ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱨᱤᱞᱟᱹᱢᱟᱞᱟ
ᱡᱤᱣᱤ ᱯᱮᱨᱮᱡ ᱱᱤᱨᱚᱞᱟ
ᱪᱟᱸᱫᱚ ᱵᱟᱨᱟᱵᱟᱹᱨᱤ ᱜᱚᱼᱵᱟᱵᱟ ᱟᱹᱵᱤᱱ
ᱤᱧᱟᱜ ᱡᱚᱦᱟᱨ ᱟᱛᱟᱝ ᱵᱤᱱ ᱾
ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱨᱮ ᱵᱤᱱ
ᱟᱹᱜᱩ ᱠᱮᱫᱤᱧ ᱦᱮᱣ ᱦᱚᱵᱚᱨ ᱠᱟᱛᱮᱫ ᱵᱤᱱ ᱦᱟᱨᱟ ᱠᱮᱫᱤᱧ
ᱪᱟᱸᱫᱚ ᱵᱟᱨᱟᱵᱟᱹᱨᱤ ᱜᱚᱼᱵᱟᱵᱟ ᱟᱹᱵᱤᱱ
ᱤᱧᱟᱜ ᱡᱚᱦᱟᱨ ᱟᱛᱟᱝ ᱵᱤᱱ ᱾
ᱜᱷᱟᱨᱚᱸᱡᱽ ᱨᱮ ᱩᱯᱨᱩᱢ ᱤᱧ ᱧᱟᱢ ᱠᱮᱫ
ᱢᱟᱹᱭ, ᱫᱟᱹᱭ, ᱜᱟᱛᱮ ᱠᱩᱲᱤ, ᱛᱤᱨᱤ, ᱦᱤᱞᱤ, ᱜᱚ
ᱜᱚᱲᱚᱢ ᱵᱩᱰᱷᱤ ᱪᱟᱸᱫᱚ ᱵᱟᱨᱟᱵᱟᱹᱨᱤ ᱜᱚᱼᱵᱟᱵᱟ
ᱟᱹᱵᱤᱱ ᱤᱧᱟᱜ ᱡᱚᱦᱟᱨ ᱟᱛᱟᱝ ᱵᱤᱱ ᱾
ᱚᱞᱚᱜ ᱯᱟᱲᱦᱟᱣ ᱤᱧ ᱥᱮᱬᱟ ᱠᱮᱫ
ᱵᱩᱫᱷᱤ ᱜᱮᱭᱟᱱ ᱤᱧ ᱟᱢᱮᱴ ᱠᱮᱫ
ᱪᱟᱸᱫᱚ ᱵᱟᱨᱟᱵᱟᱹᱨᱤ ᱜᱚᱼᱵᱟᱵᱟ ᱟᱹᱵᱤᱱ
ᱤᱧᱟᱜ ᱡᱚᱦᱟᱨ ᱟᱛᱟᱝ ᱵᱤᱱ ᱾
ᱢᱟᱹᱱᱢᱤ ᱢᱮᱱᱛᱮ ᱩᱯᱨᱩᱢ ᱵᱤᱱ ᱮᱢᱟᱫᱤᱧ
ᱵᱩᱜᱤ ᱵᱟᱹᱲᱤᱡ ᱤᱧ ᱩᱭᱦᱟᱹᱨ ᱫᱟᱲᱮᱜ ᱠᱟᱱ
ᱪᱟᱸᱫᱚ ᱵᱟᱨᱟᱵᱟᱹᱨᱤ ᱜᱚᱼᱵᱟᱵᱟ ᱟᱹᱵᱤᱱ
ᱤᱧᱟᱜ ᱡᱚᱦᱟᱨ ᱟᱛᱟᱝ ᱵᱤᱱ ᱾
ᱥᱚᱱᱚᱛ ᱰᱟᱦᱟᱨ ᱤᱧ ᱯᱟᱸᱡᱟᱭ ᱢᱟ
ᱟᱹᱵᱤᱱᱟᱜ ᱟᱥᱤᱥ ᱛᱷᱩᱢ ᱡᱟᱭᱡᱩᱜᱽ ᱛᱟᱦᱮᱸᱱ ᱢᱟ
ᱪᱟᱸᱫᱚ ᱵᱟᱨᱟᱵᱟᱹᱨᱤ ᱜᱚᱼᱵᱟᱵᱟ ᱟᱹᱵᱤᱱ
ᱤᱧᱟᱜ ᱡᱚᱦᱟᱨ ᱟᱛᱟᱝ ᱵᱤᱱ ᱾
***
