ᱫᱩᱞᱟᱹᱲ ᱛᱮᱢ ᱛᱚᱞ ᱠᱮᱫᱤᱧ
ᱥᱟᱝ ᱱᱟᱹᱬᱤ ᱵᱟᱸᱫᱚ ᱱᱟᱹᱬᱤ ᱞᱮᱠᱟ
ᱛᱚᱞ ᱠᱮᱫᱤᱧ ᱵᱮᱫᱷᱟᱣ ᱠᱮᱫᱤᱧ
ᱵᱟᱝ ᱧᱮᱞᱚᱜ ᱢᱟᱭᱟ ᱱᱟᱹᱬᱤ
ᱫᱩᱞᱟᱹᱲ ᱛᱮᱢ ᱛᱚᱞ ᱠᱮᱫᱤᱧ ᱾
ᱦᱚᱲ ᱧᱮᱞ ᱛᱮ ᱟᱢ ᱴᱷᱮᱱᱤᱧ ᱥᱮᱱ ᱞᱮᱱ
ᱵᱟᱹᱭ ᱵᱟᱹᱭ ᱛᱮᱢ ᱢᱩᱦᱱᱤ ᱠᱮᱫᱤᱧ
ᱪᱤᱱᱤ ᱞᱟᱹᱰᱩ ᱠᱷᱟᱞᱟᱜ ᱞᱟᱹᱰᱩ ᱛᱮᱜᱮ
ᱤᱧ ᱫᱚᱢ ᱛᱚᱞ ᱫᱚᱦᱚ ᱠᱮᱫᱤᱧ ᱾
ᱟᱢᱟᱜ ᱥᱮᱨᱮᱧ ᱜᱟᱛᱷᱱᱤ
ᱥᱮᱨᱮᱧ ᱥᱮᱨᱮᱧ ᱛᱤᱧ ᱵᱩᱞᱮᱱ
ᱢᱟᱛᱠᱚᱢ ᱨᱟᱥᱟ ᱛᱟᱱᱟᱜ ᱞᱮᱠᱟ
ᱦᱚᱲᱢᱚ ᱥᱤᱱᱟᱢ ᱯᱟᱥᱱᱟᱣᱮᱱ ᱾
ᱡᱟᱹᱯᱤᱫ ᱡᱷᱚᱜ ᱞᱩᱜᱩᱵ ᱯᱟᱨᱠᱚᱢ ᱨᱮ
ᱟᱢᱟᱜ ᱠᱟᱛᱷᱟ ᱜᱮᱧ ᱩᱭᱦᱟᱹᱨ
ᱢᱮᱫ ᱡᱟᱹᱯᱤᱫ ᱠᱟᱛᱮ ᱦᱚᱸ
ᱧᱮᱞᱚᱜ ᱟᱹᱰᱤ ᱪᱚᱨᱚᱠ ᱟᱢᱟᱜ ᱪᱤᱛᱟᱹᱨ ᱾
ᱵᱚᱸᱜᱟ ᱵᱳᱨᱳ ᱟᱪᱟᱨ ᱵᱮᱵᱷᱟᱨ
ᱡᱚᱛᱚ ᱟᱢᱮᱢ ᱞᱟᱹᱭᱟᱹᱧ ᱠᱟᱱ
ᱫᱷᱚᱨᱚᱢ ᱟᱠᱷᱲᱟ ᱨᱮ ᱱᱤᱨᱚᱲ ᱛᱟᱦᱮᱸᱱ
ᱱᱮᱛᱟᱨ ᱤᱧᱤᱧ ᱪᱮᱫ ᱟᱱ ᱾
ᱚᱞ ᱪᱤᱠᱤ ᱟᱢ ᱫᱚ ᱛᱤᱱᱟᱹᱜ ᱮᱢ ᱪᱮᱫ ᱟᱹᱧ
ᱞᱚᱦᱚᱫ ᱵᱟᱪᱠᱚᱢ ᱞᱮᱠᱟᱢ ᱩᱧ ᱠᱮᱫᱤᱧ
ᱢᱚᱱᱮ ᱨᱮᱱᱟᱜ ᱜᱟᱺᱦᱤᱨ ᱠᱩᱥᱤ ᱩᱭᱦᱟᱹᱨ ᱛᱮ
ᱫᱩᱞᱟᱹᱲ ᱨᱮᱱᱟᱜ ᱵᱟᱝ ᱧᱮᱞ ᱧᱟᱢᱚᱜ
ᱵᱟᱨᱟᱦᱤ ᱛᱮᱢ ᱛᱚᱞ ᱠᱮᱫᱤᱧ ᱾
***
