ᱦᱚᱨ ᱫᱷᱟᱨᱮ ᱨᱮᱯᱮ ᱛᱤᱸᱜᱩ ᱟᱠᱟᱱ
ᱦᱮᱥᱟᱜ-ᱵᱟᱠᱲᱮ, ᱥᱟᱨᱡᱚᱢ, ᱢᱟᱛᱠᱚᱢ,
ᱮᱫᱮᱞ, ᱢᱩᱨᱩᱫ, ᱟᱨ ᱦᱚᱸ ᱮᱢᱟᱱ ᱵᱤᱨ ᱫᱟᱨᱮ ᱠᱚ
ᱵᱟᱝ ᱫᱚ ᱟᱯᱮ ᱛᱮᱜᱮ ᱯᱮ ᱚᱢᱚᱱ ᱞᱮᱱ ᱟᱨ
ᱵᱟᱝ ᱫᱚ ᱡᱟᱸᱦᱟᱭ ᱠᱚ ᱵᱤᱫ ᱚᱴᱚ ᱞᱮᱫ ᱯᱮ,
ᱱᱚᱣᱟ ᱫᱷᱟ.ᱨᱛᱤ ᱯᱩᱨᱤ ᱨᱮ ᱢᱟ.ᱞᱤ ᱞᱮᱞᱮᱜᱮᱢ
ᱰᱟ.ᱨ ᱼᱥᱟᱠᱟᱢ ᱟᱛᱮ ᱵᱤᱭᱚᱞ-ᱵᱚᱭᱚᱞ ᱯᱮ ᱦᱟᱨᱟᱵᱩᱨᱩᱭᱮᱱ ᱾
ᱦᱟᱱᱮ ᱛᱤᱥ ᱠᱷᱚᱱ ᱪᱚ ᱥᱮᱨᱢᱟ ᱡᱟ.ᱲᱤ ᱵᱟᱝ ᱛᱮ,
ᱚᱛ ᱪᱮᱛᱟᱱ ᱦᱟ.ᱨᱭᱟ.ᱲ ᱫᱷᱩᱵᱤ ᱜᱷᱟᱥ ᱦᱚᱸ
ᱞᱚ ᱯᱟᱺᱰᱩᱭᱮᱱᱟ ᱾
ᱡᱟᱨᱟᱞ ᱡᱟᱨᱟᱞ ᱞᱚᱞᱚ ᱥᱤᱛᱩᱝ ᱛᱮ
ᱚᱛ-ᱦᱟᱥᱟ, ᱵᱟᱸᱫᱽ-ᱜᱟᱰᱟ, ᱱᱟ.ᱭ-ᱱᱟᱞᱟ
ᱥᱟᱱᱟᱢᱟᱜ ᱜᱮ ᱨᱚᱦᱚᱲ ᱯᱟᱲᱟᱜ ᱟᱠᱟᱱᱟ ᱾
ᱱᱚᱣᱟ ᱠᱚ ᱧᱮᱞ ᱛᱮ ᱢᱟ.ᱱᱢᱤ ᱢᱚᱱᱮᱨᱮ
ᱱᱟᱥᱮ ᱦᱚᱸ ᱫᱟᱭᱟ ᱵᱟ.ᱱᱩᱜ ᱛᱟᱠᱚ,
ᱵᱤᱨᱵᱩᱨᱩ, ᱫᱟᱨᱮ-ᱱᱟ.ᱲᱤ ᱪᱮᱛᱟᱱ ᱨᱮ
ᱟᱫᱷᱟᱱ ᱢᱟ.ᱱᱢᱤ ᱢᱚᱱᱮ ᱨᱮᱫᱚ ᱢᱮᱱᱟᱜ
ᱟ.ᱲᱤᱥ ᱟᱨ ᱢᱮᱫ ᱯᱮᱨᱮᱡ ᱦᱤᱨᱠᱷᱟᱹ ᱛᱟᱠᱚ ᱾
ᱚᱠᱚᱭ ᱯᱟ.ᱯᱤᱭᱟᱜ ᱢᱮᱫ ᱨᱮᱪᱚ
ᱵᱟᱝ ᱯᱮ ᱥᱟᱦᱚᱵ ᱞᱮᱱ ᱵᱤᱨᱵᱩᱨᱩ ᱨᱮᱱ ᱫᱟᱨ-ᱱᱟ.ᱲᱤ,
ᱪᱮᱫ ᱢᱚᱱᱮ ᱠᱟᱛᱮ ᱪᱚ ᱩᱱᱟ.ᱜ ᱨᱟ.ᱥᱠᱟᱹ ᱟᱛᱮ
ᱥᱮᱸᱜᱮᱞ ᱠᱚ ᱡᱩᱸᱰᱤ ᱟᱫ ᱯᱮᱭᱟ ᱞᱮ-ᱞᱮᱜᱮᱡ ᱡᱟ.ᱞᱤ ᱦᱚᱲᱢᱚ ᱨᱮ ᱾
ᱟᱯᱮ ᱜᱷᱟᱨᱚᱸᱡᱽ ᱨᱮ ᱥᱮᱸᱜᱮᱞ ᱡᱩᱞᱩᱜ ᱠᱟᱱ ᱛᱮ
ᱪᱮᱬᱮ-ᱪᱤᱯᱨᱩᱫ ᱟᱨ ᱡᱤᱵᱽ ᱡᱤᱭᱟ.ᱞᱤ ᱜᱮ ᱠᱚ
ᱨᱟᱨᱟᱜ ᱠᱟᱱᱟ,
ᱢᱤᱫ-ᱢᱤᱫ ᱛᱮ ᱞᱚ ᱛᱚᱨᱚᱡᱚᱜ ᱠᱟᱱ ᱦᱟᱹᱨᱤᱭᱟ.ᱲ ᱥᱟᱠᱟᱢ,
ᱦᱮᱸᱫᱮ ᱠᱩᱭᱟ. ᱞᱟᱴᱷᱟᱣᱮᱱᱟ ᱡᱟ.ᱞᱤ ᱰᱟ.ᱨ ᱨᱮ ᱾
ᱥᱤᱧ ᱪᱟᱸᱫᱚᱣᱟᱜ ᱥᱤᱛᱩᱝ ᱟᱦᱞᱟᱛᱮ
ᱢᱟ.ᱱᱢᱤ ᱦᱚᱲᱢᱚ ᱦᱚᱸ ᱚᱱᱠᱟᱜᱮ
ᱟᱛᱟᱨᱚᱜ ᱠᱟᱱᱟ ᱟᱫᱷᱟ ᱩᱢᱮᱨ ᱨᱮᱜᱮ
ᱮᱱᱛᱮ ᱨᱮᱦᱚᱸ ᱩᱱᱠᱩ ᱯᱟ.ᱯᱤ ᱢᱟ.ᱱᱢᱤ
ᱵᱟᱝ ᱠᱚ ᱵᱩᱡᱷᱟ.ᱣ ᱫᱟᱨᱮ ᱵᱟᱧᱪᱟᱣ ᱞᱮᱠᱷᱟᱱ,
ᱥᱮᱨᱢᱟ ᱨᱮ ᱦᱮᱸᱫᱮ ᱨᱤᱢᱤᱞ ᱦᱚᱸ ᱵᱟᱭ ᱨᱟᱠᱟᱵ-ᱟ,
ᱟᱨ ᱥᱮᱨᱢᱟ ᱡᱟ.ᱲᱤ ᱦᱚᱸ ᱵᱟᱭ ᱧᱩᱨᱩᱜ-ᱟ ᱾
ᱩᱱᱠᱩ ᱯᱟ.ᱯᱤ ᱦᱚᱸ ᱚᱱᱠᱟ ᱜᱮ ᱟᱛᱟᱨ ᱠᱚᱢ ᱪᱟᱸᱫᱚ,
ᱡᱟᱦᱟ ᱞᱮᱠᱟ ᱫᱟᱨᱮ ᱱᱟ.ᱲᱤ ᱨᱮ
ᱥᱮᱸᱜᱮᱞ ᱠᱚ ᱡᱩᱸᱰᱤ ᱟᱠᱟᱫᱟ ᱾
ᱵᱩᱡᱷᱟ.ᱣ ᱟᱠᱚ ᱢᱮ ᱪᱟᱸᱫᱚ
ᱫᱷᱟ.ᱨᱛᱤ ᱨᱮ ᱯᱟᱠᱟ ᱫᱚᱞᱟᱱ ᱠᱷᱚᱱᱟᱜ
ᱡᱟ.ᱥᱛᱤ ᱞᱟ.ᱠᱛᱤ ᱟᱱᱟᱜ ᱫᱚ
ᱫᱟᱨᱮ ᱱᱟ.ᱲᱤ ᱠᱚᱣᱟᱜ ᱵᱟᱧᱪᱟᱣ ᱛᱟᱸᱦᱮᱱ ᱿
***
