ᱦᱟᱱᱮ ᱧᱮᱞᱚᱜ ᱠᱟᱱ
ᱟᱵᱚᱣᱟᱜ ᱯᱟ.ᱨᱥᱤ ᱯᱚᱦᱟ
ᱚᱞ ᱜᱩᱨᱩ ᱨᱚᱜᱷᱩ ᱢᱩᱨᱢᱩ
ᱯᱟᱨᱪᱟᱣ ᱟᱠᱟᱫ ᱚᱱᱟ ᱾
ᱱᱤᱛᱚᱜ ᱚᱱᱟ ᱯᱟ.ᱨᱥᱤ
ᱯᱚᱦᱟ ᱨᱟᱠᱟᱵ ᱠᱟᱱ
ᱡᱮᱜᱮᱛ ᱨᱮ ᱚᱱᱟ ᱾
ᱢᱟᱬᱟᱝ ᱦᱤᱡᱩᱜ ᱵᱚ ᱫᱮᱞᱟ
ᱠᱟ.ᱢᱤ ᱵᱟ.ᱜᱤ ᱠᱟᱛᱮ ᱫᱮᱞᱟ
ᱯᱚᱦᱟ ᱚᱪᱚᱭ ᱟᱵᱚ ᱫᱮᱞᱟ
ᱚᱲᱟᱜ ᱚᱲᱟᱜ ᱚᱱᱟ ᱾
ᱟᱵᱚᱣᱟᱜ ᱯᱟ.ᱨᱥᱤ ᱯᱚᱦᱟ
ᱟᱵᱚᱣᱟᱜ ᱪᱤᱠᱤ ᱯᱟ.ᱨᱥᱤ
ᱟᱵᱚ ᱜᱮᱵᱚ ᱚᱞ ᱚᱱᱟ ᱾
ᱟᱵᱚᱣᱟᱜ ᱮᱱᱮᱢ ᱢᱮᱱᱟᱜ
ᱟᱵᱚᱣᱟᱜ ᱡᱚᱥ ᱢᱮᱱᱟᱜ
᱒᱐᱒᱕ ᱥᱟᱞ ᱛᱮ ᱚᱵᱚ ᱚᱱᱟ
ᱚᱲᱟᱜ ᱚᱲᱟᱜ ᱜᱮ
ᱚᱞ ᱵᱟᱦᱟ ᱛᱮ ᱚᱞ ᱾
ᱟᱵᱚ ᱦᱚᱸ ᱫᱮᱞᱟ
ᱮᱴᱟᱜ ᱯᱟ.ᱨᱥᱤ ᱠᱚ ᱞᱮᱠᱟ
ᱚᱞ ᱜᱚᱫᱟ ᱵᱚ ᱡᱮᱜᱮᱛ ᱨᱮ
ᱚᱞ ᱵᱟᱦᱟ ᱛᱮ ᱛᱮᱨᱮ ᱛᱮᱥᱮ ᱜᱮ ᱾
ᱟᱵᱚ ᱦᱚᱸ ᱫᱮᱞᱟ
ᱮᱴᱟᱜ ᱯᱟ.ᱨᱥᱤ ᱠᱚ ᱞᱮᱠᱟ
ᱦᱟᱞᱟᱝ ᱜᱚᱫᱟ ᱵᱚ ᱡᱮᱜᱮᱛ ᱨᱮ
ᱚᱞ ᱵᱟᱦᱟ ᱛᱮ ᱜᱮᱱᱮᱡ ᱜᱮᱥᱮᱨ ᱜᱮ ᱾
ᱟᱵᱚ ᱦᱚᱸ ᱫᱮᱞᱟ
ᱮᱴᱟᱜ ᱯᱟ.ᱨᱥᱤ ᱠᱚ ᱞᱮᱠᱟ
ᱜᱟᱞᱟᱝ ᱜᱚᱫᱟ ᱵᱚ ᱡᱮᱜᱮᱛ ᱨᱮ
ᱚᱞ ᱵᱟᱦᱟ ᱛᱮ ᱡᱤᱞᱤᱠ ᱢᱤᱞᱤᱠ ᱜᱮ ᱾
ᱟᱵᱚ ᱦᱚᱸ ᱫᱮᱞᱟ
ᱮᱴᱟᱜ ᱯᱟ.ᱨᱥᱤ ᱠᱚ ᱞᱮᱠᱟ
ᱵᱟᱦᱟ ᱜᱚᱫᱟ ᱵᱚ ᱡᱮᱜᱮᱛ ᱨᱮ
ᱫᱟᱞᱟᱭ ᱫᱟᱞᱟᱭ ᱜᱮ ᱾
***
