ᱞᱚᱞᱚ ᱚᱛ ᱡᱮ ᱞᱮᱠᱟᱭ ᱛᱤᱨᱯᱤᱫᱚᱜ
ᱯᱳᱭᱞᱳ ᱡᱟᱹᱲᱤ ᱛᱮ
ᱛᱮᱛᱟᱝ ᱡᱟᱱᱟᱝ ᱮ ᱟᱸᱡᱽᱞᱮᱭᱟ
ᱥᱟᱥᱟᱭ ᱛᱟᱨᱟ ᱥᱮᱨᱢᱟ ᱥᱟᱺᱜᱤᱧ
ᱨᱮᱱᱟᱜ ᱫᱟᱜ ᱫᱷᱩᱲᱤ ᱾
ᱡᱮᱞᱮᱠᱟ ᱵᱤᱨᱢᱟᱞᱤᱱᱟᱜ ᱵᱟᱵᱟᱨ ᱢᱮᱫ ᱮ
ᱞᱟᱲᱟᱭ ᱧᱩᱛᱟᱹᱛ ᱜᱟᱭᱜᱚᱢ
ᱚᱱᱠᱟ ᱜᱮ ᱥᱟᱹᱵᱤᱠ
ᱴᱩᱰᱟᱹᱝ ᱦᱤᱡᱩᱜ ᱢᱮ ᱵᱮᱥᱨᱟ ᱠᱩᱲᱤ
ᱛᱚᱲᱮ ᱥᱩᱛᱟᱹᱢ ᱛᱮ ᱾
ᱛᱩᱢᱫᱟᱜ ᱮ ᱡᱚᱲᱟᱣ ᱮᱫ,
ᱴᱩᱰᱩ ᱠᱚᱲᱟ ᱡᱟᱸᱦᱟᱨᱮ
ᱜᱚᱪᱷᱟᱨᱮ ᱫᱩᱞᱟᱹᱲ
ᱯᱳᱨᱳᱭ ᱯᱳᱨᱳᱭ ᱦᱟᱴ ᱵᱟᱦᱟ
ᱥᱚᱸᱫᱷᱟᱲ ᱥᱚᱦᱟᱜᱤ ᱾
ᱨᱤᱦᱤᱴ ᱪᱷᱟᱸᱫᱟ ᱛᱮ ᱛᱚᱞ ᱳᱭᱟᱝ ᱛᱟᱞᱟ
ᱜᱟᱹᱭ ᱰᱟᱦᱟᱨ᱾ ᱫᱷᱟᱨᱛᱤ ᱨᱮᱱᱟᱜ ᱥᱟᱱᱟᱢ ᱥᱳᱜᱷᱳᱲ ᱾
ᱪᱤᱠᱟᱹᱬ ᱦᱟᱦᱟᱲᱟ ᱵᱤᱢᱟᱹᱞᱪᱷᱟᱹᱼ
ᱨᱟᱡᱽ ᱜᱮᱰᱮᱭ ᱰᱚᱭᱞᱟᱝ ᱵᱟᱲᱟᱭᱮ
ᱛᱟᱞᱮ ᱵᱟᱸᱫᱽ ᱯᱩᱠᱷᱨᱤ ᱾ ᱡᱮᱞᱮᱠᱟ ᱾
ᱢᱟᱹᱫᱟᱹᱲᱤᱭᱟᱹ ᱟᱢ ᱛᱚ ᱵᱟᱢ ᱮᱛᱚᱢᱟ
ᱠᱩᱠᱷᱤ ᱰᱟᱦᱟᱨ ᱾
ᱵᱟᱭ ᱪᱷᱩᱛᱟ ᱟᱢᱟᱜ ᱵᱤ ᱵᱟᱰᱳᱦᱤ ᱢᱚᱱ
ᱤᱞᱳᱨᱟ ᱠᱷᱚᱜᱚᱨ ᱪᱤᱛᱟᱹᱨ ᱾
ᱤᱠᱷᱟᱹᱱ ᱵᱟᱢ ᱟᱛᱟᱝ ᱠᱮᱭᱟ ᱵᱷᱩᱨᱠᱟᱹᱜ
ᱪᱷᱤᱢᱪᱷᱟᱛᱩᱨ!
ᱥᱚᱱᱮᱜᱚᱲ ᱥᱤᱠᱲᱤ ᱟᱢᱟᱜ ᱵᱟᱭ ᱛᱚᱞ ᱠᱮᱭᱟ
ᱪᱷᱤᱸᱜᱽᱞᱟᱹᱣ!
ᱵᱟᱢ ᱛᱷᱟᱯᱚᱱ ᱨᱩᱭᱟᱹᱲ ᱠᱮᱭᱟ ᱵᱷᱩᱨᱠᱟᱹᱜ
ᱥᱟᱹᱨᱤ ᱥᱚᱱᱚᱛ ᱥᱳᱜᱷᱳᱲ ᱾
***
