ᱛᱤᱨᱞᱟ. ᱦᱚᱯᱚᱱ ᱡᱟᱱᱟᱢ ᱛᱤᱧ
ᱚᱲᱟᱜ ᱨᱮᱱᱟᱜ ᱠᱟ.ᱢᱤ ᱜᱮ
ᱜᱷᱟᱱᱮ ᱠᱚ ᱵᱟᱛᱞᱟᱣᱤᱧ,
ᱚᱲᱟᱜ-ᱫᱩᱣᱟ.ᱨ, ᱜᱷᱟᱨᱚᱸᱡᱽ ᱥᱟᱡᱟᱣ
ᱱᱚᱣᱟ ᱜᱮ ᱤᱧᱟᱜ ᱟ.ᱠᱷᱤᱨ ᱛᱤᱧ ᱾
ᱤᱧ ᱡᱩᱨᱤ ᱜᱟᱛᱮ ᱠᱩᱲᱤ ᱠᱚ ᱫᱚ
ᱚᱞᱚᱜ-ᱯᱟᱲᱦᱟᱣᱜ ᱟᱠᱚ ᱠᱚᱞᱮᱡᱽ ᱨᱮ
ᱛᱤᱱᱟᱹᱜ ᱨᱟ.ᱥᱠᱟ. ᱥᱟᱞᱟᱜ ᱠᱚ
ᱢᱟᱲᱟᱝᱚᱜ-ᱠᱟᱱ ᱥᱤᱠᱷᱱᱟ.ᱛ ᱰᱟᱦᱟᱨ ᱨᱮ ᱾
ᱤᱧ ᱫᱚ ᱠᱚ ᱥᱟᱡᱟᱣ ᱠᱤᱫᱤᱧ
ᱥᱟᱥᱟᱝ ᱜᱟᱵᱟᱣ ᱥᱟ.ᱲᱤ ᱛᱮ,
ᱛᱚᱞ ᱠᱤᱫᱤᱧᱟ ᱠᱚ ᱜᱷᱟᱨᱚᱸᱡᱽ ᱛᱟᱞᱟ
ᱫᱩᱞᱟ.ᱲ ᱥᱤᱠᱲᱤ, ᱢᱟᱭᱟ ᱱᱟ.ᱲᱤ ᱛᱮ ᱾
ᱚᱲᱮᱡ ᱥᱟ.ᱲᱤᱨᱮ ᱯᱩᱛᱷᱤ-ᱯᱚᱛᱚᱵ
ᱜᱷᱮᱸᱴ ᱯᱚᱴᱚᱢ ᱠᱟᱛᱮ,
ᱤᱧ ᱫᱚ ᱠᱚ ᱵᱤᱫᱟ.ᱭᱤᱧ ᱠᱟᱱ
ᱫᱟ.ᱣᱲᱟ. ᱪᱮᱛᱟᱱ ᱛᱮ ᱾
ᱚᱲᱟᱜ ᱠᱚᱪᱟᱨᱮᱧ ᱨᱟ-ᱨᱟᱜ ᱠᱟᱱᱟ
ᱢᱮᱫ ᱫᱟᱜ ᱡᱚᱨᱚᱜ ᱦᱤᱰᱤᱨ-ᱦᱤᱰᱤᱨ,
ᱥᱤᱠᱷᱱᱟ.ᱛ ᱰᱟᱦᱟᱨ ᱨᱮ ᱛᱟᱲᱟᱢ ᱨᱮᱱᱟᱜ
ᱠᱩᱠᱢᱩ ᱛᱮᱦᱮᱧ ᱦᱤᱨᱤᱡ ᱯᱟ.ᱥᱤᱨ ᱾
ᱜᱷᱮᱸᱴ ᱫᱚᱦᱚ ᱯᱩᱛᱷᱤ ᱠᱚ ᱫᱚ
ᱱᱤᱫᱤᱨ ᱠᱚ ᱡᱚᱢ ᱪᱟᱵᱟ ᱠᱮᱫᱟ,
ᱤᱧᱟᱜ ᱢᱮᱫ ᱨᱮᱱᱟᱜ ᱠᱩᱠᱢᱩ ᱫᱚ
ᱱᱤᱫᱤᱨ ᱵᱩᱱᱩᱢ ᱛᱮᱜᱮ ᱫᱟᱯᱟᱞ ᱮᱥᱮᱫ ᱮᱱᱟ ᱾
ᱱᱚᱝᱠᱟ ᱠᱟᱛᱮ ᱟᱭᱢᱟ ᱛᱤᱨᱞᱟ.
ᱧᱩᱛᱟ.ᱛ ᱨᱮᱜᱮ ᱠᱚ ᱟᱫᱚᱜ-ᱠᱟᱱᱟ,
ᱥᱤᱠᱷᱱᱟ.ᱛ ᱢᱟᱨᱥᱟᱞ ᱰᱟᱦᱟᱨ ᱨᱮ
ᱟ.ᱣᱨᱤ ᱥᱮᱴᱮᱨ ᱛᱮᱜᱮ ᱠᱚ ᱥᱤᱵᱳᱲ ᱦᱚᱪᱚᱜ-ᱠᱟᱱᱟ ᱾
ᱱᱟᱥᱮ ᱩᱭᱦᱟ.ᱨ ᱠᱟᱛᱮ ᱞᱟ.ᱭ ᱯᱮ ᱢᱟᱥᱮ
ᱛᱤᱨᱞᱟ. ᱠᱚᱣᱟᱜ ᱚᱞᱚᱜ ᱡᱤᱭᱚᱱ ᱤᱫᱤ ᱠᱟᱛᱮ,
ᱛᱤᱨᱞᱟ. ᱦᱚᱯᱚᱱ ᱵᱟᱝ ᱠᱚ ᱥᱮᱪᱮᱫ ᱞᱮᱱᱠᱷᱟᱱ
ᱥᱟᱶᱛᱟ ᱥᱮᱪᱮᱫ ᱦᱚᱸ ᱛᱟᱭᱚᱢ ᱨᱮᱜᱮ ᱛᱟᱦᱮᱱ ᱿
***
