ᱫᱷᱟ.ᱨᱛᱤ ᱯᱩᱨᱤ ᱨᱮ
ᱦᱚᱲ ᱢᱟ ᱜᱟᱫᱮᱞ ᱜᱟᱫᱮᱞ ᱿
ᱜᱚᱴᱟ ᱯᱟᱲᱟ ᱜᱮ
ᱫᱤᱠᱩ ᱯᱩᱥᱤ ᱢᱟ ᱫᱚᱢᱮᱞ ᱫᱚᱢᱮᱞ ᱾
ᱦᱚᱲ ᱥᱟᱞᱟᱜ ᱦᱚᱲ ᱛᱟᱦᱮᱸ ᱠᱟᱛᱮᱫ ᱦᱚᱸ
ᱵᱟᱵᱚᱱ ᱦᱮᱞᱢᱮᱞ ᱾
ᱪᱮᱫᱟᱜ ᱪᱚᱝ! ᱟᱵᱚ ᱠᱷᱮᱨᱣᱟᱲ
ᱵᱟᱵᱚᱱ ᱫᱟᱲᱮᱜ ᱫᱤᱠᱩ ᱯᱩᱥᱤ ᱥᱟᱶ ᱾
ᱟᱠᱚᱣᱟᱜ ᱨᱟᱡᱽ ᱟ.ᱨᱤ ᱨᱮ
ᱞᱮᱛᱟᱲ ᱜᱮ ᱵᱚᱱ ᱛᱟᱦᱮᱸᱱ ᱨᱟᱶ~ᱨᱟᱶ ᱾
ᱫᱤᱱᱟ.ᱢ ᱜᱮ ᱱᱟᱦᱟᱪᱟᱨ, ᱫᱤᱱᱟ.ᱢ ᱜᱮ
ᱯᱚᱥᱲᱟ ᱨᱮᱜᱮ ᱟᱵᱚᱣᱟᱜ ᱴᱷᱟᱶ ᱾
ᱚᱛ~ᱦᱟᱥᱟ, ᱴᱟᱠᱟ~ ᱯᱩᱭᱥᱟ.,
ᱫᱷᱤ~ᱫᱟᱲᱮ, ᱫᱤᱥ~ ᱦᱩᱫᱤᱥ
ᱡᱚᱛᱚᱣᱟᱜ ᱛᱮᱜᱮ ᱵᱚᱱ ᱨᱮᱡ ᱨᱮᱸᱜᱮᱡ ᱚᱪᱚᱜ ᱠᱟᱱ,
ᱮᱲᱮ ᱮᱯᱮᱲᱮ ᱚᱪᱚᱜ ᱠᱟᱱ ᱾
ᱪᱮᱫᱟᱜ ᱪᱚᱝ! ᱵᱟᱵᱚᱱ ᱮᱵᱷᱮᱱᱚᱜ ᱠᱟᱱ,
ᱪᱮᱸᱜᱷᱟ ᱪᱮᱴᱠᱟᱨᱚᱜ ᱠᱟᱱ ᱾
ᱫᱤᱱᱟ.ᱢ ᱟᱞᱚᱢ ᱛᱟᱦᱮᱸᱱ
ᱱᱚᱝᱠᱟ ᱱᱟᱪᱟᱨ ᱜᱮ, ᱴᱩᱣᱟ.ᱨ ᱜᱮ ᱾
ᱚᱞ ᱛᱮᱜᱮ ᱵᱚᱱ ᱥᱮᱸᱲᱟᱜᱼᱟ,
ᱯᱟᱲᱦᱟᱣ ᱛᱮᱜᱮ ᱵᱚᱱ ᱞᱟᱦᱟᱜᱼᱟ ᱾
ᱚᱞ ᱛᱚᱞ ᱠᱩᱢᱩᱴ ᱪᱷᱩᱴᱟ.ᱣ ᱞᱮᱱᱠᱷᱟᱱ
ᱵᱟᱵᱚᱱ ᱯᱷᱟ.ᱰᱩᱜᱼᱟ ᱾
ᱚᱛ~ᱦᱟᱥᱟ, ᱴᱟᱠᱟ~ ᱯᱩᱭᱥᱟ.
ᱡᱚᱛᱚ ᱟᱨᱡᱟᱣ ᱨᱮᱭᱟᱜ ᱫᱟᱲᱮ ᱵᱚᱱ ᱫᱚᱦᱚᱭᱟ ᱾
ᱫᱷᱤ~ᱫᱟᱲᱮ, ᱫᱤᱥ~ ᱦᱩᱫᱤᱥ ᱩᱭᱦᱟ.ᱨ ᱦᱚᱸ
ᱥᱟᱧᱪᱟᱣ ᱨᱮᱭᱟᱜ ᱢᱚᱱᱮ ᱵᱚᱱ ᱠᱮᱴᱮᱡᱟ ᱾
ᱫᱮᱞᱟ ᱛᱚᱵᱮ! ᱢᱚᱱᱮ ᱵᱚᱱ ᱨᱤᱠᱟ.ᱭ ᱢᱟ,
ᱵᱩᱜᱤ ᱵᱟᱹᱲᱤᱡ ᱵᱚᱱ ᱴᱷᱤᱠᱟ.ᱭ ᱢᱟ ᱾
ᱨᱟ.ᱥᱠᱟᱹ ᱨᱟ.ᱥᱠᱤ ᱡᱚᱛᱚ ᱠᱚ ᱥᱟᱞᱟᱜ
ᱦᱮᱞᱢᱮᱞ ᱵᱚᱱ ᱡᱚᱴᱟᱣᱜ ᱢᱟ ᱿
ᱱᱚᱶᱟ ᱫᱷᱟ.ᱨᱛᱤ ᱯᱩᱨᱤ ᱨᱮ,
ᱢᱟ.ᱱᱢᱤ ᱛᱟᱞᱟ ᱨᱮ ᱾
ᱡᱚᱴᱟᱣᱜ ᱟᱵᱚᱱ ᱫᱤᱠᱩ ᱯᱩᱥᱤ ᱥᱟᱶ ᱦᱚᱸ,
ᱧᱟᱢ ᱟᱵᱚᱱ ᱟᱵᱚ ᱦᱚᱸ ᱪᱚᱴ ᱪᱮᱛᱟᱱ ᱟᱠᱚᱣᱟᱜ ᱴᱷᱟᱶ ᱦᱚᱸ ᱿
***
