ᱟᱹᱛᱩᱼᱟᱹᱛᱩ ᱥᱮᱴᱮᱨ ᱞᱮᱱᱟ
ᱥᱤᱫᱚᱼᱠᱟᱱᱦᱩ ᱣᱟᱜ ᱥᱟᱨᱡᱚᱢ ᱜᱤᱨᱟᱹ
ᱟᱹᱛᱩ ᱯᱤᱪᱷᱤ ᱴᱚᱞᱟ ᱯᱤᱪᱷᱤ
ᱥᱮᱴᱮᱨ ᱞᱮᱱᱟ ᱠᱚ ᱫᱤᱥᱚᱢ ᱦᱚᱲ ᱠᱚ ᱿
ᱪᱤᱨᱜᱟᱹᱞ ᱟᱲᱟᱝ ᱟᱸᱡᱚᱢ ᱞᱮᱱᱟ
ᱦᱩᱞ ᱥᱟᱠᱣᱟ ᱛᱟᱠᱮᱨ ᱞᱮᱱᱟ
ᱦᱩᱞ ᱞᱮᱫᱟ ᱠᱚ ᱡᱩᱢᱤᱫ ᱠᱟᱛᱮ
ᱞᱟᱹᱲᱦᱟᱹᱭ ᱞᱮᱱᱟ ᱠᱚ ᱵᱟᱹᱭᱨᱤ ᱠᱚ ᱥᱟᱶ ᱿
ᱮᱦᱚ ᱠᱷᱮᱨᱣᱟᱲ ᱦᱟᱱᱮ ᱯᱟᱹᱦᱤᱞ ᱠᱟᱛᱷᱟ
ᱫᱤᱥᱟᱹᱭ ᱢᱮᱥᱮ ᱱᱟᱥᱮ
᱓᱐ ᱡᱩᱱ ᱦᱩᱞ ᱢᱟᱦᱟᱸ ᱧᱩᱛᱩᱢ ᱛᱮ
ᱟᱢ ᱫᱚ ᱪᱮᱫ ᱮᱢ ᱪᱤᱠᱟᱹᱭ ᱮᱫᱟ ?
ᱥᱤᱫᱚᱼᱠᱟᱱᱦᱩ ᱣᱟᱜ ᱢᱩᱴᱷᱟᱹᱱ ᱨᱮ
ᱵᱟᱦᱟ ᱢᱟᱞᱟ ᱟᱨᱟᱣ ᱠᱟᱛᱮ
ᱰᱤᱡᱮ ᱥᱟᱶᱩᱰ ᱥᱟᱰᱮ ᱠᱟᱛᱮ
ᱢᱟᱜᱼᱱᱟᱣ ᱠᱟᱱᱟᱢ ᱦᱩᱞ ᱢᱟᱦᱟᱸ ᱿
ᱧᱤᱫᱟᱹ ᱡᱟᱛᱨᱟ ᱰᱤᱡᱮ ᱞᱟᱸᱜᱽᱲᱮ
ᱯᱟᱛᱟ ᱪᱷᱟᱛᱟ ᱪᱤᱸᱰᱩᱜ ᱮᱱᱮᱡ
ᱱᱮᱛᱟ ᱠᱚ ᱥᱟᱢᱟᱝ ᱨᱮ ᱮᱱᱮᱡ ᱥᱮᱨᱮᱧ
ᱱᱚᱣᱟ ᱜᱮᱛᱟᱢ ᱦᱩᱞ ᱠᱟᱱᱟ ?
ᱵᱤᱨ ᱠᱚᱣᱟᱜ ᱢᱩᱴᱷᱟᱹᱱ
ᱵᱟᱹᱭᱨᱤ ᱠᱚᱠᱚ ᱨᱟᱹᱯᱩᱫᱮᱫᱼᱟ
ᱚᱠᱟ ᱨᱮᱫᱚ ᱦᱚᱴᱚᱜ ᱠᱚ ᱨᱟᱹᱯᱩᱫ ᱮᱫᱟ
ᱚᱠᱟ ᱨᱮᱫᱚ ᱛᱤ ᱠᱚ ᱨᱟᱹᱯᱩᱫᱮᱫᱼᱟ
ᱮᱱ ᱦᱚᱸ ᱠᱷᱮᱨᱣᱟᱲ ᱵᱟᱝᱮᱢ ᱡᱩᱢᱤᱫ ᱞᱮᱱᱟ
ᱵᱤᱨ ᱠᱚᱣᱟᱜ ᱢᱮᱫ ᱫᱟᱜ ᱡᱚᱨᱚ ᱠᱟᱱᱟᱹ᱿
***
