ᱟᱭᱳ ᱵᱟᱵᱟ ᱨᱮᱱ ᱫᱩᱞᱟᱹᱲ ᱦᱚᱯᱚᱱ,
ᱟᱢ ᱜᱮ ᱩᱱᱠᱤᱱ ᱨᱮᱱ ᱥᱳᱱᱟ ᱦᱚᱯᱚᱱ ᱾
ᱨᱮᱸᱜᱮᱡ ᱛᱮᱛᱟᱝ ᱥᱟᱦᱟ ᱠᱟᱛᱮᱫ,
ᱦᱟᱨᱟ ᱞᱮᱫ ᱢᱮᱭᱟ ᱠᱤᱱ ᱫᱩᱞᱟᱹᱲ ᱠᱟᱛᱮᱫ ᱾
ᱢᱮᱫ ᱫᱟᱜ ᱟᱞᱚᱢ ᱡᱚᱨᱚᱭ ᱛᱟᱹᱠᱤᱱᱟ ᱨᱮ,
ᱟᱢ ᱴᱷᱮᱱ ᱩᱱᱠᱤᱱᱟᱜ ᱟᱥᱨᱟ ᱫᱚᱨᱮ ᱾
ᱢᱮᱱᱟᱜ ᱛᱟᱹᱠᱤᱱ ᱟᱢ ᱴᱷᱮᱱ ᱵᱷᱚᱨᱥᱟ,
ᱟᱞᱚᱢ ᱨᱟᱹᱯᱩᱫ ᱟᱭᱳ ᱵᱟᱵᱟ ᱟᱜ ᱟᱥᱟ ᱾
ᱵᱟᱹᱲᱤᱡ ᱠᱟᱹᱢᱤ ᱞᱟᱦᱟᱨᱮ,
ᱫᱩᱞᱟᱹᱲ ᱮᱢ ᱫᱤᱥᱟᱹᱭ ᱛᱟᱹᱠᱤᱱ ᱢᱟᱲᱟᱝ ᱨᱮ ᱾
ᱢᱟᱹᱱ ᱟᱞᱚᱢ ᱱᱟᱥᱟᱣ ᱛᱟᱹᱠᱤᱱ,
ᱢᱮᱫ ᱫᱟᱜ ᱟᱞᱚᱢ ᱡᱚᱨᱚᱭ ᱛᱟᱹᱠᱤᱱ ᱾
ᱟᱢᱟᱜ ᱥᱩᱠ ᱦᱳᱭᱳᱜ ᱞᱟᱹᱜᱤᱫ,
ᱪᱟᱸᱫᱚ ᱴᱷᱮᱱ ᱠᱤᱱ ᱱᱮᱸᱦᱚᱨ ᱞᱮᱫ ᱾
ᱟᱢᱟᱜ ᱥᱩᱠ ᱦᱳᱭᱳᱜ ᱛᱟᱭᱚᱢ,
ᱟᱞᱚᱢ ᱦᱤᱲᱤᱧ ᱠᱤᱱ ᱚᱱᱟ ᱛᱟᱭᱚᱢ ᱾
ᱫᱩᱠ ᱢᱩᱦᱤᱢ ᱨᱮᱱᱟᱜ ᱚᱠᱛᱚᱨᱮ,
ᱟᱞᱚᱢ ᱟᱹᱲᱤᱥ ᱟᱹᱠᱤᱱ ᱟᱭᱳ ᱵᱟᱵᱟ ᱫᱚᱨᱮ ᱾
ᱨᱟᱹᱥᱠᱟᱹ ᱥᱟᱞᱟᱜ ᱫᱚᱦᱚ ᱠᱤᱱ ᱢᱮᱨᱮ,
ᱡᱤᱭᱚᱱ ᱨᱮᱱᱟᱜ ᱫᱩᱠ ᱵᱮᱲᱟᱨᱮ ᱾
