ᱠᱟ.ᱢᱤ ᱡᱚᱝ ᱢᱮ ᱢᱟ.ᱱᱢᱤ, ᱠᱟ.ᱢᱤ ᱡᱚᱝ ᱢᱮ
ᱞᱟᱦᱟᱜ ᱰᱟᱦᱟᱨ ᱛᱮ ᱠᱟ.ᱢᱤ ᱡᱚᱝ ᱢᱮ,
ᱫᱩᱞᱟ.ᱲ ᱥᱟᱨᱦᱟᱣ ᱥᱟᱦᱟᱨ ᱡᱚᱝ ᱢᱮ
ᱱᱚᱣᱟ ᱫᱷᱟ.ᱨᱛᱤ ᱚᱣᱟᱝ ᱨᱮ ᱛᱟᱦᱮᱸᱱ ᱛᱩᱞᱩᱡ
ᱟᱢᱟᱜ ᱧᱩᱛᱩᱢ ᱟᱨᱡᱟᱣ ᱡᱚᱝ ᱢᱮ ᱿
ᱟᱞᱚᱢ ᱯᱚᱞᱚᱢ ᱛᱟᱢ ᱟᱢᱟᱜ ᱥᱟ.ᱜᱩᱱ ᱚᱠᱛᱚ,
ᱠᱟ.ᱢᱤ ᱪᱷᱩᱴᱟ.ᱣ ᱨᱮ ᱛᱟᱦᱮᱸᱱ ᱢᱮ ᱟ.ᱰᱤ ᱥᱚᱠᱛᱚ,
ᱯᱷᱩᱴᱟ.ᱣ ᱵᱟᱦᱟ ᱞᱮᱠᱟ
ᱧᱮᱞ ᱧᱟᱢᱚᱜ ᱢᱮ ᱯᱷᱟ.ᱜᱩᱱ ᱚᱠᱛᱚ ᱿
ᱠᱟ.ᱢᱤ ᱡᱚᱝ ᱨᱮ ᱛᱟᱦᱮᱸᱱ ᱢᱮ ᱨᱤᱠᱤᱲ ᱢᱚᱱᱮ ᱛᱮ
ᱠᱟ.ᱢᱤ ᱪᱷᱩᱴᱟ.ᱣ ᱨᱮ ᱛᱟᱦᱮᱸᱱ ᱢᱮ ᱨᱟ.ᱥᱠᱟᱹ ᱢᱚᱱᱮ ᱛᱮ,
ᱱᱚᱣᱟ ᱫᱷᱟ.ᱨᱛᱤ ᱚᱣᱟᱝ ᱨᱮ ᱛᱟᱦᱮᱸᱱ ᱛᱩᱞᱩᱡ
ᱟᱢᱟᱜ ᱧᱩᱛᱩᱢ ᱯᱟᱥᱱᱟᱣ ᱡᱚᱝ ᱢᱮ ᱿
ᱟ.ᱰᱤ ᱠᱤᱪᱷᱩ ᱟᱯᱟᱱ~ᱟᱹᱯᱤᱱ
ᱠᱟ.ᱢᱤ ᱛᱟᱵᱚᱱ ᱦᱟ.ᱴᱤᱧ ᱟᱠᱟᱱᱟ,
ᱥᱟᱶᱛᱟ~ᱜᱟᱶᱛᱟ ᱞᱟ.ᱜᱤᱫ
ᱡᱟ.ᱛᱤ ᱫᱷᱚᱨᱚᱢ ᱞᱟ.ᱜᱤᱫ,
ᱥᱟᱶᱛᱟ ᱥᱩᱥᱟ.ᱨᱤᱭᱟ. ᱩᱫᱩᱜᱚᱜ ᱢᱮ,
ᱡᱟ.ᱛᱤ ᱫᱷᱚᱨᱚᱢ ᱠᱚ ᱵᱟᱧᱪᱟᱣ ᱫᱚᱦᱚᱭ ᱢᱮ ᱾
ᱱᱟᱦᱟᱜ ᱡᱩᱜᱽ ᱨᱮ ᱟ.ᱰᱤ ᱠᱤᱪᱷᱩ
ᱵᱟ.ᱲᱤᱡ ᱦᱩᱭᱩᱜ ᱠᱟᱱᱟ,
ᱚᱱᱟ ᱠᱚᱜᱮ ᱟ.ᱨᱩ~ᱟ.ᱨᱩ ᱱᱟᱭ~ᱱᱟᱯᱟᱭ ᱛᱮ
ᱥᱚᱡᱷᱮ ᱨᱩᱣᱟ.ᱲ ᱢᱮ ᱿
ᱩᱫᱩᱜ ᱥᱚᱫᱚᱨ ᱢᱮ ᱞᱟᱦᱟᱱᱛᱤ ᱰᱟᱦᱟᱨ
ᱫᱤᱥ~ᱦᱩᱫᱤᱥ, ᱥᱤᱠᱷᱱᱟ.ᱛ ᱞᱟ.ᱭ ᱛᱟᱢ ᱥᱟᱨᱮᱲ ᱥᱟᱦᱟᱨ,
ᱛᱷᱤᱨ ᱟᱞᱚᱢ ᱛᱟᱦᱮᱱᱟ,
ᱟᱞᱚᱢ ᱛᱟᱦᱮᱱᱟ ᱡᱮ ᱡᱟᱦᱟᱨ,
ᱢᱟᱨᱟᱝ ᱵᱳᱨᱳ ᱴᱷᱮᱱ ᱫᱚᱦᱚᱭ ᱢᱮ ᱯᱟ.ᱛᱭᱟ.ᱣ,
ᱫᱤᱱ ᱜᱮ ᱱᱮᱦᱚᱸᱨ ᱢᱮ ᱢᱟᱱᱚᱛ ᱜᱚᱰ ᱡᱚᱦᱟᱨ ᱾
ᱠᱟ.ᱢᱤ ᱡᱚᱝ ᱢᱮ ᱢᱟ.ᱱᱢᱤ
ᱱᱟᱯᱟᱭ ᱜᱮ ᱠᱟ.ᱢᱤ ᱡᱚᱝ ᱢᱮ,
ᱱᱚᱣᱟ ᱫᱷᱟ.ᱨᱛᱤ ᱚᱣᱟᱝ ᱨᱮ ᱛᱟᱦᱮᱸᱱ ᱛᱩᱞᱩᱡ
ᱟᱢᱟᱜ ᱧᱩᱛᱩᱢ ᱜᱩᱨᱞᱟ.ᱣ ᱡᱚᱝ ᱢᱮ ᱿
ᱦᱚᱲ ᱠᱚᱣᱟᱜ ᱵᱟ.ᱲᱤᱡ ᱠᱟᱛᱷᱟ
ᱟᱸᱡᱚᱢ ᱛᱮ ᱟᱞᱚᱢ ᱟ.ᱲᱤᱥᱚᱜ-ᱟ,
ᱦᱚᱲ ᱠᱚᱣᱟᱜ ᱵᱟ.ᱲᱤᱡ ᱵᱮᱵᱷᱟᱨ ᱧᱮᱞ ᱛᱮ
ᱟᱞᱚᱢ ᱠᱟ.ᱦᱤᱸᱥᱚᱜ-ᱟ,
ᱵᱩᱜᱤ ᱢᱮᱱ ᱛᱮ ᱪᱚᱝ ᱵᱟ.ᱲᱤᱡ ᱢᱮᱱ ᱛᱮ
ᱦᱚᱲᱟᱜ ᱮᱲᱮ ᱠᱟᱛᱷᱟ ᱛᱮ ᱟᱞᱚᱢ ᱵᱷᱩᱞᱟ.ᱣᱜ-ᱟ,
ᱦᱚᱲᱟᱜ ᱫᱚᱜᱽᱞᱟ ᱠᱟᱛᱷᱟ ᱛᱮ
ᱟᱞᱚᱢ ᱯᱟ.ᱛᱭᱟ.ᱣᱜ-ᱟ ᱾
ᱚᱠᱚᱭ ᱪᱚᱝ ᱚᱠᱟ ᱞᱮᱠᱟ,
ᱧᱮᱞ ᱢᱮᱭᱟ ᱠᱚ ᱡᱚᱠᱷᱟ~ᱡᱚᱠᱷᱟ,
ᱛᱟᱭᱚᱢ ᱫᱚᱠᱚ ᱥᱟᱦᱟ ᱫᱚᱦᱚ ᱢᱮᱭᱟ ᱞᱮᱠᱷᱟ~ᱞᱮᱠᱷᱟ ᱾
ᱚᱱᱟᱛᱮ ᱢᱟ.ᱱᱢᱤ ᱠᱟ.ᱢᱤ ᱡᱚᱝ ᱢᱮ,
ᱠᱟ.ᱢᱤ ᱪᱷᱩᱴᱟ.ᱣ ᱨᱮ ᱛᱟᱦᱮᱸ ᱡᱚᱝ ᱢᱮ ᱿
ᱩᱭᱦᱟ.ᱨ. ᱵᱟᱷᱵᱽᱱᱟ ᱟᱢᱟᱜ
ᱫᱚᱦᱚ ᱟᱛᱮ ᱠᱟ.ᱢᱤ ᱡᱚᱝ ᱢᱮ,
ᱫᱩᱞᱟ.ᱲ ᱵᱷᱟᱵᱽᱱᱟ ᱟᱢᱟᱜ
ᱫᱚᱦᱚ ᱟᱛᱮ ᱞᱟᱦᱟ ᱡᱚᱝ ᱢᱮ ᱾
ᱫᱩᱠᱷ ᱦᱟᱨᱠᱮᱛ ᱰᱟᱦᱟᱨ ᱟᱛᱮ,
ᱮᱯᱮᱨᱦᱮᱸᱰᱮ ᱫᱮᱭᱟ ᱟᱛᱮ,
ᱠᱟ.ᱢᱤ ᱡᱚᱝ ᱢᱮ ᱢᱟ.ᱱᱢᱤ ᱠᱟ.ᱢᱤ ᱡᱚᱝ ᱢᱮ,
ᱱᱚᱣᱟ ᱫᱷᱟ.ᱨᱛᱤ ᱚᱣᱟᱝ ᱨᱮ ᱛᱟᱦᱮᱸᱱ ᱛᱩᱞᱩᱡ
ᱟᱢᱟᱜ ᱧᱩᱛᱩᱢ ᱥᱮᱬᱟ ᱡᱚᱝ ᱢᱮ ᱿
***
