ᱚᱠᱟ ᱨᱮ ᱠᱤᱱ ᱡᱟᱱᱟᱢ ᱞᱮᱱᱟ ᱟᱹᱫᱤᱵᱟᱹᱥᱤ ᱠᱷᱮᱨᱣᱟᱲ ᱚᱠᱟ ᱨᱮ ᱠᱤᱱ ᱦᱟᱨᱟ ᱞᱮᱱᱟ ᱟᱹᱫᱤᱵᱟᱹᱥᱤ ᱠᱷᱮᱨᱣᱟᱲ ᱫᱤᱥᱚᱢ ᱛᱮ ᱠᱤᱱ ᱚᱰᱚᱠᱮᱱ ᱦᱟᱦᱟᱲᱟ ᱜᱮ ᱾
ᱦᱤᱦᱤᱲᱤ ᱢᱟ ᱴᱟᱺᱰᱤ ᱨᱮ ᱠᱷᱮᱨᱣᱟᱲ ᱠᱤᱱ ᱡᱟᱱᱟᱢ ᱞᱮᱱ ᱯᱤᱯᱤᱲᱤ ᱢᱟ ᱵᱤᱞᱟᱹᱛ ᱨᱮ ᱠᱷᱮᱨᱣᱟᱲ ᱠᱤᱱ ᱦᱟᱨᱟ ᱞᱮᱱ ᱦᱮᱢᱟᱞ ᱵᱩᱨᱩ ᱯᱟᱱᱛᱮ ᱨᱮ ᱠᱷᱮᱨᱣᱟᱲ ᱡᱟᱹᱛᱤ ᱾
ᱵᱚᱭᱦᱟ ᱠᱚ ᱢᱤᱥᱤ ᱠᱚ ᱚᱞ ᱛᱟᱵᱚ ᱫᱮᱵᱚ ᱫᱩᱞᱟᱹᱲ ᱜᱮ ᱪᱟᱸᱫᱚ ᱵᱚᱸᱜᱟᱭ ᱛᱷᱩᱢᱟᱫ ᱵᱚᱱᱟ ᱢᱟᱹᱱᱢᱤ ᱨᱮ ᱵᱚᱱ ᱡᱟᱱᱟᱢ ᱮᱱᱟ ᱢᱟᱹᱱᱢᱤ ᱞᱮᱠᱟ ᱛᱟᱦᱮᱸᱱ ᱵᱚᱱ ᱨᱤᱠᱟᱹᱭᱟ ᱾
ᱡᱟᱹᱛᱤ ᱫᱷᱚᱨᱚᱢ ᱵᱚ ᱯᱟᱸᱡᱟᱭᱮᱫ ᱡᱤᱣᱤ ᱦᱚᱲᱢᱚ ᱵᱚ ᱥᱩᱥᱟᱹᱨᱮᱫ ᱞᱟᱦᱟᱱᱛᱤ ᱞᱟᱹᱜᱤᱫ ᱵᱚᱱ ᱨᱤᱠᱟᱹ ᱮᱫ ᱾
ᱡᱟᱹᱛᱤ ᱫᱷᱚᱨᱚᱢ ᱞᱟᱹᱜᱤᱫ ᱛᱮᱫᱚ ᱡᱤᱣᱤ ᱦᱚᱲᱢᱚ ᱞᱟᱹᱜᱤᱫ ᱛᱮᱫᱚ ᱜᱮᱭᱟᱱ ᱟᱨᱡᱟᱣ ᱟᱹᱰᱤ ᱜᱮ ᱞᱟᱹᱠᱛᱤ ᱾
ᱟᱵᱚᱣᱟᱜ ᱡᱟᱱᱟᱢ ᱨᱚᱲ ᱛᱮ ᱜᱮᱭᱟᱱ ᱰᱟᱦᱟᱨ ᱵᱚ ᱯᱟᱸᱡᱟᱭᱟ ᱟᱨ ᱦᱚᱲ ᱠᱚ ᱞᱮᱠᱟ ᱵᱚᱱ ᱛᱟᱦᱮᱸᱱᱟ ᱾
ᱚᱞ ᱛᱟᱵᱚ ᱰᱷᱤᱞᱟᱹᱣᱜ ᱠᱷᱟᱱ ᱟᱵᱚ ᱦᱚᱸ ᱵᱚᱱ ᱰᱷᱤᱞᱟᱹᱣᱜᱼᱟ ᱦᱤᱨᱤᱡ ᱯᱟᱹᱥᱤᱨ ᱠᱟᱛᱮ ᱵᱚᱱ ᱟᱫᱚᱜᱼᱟ ᱾
ᱚᱞ ᱫᱚ ᱵᱟᱨᱟᱦᱤ ᱠᱟᱱᱟ ᱟᱵᱚᱭ ᱛᱚᱞ ᱫᱚᱦᱚ ᱵᱚᱱᱟ ᱢᱟᱨᱥᱟᱞ ᱰᱟᱦᱟᱨ ᱛᱮ ᱤᱫᱤ ᱵᱚᱱᱟ ᱾
ᱚᱞ ᱫᱚ ᱵᱚ ᱥᱮᱬᱟᱭ ᱜᱮ ᱡᱟᱹᱛᱤ ᱫᱷᱚᱨᱚᱢ ᱵᱚ ᱛᱤᱸᱜᱩᱭ ᱜᱮ ᱫᱷᱟᱹᱨᱛᱤ ᱨᱮ ᱦᱚᱲ ᱮᱠᱟ ᱵᱚ ᱛᱟᱦᱮᱸᱱᱟ ᱾
(ᱜᱩᱨᱩ ᱜᱚᱢᱠᱮ, ᱞᱟᱠᱪᱟᱨ ᱥᱮᱨᱮᱧ, ᱩᱭᱦᱟᱹᱨ ᱨᱩᱣᱟᱹᱲ)
***
