ᱟᱢᱟᱜ ᱨᱚᱲ ᱞᱟᱸᱫᱽ ᱟᱪᱟᱨ ᱵᱮᱵᱷᱟᱨ ᱢᱚᱱᱮ ᱛᱮᱛᱟᱝ ᱟᱫᱟᱜ ᱡᱤᱣᱤ ᱚᱱᱛᱚᱨ ᱥᱟᱶᱛᱟ ᱛᱟᱞᱟᱨᱮ ᱛᱟᱦᱮᱸᱱᱟ ᱮᱵᱷᱮᱱ ᱪᱮᱴᱠᱟᱨ ᱾
ᱯᱟᱸᱡᱟ ᱨᱩᱣᱟᱹᱲ ᱢᱮ ᱥᱮᱫᱟᱭ ᱟᱹᱨᱤᱪᱟᱹᱞᱤ ᱱᱟᱦᱟᱜ ᱡᱤᱭᱚᱱ ᱨᱮ ᱢᱮᱱᱟᱜ ᱠᱟᱲᱟᱝ ᱧᱩᱛᱟᱹᱛ ᱥᱟᱦᱟᱜ ᱛᱚᱵᱮ ᱮᱱᱟᱝ ᱟᱢᱟᱜ ᱥᱟᱶᱛᱟ ᱞᱟᱦᱟᱜ ᱾
ᱠᱟᱲᱟᱝ ᱠᱟᱲᱟᱝ ᱧᱩᱛᱟᱹᱛ ᱥᱟᱦᱟᱭ ᱢᱮ, ᱵᱤᱨ ᱵᱤᱨᱫᱟᱹᱨ ᱠᱚᱣᱟᱜ ᱦᱚᱨ ᱫᱚ ᱯᱟᱸᱡᱟᱭ ᱢᱮ, ᱩᱛᱱᱟᱹᱣ ᱦᱚᱨ ᱨᱮ ᱡᱟᱸᱜᱟ ᱫᱚ ᱞᱟᱦᱟᱭ ᱢᱮ ᱾
ᱡᱟᱦᱟᱸ ᱨᱮ ᱵᱟᱹᱱᱩᱜ ᱡᱟᱸᱜᱮ ᱡᱟᱹᱱᱩᱢ, ᱵᱟᱭ ᱛᱟᱦᱮᱸᱱ ᱨᱮᱦᱚᱸ ᱵᱩᱞᱩᱝ ᱥᱩᱱᱩᱢ, ᱯᱟᱥᱱᱟᱣ ᱠᱚᱜ ᱢᱟ ᱡᱤᱭᱟᱹᱲ ᱨᱚᱲ ᱞᱟᱸᱫᱽ ᱡᱤᱭᱟᱹᱛ ᱡᱚᱱᱚᱢ ᱾
ᱚᱱᱮ ᱫᱷᱚᱨᱚᱢ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱥᱮᱬᱟᱭ ᱢᱮ, ᱡᱟᱭᱡᱩᱜᱽ ᱞᱟᱹᱜᱤᱫ ᱢᱚᱱᱮ ᱡᱤᱣᱤ ᱨᱮ ᱵᱟᱥᱟᱭ ᱢᱮ, ᱥᱟᱱᱟᱢ ᱫᱷᱟᱹᱨᱛᱤ ᱜᱚᱴᱟ ᱪᱟᱸᱫᱷᱮᱲ ᱨᱟᱠᱟᱵᱽ ᱢᱮ ᱾
ᱦᱚᱲᱢᱚ ᱨᱮ ᱡᱤᱣᱤ ᱛᱟᱦᱮᱸᱱ ᱵᱷᱩᱨ ᱡᱚᱱᱚᱢ ᱡᱚᱱᱚᱢ ᱟᱢ ᱥᱟᱶᱛᱮ ᱵᱚᱭᱦᱟ ᱢᱤᱥᱤ ᱡᱚᱛᱚ ᱟᱹᱭᱩᱨ ᱠᱚᱢ ᱡᱚᱛᱚ ᱱᱤᱨᱟᱹᱭ ᱦᱚᱨ ᱛᱮ ᱜᱚᱭᱚᱱ ᱠᱚᱢ ᱾
***
