ᱤᱧ ᱫᱚ ᱪᱟᱹᱥᱤ ᱟᱹᱫᱤᱵᱟᱹᱥᱤ
ᱠᱷᱮᱨᱣᱟᱲ ᱥᱟᱱᱛᱟᱲ ᱡᱟᱹᱛᱤ
ᱵᱟᱠᱚ ᱧᱟᱢᱚᱜ ᱜᱩᱛᱤ ᱫᱟᱹᱥᱤ
ᱮᱨᱟᱹᱧ ᱦᱳᱲᱳ ᱚᱢᱚᱱ ᱜᱟᱹᱪᱷᱤ ᱾
ᱤᱧ ᱫᱚ ᱟᱹᱰᱤᱧ ᱠᱩᱥᱤᱜ
ᱥᱮᱨᱢᱟ ᱫᱟᱜ ᱮ ᱡᱟᱹᱲᱤ
ᱠᱟᱰᱷᱟᱱ ᱜᱚᱫᱟᱹᱧ ᱵᱷᱟᱫᱚᱨ ᱢᱟᱥᱤ
ᱢᱟᱜᱟᱹᱧ ᱟᱨ ᱦᱚᱸ ᱠᱩᱛᱤ ᱾
ᱟᱭᱳ ᱫᱟᱠᱟᱭ ᱤᱫᱤ
ᱟᱨ ᱦᱚᱸᱧ ᱪᱟᱥᱟ ᱨᱟᱸᱵᱽᱲᱟ ᱠᱩᱨᱛᱷᱤ
ᱦᱩᱭᱩᱜ ᱛᱤᱧᱟ ᱩᱛᱤᱥᱩᱛᱤ
ᱜᱩᱰᱩ ᱪᱩᱴᱭᱟᱹ ᱠᱚ ᱡᱚᱢᱟ ᱦᱟᱹᱯᱤ ᱦᱟᱹᱯᱤ ᱾
ᱟᱫᱷᱟ ᱫᱚᱠᱚ ᱠᱷᱤᱛᱤ
ᱛᱩᱫ ᱠᱟᱛᱮ ᱟᱫᱚᱹᱧ ᱤᱫᱤ
ᱨᱟᱪᱟ ᱨᱮᱹᱧ ᱛᱟᱥᱮ ᱪᱷᱤᱛᱤᱵᱤᱛᱤ
ᱫᱟᱞᱟᱹᱧ ᱡᱟᱝ ᱟᱹᱧ ᱨᱤᱴᱤᱯᱤᱴᱤ
ᱟᱹᱭᱩᱵ ᱫᱚᱞᱮ ᱩᱛᱩᱭ
ᱥᱤᱵᱤᱞ ᱩᱛᱤᱥᱩᱛᱤ ᱾
***
