ᱫᱤᱠᱩ

ᱟᱹᱰᱤ ᱫᱤᱱ ᱞᱟᱦᱟ ᱨᱮᱱᱟᱜ ᱠᱟᱛᱷᱟ, ᱢᱤᱫ ᱦᱟᱲᱟᱢ ᱵᱩᱰᱷᱤ ᱨᱤᱱ ᱵᱟᱨᱭᱟ ᱛᱤᱨᱞᱟᱹ ᱦᱚᱯᱚᱱ ᱠᱤᱱ ᱛᱟᱦᱮᱸ ᱞᱮᱱᱟ ᱾ ᱵᱤᱨᱢᱩᱞᱤ ᱟᱨ ᱢᱟᱹᱞᱤ ᱾

ᱩᱱᱠᱤᱱ ᱦᱟᱲᱟᱢ ᱵᱩᱰᱷᱤ ᱫᱚ ᱟᱹᱰᱤ ᱨᱮᱸᱜᱮᱡ ᱜᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾

ᱵᱤᱨᱢᱩᱞᱤ ᱟᱨ ᱢᱟᱹᱞᱤ ᱦᱚᱸ ᱦᱩᱰᱤᱧ ᱜᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱩᱱᱠᱤᱱ ᱦᱟᱲᱟᱢ ᱵᱩᱰᱷᱤ ᱫᱤᱱ ᱜᱮ ᱱᱟᱞᱦᱟ ᱠᱤᱱ ᱥᱮᱱᱚᱜ ᱛᱟᱦᱮᱸᱫ ᱾ ᱢᱤᱫ ᱫᱤᱱ ᱚᱱᱠᱟ ᱜᱮ ᱦᱟᱲᱟᱢ ᱵᱩᱰᱷᱤ ᱠᱟᱹᱢᱤ ᱠᱤᱱ ᱥᱮᱱ ᱟᱠᱟᱱᱟ ᱾ ᱵᱤᱨᱢᱩᱞᱤ ᱟᱨ ᱢᱟᱹᱞᱤ ᱫᱚ ᱚᱲᱟᱜ ᱨᱮᱜᱮ ᱠᱤᱱ ᱛᱟᱦᱮᱸᱱ ᱛᱟᱦᱮᱸᱡ ᱾

ᱢᱤᱫ ᱫᱤᱱ ᱫᱚ ᱚᱱᱟ ᱟᱹᱛᱩ ᱨᱮ ᱫᱤᱠᱩ ᱠᱚ ᱦᱮᱡ ᱟᱠᱟᱱᱟ ᱾ ᱡᱚᱛᱚ ᱚᱲᱟᱜ ᱨᱮ ᱵᱚᱞᱚ ᱠᱟᱛᱮ ᱦᱟᱱᱟ ᱱᱷᱟᱶᱟ ᱡᱩᱨ ᱠᱟᱛᱮ ᱠᱚ ᱤᱫᱤ ᱛᱟᱦᱮᱸᱫ ᱾ ᱢᱟᱹᱞᱤ ᱩᱱᱠᱩ ᱫᱤᱠᱩ ᱧᱮᱞ ᱧᱟᱢ ᱠᱟᱛᱮ ᱵᱤᱨᱢᱩᱞᱤ ᱴᱷᱮᱱ ᱮ ᱞᱟᱹᱭ ᱮᱫ-ᱟ, ᱫᱤᱠᱩ ᱠᱚ ᱦᱮᱡ ᱟᱠᱟᱱᱟ ᱾ ᱵᱤᱨᱢᱩᱞᱤ ᱫᱤᱠᱩ ᱠᱚ ᱦᱮᱡ ᱟᱠᱟᱱᱟ ᱟᱸᱡᱚᱢ ᱠᱟᱛᱮ ᱵᱚᱛᱚᱨ ᱜᱮᱭ ᱵᱩᱡᱷᱟᱹᱣ ᱠᱮᱫ-ᱟ ᱾

ᱟᱭᱳ ᱵᱟᱵᱟ ᱦᱚᱸ ᱚᱲᱟᱜ ᱨᱮ ᱵᱟᱹᱱᱩᱜ ᱠᱤᱱᱟ ᱾ ᱪᱮᱫ ᱠᱤᱱ ᱪᱤᱠᱟᱹᱭᱟ ᱾ ᱫᱤᱠᱩ ᱟᱹᱰᱤ ᱠᱚ ᱦᱚᱨᱚᱵᱚᱨᱚᱣᱟ ᱾

ᱢᱟᱹᱞᱤ ᱞᱟᱹᱭ ᱮᱫᱟᱭ ᱫᱟᱹᱭ ᱩᱠᱩᱱ ᱟᱞᱟᱝ ᱾ ᱵᱤᱨᱢᱩᱞᱤ ᱟᱨ ᱢᱟᱹᱞᱤ ᱫᱚ ᱠᱤᱱ ᱩᱠᱩᱭᱮᱱᱟ ᱾

ᱵᱤᱨᱢᱩᱞᱤ ᱟᱨ ᱢᱟᱹᱞᱤ ᱚᱲᱟᱜ ᱨᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱩᱱᱠᱩ ᱫᱤᱠᱩ ᱟᱠᱚ ᱚᱲᱟᱜ ᱵᱚᱞᱚ ᱠᱟᱛᱮ ᱠᱚ ᱧᱮᱞ ᱠᱮᱫ ᱠᱚᱣᱟ, ᱚᱠᱚᱭ ᱦᱚᱸ ᱵᱟᱹᱱᱩᱜ ᱠᱚᱣᱟ ᱾ ᱜᱚᱴᱟ ᱚᱲᱟᱜ ᱵᱚᱞᱚ ᱠᱟᱛᱮ ᱦᱚᱸᱠᱚ ᱧᱮᱞ ᱠᱮᱫ ᱠᱚᱣᱟ, ᱵᱟᱠᱚ ᱧᱟᱢ ᱞᱮᱫ ᱠᱤᱱᱟ ᱾ ᱟᱫᱚ ᱠᱚ ᱨᱩᱣᱟᱹᱲ ᱮᱱᱟ ᱾

ᱚᱱᱠᱟ ᱜᱮ ᱟᱨ ᱦᱚᱸ ᱫᱤᱠᱩ ᱠᱚ ᱠᱤᱱ ᱧᱮᱞ ᱞᱮᱠᱚ ᱠᱷᱟᱱ ᱜᱮ ᱢᱟᱹᱞᱤ ᱟᱨ ᱵᱤᱨᱢᱩᱞᱤ ᱫᱚ ᱫᱤᱱᱟᱹᱢ ᱜᱮ ᱠᱤᱱ ᱩᱠᱩᱱ ᱛᱟᱦᱮᱸᱱ ᱾

***