ᱢᱚᱱᱮᱨᱮ ᱢᱮᱱᱟᱜ ᱛᱤᱱᱟᱹᱜ ᱠᱩᱠᱢᱩ,
ᱫᱷᱩᱨᱟᱹᱣ ᱢᱮᱱᱟᱭ ᱠᱩᱨᱩᱢᱩᱴᱩ ᱾
ᱥᱟᱦᱟᱣ ᱠᱟᱜ ᱟᱭ ᱨᱮᱸᱜᱮᱡ ᱛᱮᱛᱟᱝ,
ᱠᱟᱹᱢᱤ ᱠᱟᱱᱟᱭ ᱥᱟᱹᱨᱫᱤ ᱥᱤᱛᱩᱝ ᱾
ᱚᱲᱟᱜ ᱨᱮᱱᱟᱜ ᱟᱱᱟᱴ ᱥᱟᱦᱟᱭ ᱞᱟᱹᱜᱤᱫ,
ᱜᱤᱫᱽᱨᱟᱹ ᱛᱟᱭᱮ ᱥᱮᱪᱮᱫ ᱮ ᱞᱟᱹᱜᱤᱫ ᱾
ᱥᱮᱛᱟᱜ ᱠᱷᱚᱱ ᱞᱟᱲᱟᱣᱜ ᱵᱷᱮᱫᱽᱨᱮ,
ᱢᱮᱱᱟᱭ ᱜᱮ ᱠᱷᱮᱛ ᱵᱟᱹᱫᱽᱨᱮ ᱾
ᱠᱷᱮᱛ ᱵᱟᱹᱫᱽ ᱨᱮᱱ ᱠᱟᱹᱢᱤ ᱦᱚᱲ ᱫᱚ,
ᱛᱤᱥ ᱦᱚᱸ ᱪᱷᱩᱴᱤ ᱵᱟᱹᱱᱩᱜ ᱛᱟᱠᱚ ᱫᱚ ᱾
ᱫᱟᱜ ᱥᱤᱛᱩᱝ ᱥᱟᱱᱟᱢ ᱚᱠᱛᱮ,
ᱠᱟᱹᱢᱤᱭᱟᱭ ᱨᱟᱹᱥᱠᱟᱹ ᱢᱚᱱᱮᱛᱮ ᱾
ᱨᱟᱹᱜᱤ ᱟᱹᱲᱤᱥ ᱵᱟᱹᱱᱩᱜ ᱛᱟᱭ,
ᱠᱟᱹᱢᱤ ᱵᱮᱜᱚᱨ ᱪᱮᱫ ᱦᱚᱸ ᱵᱟᱭ ᱵᱟᱲᱟᱭ ᱾
ᱠᱩᱠᱢᱩ ᱢᱚᱱᱮᱨᱮ ᱫᱚᱦᱚ ᱠᱟᱛᱮ ᱜᱮ,
ᱪᱷᱩᱴᱟᱹᱣ ᱠᱚᱜ ᱟᱭ ᱠᱟᱹᱢᱤ ᱨᱮᱜᱮ ᱾
***
