ᱟᱭᱳ ᱟᱲᱟᱝ ᱨᱟᱲᱟᱝ ᱨᱟᱲᱟᱝ
ᱨᱚᱲ ᱛᱮ ᱟᱹᱰᱤ ᱜᱮ ᱢᱚᱡᱽ ᱾
ᱮᱱᱛᱮ ᱨᱮᱦᱚᱸ ᱵᱟᱝ ᱵᱚᱱ ᱠᱩᱥᱤᱜ
ᱯᱟᱸᱡᱟᱭᱮᱫᱟ ᱵᱚᱱ ᱠᱷᱩᱸᱛ ᱾
ᱦᱚᱨ ᱠᱚᱨᱮ ᱵᱤᱨ ᱠᱚᱨᱮ
ᱟᱨ ᱦᱚᱸ ᱵᱟᱡᱟᱨ ᱠᱚᱨᱮ,
ᱟᱵᱚ ᱯᱟᱹᱨᱥᱤ ᱵᱟᱹᱜᱤ ᱠᱟᱛᱮ
ᱨᱚᱲ ᱮᱫᱟ ᱵᱚᱱ ᱫᱤᱠᱩ ᱠᱚᱛᱮ ᱾
ᱫᱤᱠᱩ ᱥᱟᱢᱟᱝ ᱠᱚᱨᱮ ᱢᱟᱥᱮ
ᱪᱮᱫᱟᱜ ᱫᱚᱵᱚᱱ ᱞᱟᱡᱟᱣᱜ!
ᱫᱤᱠᱩ ᱦᱚᱸ ᱛᱚ ᱵᱟᱝ ᱠᱚ ᱞᱟᱡᱟᱣᱜ
ᱟᱠᱚᱣᱟᱜ ᱯᱟᱹᱨᱥᱤ ᱛᱮ ᱨᱚᱲ,
ᱟᱵᱚ ᱪᱮᱫᱟᱜ ᱞᱟᱡᱟᱣᱜ ᱟᱵᱚᱱ
ᱟᱵᱚ ᱯᱟᱹᱨᱥᱤ ᱛᱮ ᱨᱚᱲ?
ᱦᱟᱯᱮᱱ ᱫᱤᱱ ᱴᱷᱤᱠᱟᱹᱭᱟᱵᱚᱱ
ᱟᱵᱚ ᱯᱟᱹᱨᱥᱤ ᱛᱮ ᱵᱟᱝ
ᱨᱚᱲ ᱨᱮᱱᱟᱜ ᱠᱟᱹᱭ,
ᱢᱮᱢᱮᱱ ᱥᱟᱹᱱᱟᱹᱧ ᱥᱚᱦᱚᱨ ᱵᱟᱡᱟᱨ
ᱧᱟᱯᱟᱢ ᱠᱚᱨᱮ
ᱟᱵᱚ ᱯᱟᱹᱨᱥᱤ ᱟᱭᱳ ᱟᱲᱟᱝ
ᱨᱚᱲ ᱜᱮ ᱵᱚᱱ ᱨᱤᱠᱟᱹᱭ ᱿
About the author
ᱢᱟᱹᱱᱤᱡ ᱢᱟᱞᱚᱛᱤ ᱢᱟᱱᱰᱤ
ᱢᱟᱹᱱᱤᱡ ᱢᱟᱞᱚᱛᱤ ᱢᱟᱱᱰᱤ ᱫᱚ ᱢᱤᱫ ᱚᱲᱟᱜ ᱜᱤᱨᱱᱤ ᱥᱟᱶ ᱥᱟᱶᱛᱮ ᱢᱤᱫ ᱚᱱᱚᱞᱤᱭᱟᱹ ᱦᱚᱸ ᱠᱟᱱᱟᱭ ᱾ ᱡᱚᱛᱚ ᱥᱟᱛᱟᱢ ᱪᱮᱛᱟᱱ ᱨᱮᱜᱮᱭ ᱚᱞ ᱨᱟᱠᱟᱵᱟ ᱾ ᱟᱡᱟᱜ ᱟᱹᱛᱩ ᱫᱤᱥᱚᱢ ᱫᱚ ᱡᱷᱟᱲᱜᱽᱨᱟᱢ, ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱾
View all posts