ᱟᱭᱳ ᱵᱟᱵᱟ ᱟᱜ ᱫᱩᱞᱟᱹᱲ ᱵᱟᱝᱜᱮ ᱦᱟᱞᱟᱜᱼᱟ!
ᱵᱟᱥᱚᱱᱛᱤ ᱞᱚᱛᱟ ᱢᱟᱹᱨᱰᱤ
ᱟᱻᱵᱟ ᱟᱻᱵᱟ ᱠᱷᱚᱱᱟᱜ ᱜᱮᱛᱚ ᱵᱟᱵᱟ ᱦᱚᱦᱚᱧ ᱪᱮᱫ ᱞᱮᱫ ᱟᱻᱭᱳ ᱟᱻᱭᱳ ᱠᱷᱚᱱᱟᱜ ᱜᱮᱛᱚ ᱟᱭᱳ ᱦᱚᱦᱚᱧ ᱜᱟᱱ ᱞᱮᱫ ᱾
ᱵᱟᱵᱟ ᱟᱜ ᱢᱟᱭᱟᱢ ᱛᱮᱜᱮ ᱤᱧ ᱢᱟᱹᱧ ᱜᱚᱲᱦᱚᱱ ᱞᱮᱱ ᱟᱭᱳ ᱟᱜ ᱠᱚᱲᱟᱢ ᱛᱳᱣᱟ ᱛᱮᱜᱮ ᱵᱟᱞᱮ ᱵᱮᱠᱮᱨ ᱠᱷᱚᱱᱤᱧ ᱠᱮᱴᱮᱡ ᱞᱮᱱ ᱾
ᱥᱩᱱᱩᱢ ᱥᱟᱥᱟᱝ ᱛᱮᱢᱟ ᱟᱭᱳᱭ ᱩᱢ ᱟᱹᱨᱩᱵ ᱞᱤᱫᱤᱧ ᱞᱟᱹᱰᱩ ᱫᱟᱠᱟ ᱛᱮᱢᱟ ᱵᱟᱵᱟᱭ ᱟᱡᱚ ᱦᱟᱨᱟ ᱞᱤᱫᱤᱧ ᱾
ᱚᱫᱟ ᱨᱮ ᱠᱤᱱ ᱜᱤᱛᱤᱡ ᱨᱟᱵᱟᱝ ᱟᱞᱚᱧ ᱵᱩᱡᱷᱟᱹᱣ ᱠᱷᱟᱹᱛᱤᱨ ᱞᱚᱼᱞᱚ ᱨᱮᱠᱤᱱ ᱛᱤᱸᱜᱩᱱ ᱥᱤᱛᱩᱝ ᱟᱞᱚᱧ ᱟᱹᱭᱠᱟᱹᱣ ᱠᱷᱟᱹᱛᱤᱨ ᱾
ᱵᱟᱵᱟ ᱟᱜ ᱛᱤᱻ ᱥᱟᱵ ᱠᱟᱛᱮ ᱛᱟᱲᱟᱢ ᱢᱟ ᱛᱚᱧ ᱪᱮᱫ ᱞᱮᱫ ᱟᱭᱳ ᱟᱜ ᱟᱧᱪᱟᱨ ᱥᱟᱵ ᱛᱮᱜᱮ ᱫᱟᱹᱲ ᱫᱚ ᱨᱤᱧ ᱮᱛᱚ ᱞᱮᱫ ᱾
ᱩᱥᱟᱹᱫ, ᱟᱹᱲᱤᱥ ᱡᱚᱦᱚᱜ ᱤᱧ ᱢᱟ ᱟᱭᱳᱭ ᱵᱷᱩᱞᱟᱹᱣ ᱤᱧᱟ ᱨᱩᱣᱟᱹ ᱦᱟᱹᱥᱩ ᱦᱟᱱᱟᱥ ᱨᱮᱢᱟ ᱵᱟᱵᱟᱭ ᱡᱚᱛᱚᱱ ᱤᱧᱟ ᱾
ᱛᱚᱦᱚᱫᱚᱜ ᱨᱮ ᱞᱮᱸᱡᱮᱫᱚᱜ ᱨᱮ ᱵᱟᱵᱟᱭ ᱦᱟᱞᱟᱝ ᱨᱟᱠᱟᱵ ᱤᱧᱟ ᱵᱚᱛᱚᱨ ᱟᱞᱚᱧ ᱵᱩᱡᱷᱟᱹᱣ ᱠᱷᱟᱹᱛᱤᱨ ᱟᱭᱳᱭ ᱠᱚᱞᱮ ᱤᱧᱟ ᱾
ᱤᱧᱟᱜ ᱫᱩᱠ ᱧᱮᱞ ᱛᱮ ᱟᱹᱠᱤᱱ ᱢᱮᱫ ᱫᱟᱜ ᱫᱚ ᱠᱤᱱ ᱡᱚᱨᱚᱭ ᱢᱩᱦᱤᱢ ᱵᱮᱲᱟᱨᱮ ᱩᱱᱠᱤᱱ ᱟᱹᱠᱤᱱᱟᱜ ᱡᱤᱣᱤ ᱫᱚ ᱠᱤᱱ ᱟᱞᱟᱭ ᱾
ᱦᱟᱨᱟ ᱞᱮᱱ ᱨᱤᱧ ᱵᱩᱨᱩ ᱞᱮᱱ ᱨᱤᱧ ᱵᱮᱱᱟᱣ ᱞᱮ ᱨᱤᱧ ᱜᱷᱟᱨᱚᱸᱡᱽ ᱛᱚᱵᱮ ᱨᱮᱦᱚᱸ ᱟᱭᱳ ᱵᱟᱵᱟ ᱟᱜ ᱵᱟᱝᱜᱮ ᱠᱚᱢᱚᱜ ᱜᱚᱨᱚᱡᱽ ᱾
ᱟᱭᱳ ᱵᱟᱵᱟ ᱟᱜ ᱫᱩᱞᱟᱹᱲ ᱫᱚᱨᱮ ᱵᱟᱝ ᱜᱮ ᱦᱟᱞᱟᱜᱼᱟ ᱮᱱ ᱨᱮᱦᱚᱸ ᱵᱟᱵᱚᱱ ᱵᱩᱡᱷᱟᱹᱣ ᱩᱱᱠᱤᱱ ᱫᱚ ᱠᱤᱱ ᱰᱷᱤᱞᱟᱹᱣᱜᱼᱟ ᱾
ᱫᱷᱟᱹᱨᱛᱤ ᱠᱷᱚᱱ ᱦᱚᱸ ᱢᱟᱨᱟᱝ ᱢᱟᱥᱮ ᱟᱭᱳ ᱛᱟᱵᱚᱱ ᱫᱚ ᱥᱮᱨᱢᱟ ᱠᱷᱚᱱ ᱦᱚᱸ ᱞᱟᱯᱷᱟᱝ ᱨᱮᱜᱮ ᱵᱟᱵᱟ ᱟᱜ ᱴᱷᱟᱶ ᱫᱚ ᱾
***
