱞᱤᱸᱜᱤ ᱢᱮᱥᱟᱜ ᱾
ᱟᱡᱮᱸᱫᱚᱜ ᱨᱮᱦᱚᱸ ᱵᱟᱱ ᱨᱩᱣᱟᱹᱲᱚᱜ-ᱟ ᱾
ᱤᱠᱷᱟᱹᱱ ᱢᱤᱫ ᱫᱤᱱ ᱫᱚ ᱟᱵᱚ ᱵᱟᱝ ᱵᱚ ᱛᱟᱦᱮᱱᱟ ᱾
ᱵᱤᱨ ᱵᱩᱨᱩ ᱠᱚ ᱩᱡᱟᱹᱲ ᱠᱟᱛᱮ
ᱵᱮᱱᱟᱣᱜ ᱠᱟᱱᱟ ᱥᱚᱦᱚᱨ ᱵᱟᱡᱟᱨ ᱚᱛᱮ ᱾
ᱪᱮᱬᱮ ᱪᱤᱯᱲᱩ ᱠᱚ ᱨᱟᱻᱨᱟᱜ ᱠᱟᱱᱟ ᱾
ᱵᱩᱨᱩ ᱨᱮ ᱢᱟᱥᱮ ᱥᱮᱸᱜᱮᱞ ᱫᱟᱜ ᱜᱮ ᱦᱮᱰᱮᱡᱚᱜ ᱠᱟᱱᱟ ᱾
ᱫᱷᱚᱱ ᱫᱳᱣᱞᱚᱛ ᱴᱟᱠᱟ ᱯᱩᱭᱥᱟᱹ ᱚᱲᱟᱜ ᱫᱩᱣᱟᱹᱨ,
ᱟᱞᱚᱢ ᱴᱷᱮᱢᱟᱭ ᱦᱟᱭ ᱨᱮ ᱟᱞᱚᱢ ᱦᱩᱢᱩᱨ ᱦᱩᱢᱩᱨ ᱾
ᱡᱩᱨᱤ ᱯᱟᱹᱨᱤ ᱥᱟ.ᱜᱟ.ᱭ ᱫᱩᱞᱟᱹᱲ,
ᱡᱟᱭᱡᱩᱜᱽ ᱛᱟᱦᱮᱱᱟ ᱡᱤᱭᱟ.ᱲ ᱾
ᱱᱟᱣᱟ ᱥᱟᱜᱮᱱ ᱦᱟᱹᱞᱤ ᱦᱟ.ᱨᱭᱟ.ᱲ ᱥᱟᱠᱟᱢ ᱛᱮ,
ᱥᱚᱵᱷᱟᱭ ᱧᱮᱞᱚᱜ ᱠᱩᱪᱤ ᱯᱚᱦᱟᱞ ᱫᱟᱨᱮ ᱾
ᱯᱟᱺᱰᱩ ᱥᱟᱠᱟᱢ ᱫᱚ ᱜᱩᱨᱞᱟ.ᱣ ᱧᱩᱨᱩᱜ ᱱᱟᱥᱮ ᱦᱚᱭ ᱛᱮ,
ᱱᱟᱥᱮ ᱡᱷᱤᱯᱤᱨ ᱡᱟᱹᱲᱤ ᱛᱮᱜᱮᱭ ᱥᱮᱭᱟ ᱢᱮᱥᱟ ᱠᱚᱜ ᱦᱟᱥᱟ ᱨᱮ ᱾
ᱚᱛ ᱦᱟᱥᱟ ᱵᱤᱨ ᱵᱩᱨᱩ ᱫᱚ ᱟᱹᱰᱤᱭ ᱱᱤᱨᱢᱟᱭᱟ ᱜᱮᱭᱟ,
ᱟᱢᱮᱢ ᱨᱟᱜᱽ ᱨᱮᱦᱚᱸ ᱟᱡ ᱫᱚ ᱫᱤᱱ ᱜᱮᱭ ᱞᱟᱸᱫᱟᱭᱟ ᱾
ᱱᱚᱝᱠᱟ ᱜᱮ ᱦᱟᱱᱮ ᱛᱤᱥ ᱠᱷᱚᱱ ᱪᱚᱭ ᱛᱟᱦᱮᱱ ᱠᱟᱱᱟ !
ᱤᱠᱷᱟᱹᱱ ᱢᱤᱫ ᱫᱤᱱ ᱫᱚ ᱟᱵᱚ ᱵᱟᱝ ᱵᱚ ᱛᱟᱦᱮᱱᱟ ᱾
***
