ᱵᱟᱥᱚᱱᱛᱤ ᱞᱚᱛᱟ ᱢᱟᱨᱲᱰᱤ
ᱜᱟᱛᱮ ᱠᱩᱲᱤ ᱠᱚ ᱰᱚᱰᱮᱭᱤᱧ ᱠᱟᱱ
ᱟᱭᱳ ᱟᱲᱟᱝ ᱜᱷᱟᱨᱚᱸᱡᱽ
ᱢᱚᱱᱮ ᱢᱟᱭ ᱫᱟᱹᱲᱟ ᱡᱟᱸᱜᱟ ᱵᱟᱭ ᱞᱟᱲᱟᱣᱜ
ᱢᱮᱱᱟᱜ ᱨᱮᱦᱚᱸ ᱜᱚᱨᱚᱡᱽ ᱾
ᱨᱚᱲ ᱜᱮᱥᱤᱧ ᱵᱟᱰᱟᱭ ᱤᱧ ᱫᱚ
ᱟᱭᱳ ᱟᱲᱟᱝ ᱛᱮ
ᱚᱞ ᱵᱟᱝ ᱤᱧ ᱮᱛᱚᱭ ᱞᱟᱡᱟᱣᱤᱧ
ᱵᱩᱡᱷᱟᱹᱣ ᱚᱱᱟ ᱛᱮ ᱾
ᱵᱤᱨ ᱫᱤᱥᱚᱢ ᱠᱩᱲᱤ ᱤᱧ ᱢᱟ
ᱰᱮᱨᱟ ᱟᱹᱛᱩ ᱫᱤᱥᱚᱢ
ᱥᱮᱛᱟᱜ ᱠᱷᱚᱱᱟᱜ ᱟᱹᱭᱩᱵ ᱫᱷᱟᱹᱵᱤᱡ
ᱠᱟᱹᱢᱤ ᱦᱚᱨᱮᱠ ᱠᱤᱥᱚᱢ ᱾
ᱜᱟᱛᱮ ᱡᱚᱴᱟᱣ ᱠᱟᱛᱷᱟ ᱯᱳᱴᱟᱣ
ᱵᱤᱨ ᱵᱩᱨᱩ ᱞᱮ ᱫᱟᱬᱟᱱ
ᱫᱚᱝ ᱞᱟᱜᱽᱬᱮ ᱥᱮᱨᱮᱧ ᱜᱷᱚᱲᱟᱣ
ᱵᱟᱦᱟ ᱢᱟᱞᱟ ᱞᱮ ᱡᱚᱲᱟᱣ ᱾
ᱨᱚᱠᱚᱡ ᱚᱣᱟᱨ ᱡᱷᱩᱱᱩᱠ ᱞᱮᱵᱮᱫ
ᱱᱟᱹᱭ ᱱᱟᱞᱟ ᱨᱮ
ᱯᱩᱭᱞᱩ ᱯᱷᱟᱹᱜᱩᱱ ᱞᱮᱠᱟ ᱫᱤᱱ ᱦᱚᱸ
ᱜᱟᱛᱮ ᱛᱟᱞᱟ ᱨᱮ ᱾
ᱥᱤᱸᱜᱟᱹᱲ ᱵᱮᱲᱟ ᱪᱩᱞᱦᱟᱹ ᱵᱩᱴᱟᱹ ᱨᱮ
ᱤᱧ ᱢᱟ ᱠᱚᱵᱚᱜ ᱠᱚᱵᱚᱜ
ᱚᱞᱚᱜ ᱯᱟᱲᱦᱟᱣ ᱵᱟᱹᱜᱤ ᱠᱟᱛᱮ
ᱡᱟᱹᱯᱤᱫ ᱜᱮ ᱪᱩᱧ ᱞᱚᱵᱷᱟᱣᱜ
ᱦᱚᱲᱢᱚ ᱞᱟᱸᱜᱟᱧ ᱟᱹᱭᱠᱟᱹᱣ ᱱᱚᱛᱮ
ᱢᱚᱱᱮ ᱟᱹᱲᱤᱥᱚᱜ
ᱠᱚᱞᱮ ᱨᱮ ᱪᱤᱠᱤ ᱢᱚᱦᱮᱸ ᱫᱚ
ᱚᱱᱟ ᱛᱮ ᱜᱚᱥᱚ ᱢᱚᱥᱚᱜ ᱾
***
