ᱵᱟ.ᱭᱥᱟ.ᱠ ᱢᱩᱪᱟ.ᱫ ᱡᱷᱮᱸᱴ ᱵᱚᱸᱜᱟ ᱵᱚᱞᱚᱜ ᱫᱮᱞᱟ ᱫᱤᱞᱤ ᱫᱚ ᱱᱚᱝᱠᱟ ᱟ.ᱭᱠᱟ.ᱣᱜ ᱠᱟᱱᱟ ᱡᱟᱹᱱᱤᱡ ᱥᱤᱛᱩᱝ ᱫᱚ ᱵᱟᱝ ᱱᱚᱣᱟ ᱫᱚ ᱮᱠᱟᱞ ᱛᱮ ᱮᱞᱟᱝ ᱠᱟᱱ ᱞᱮᱠᱟᱜᱮ ᱾ ᱥᱤᱧ ᱵᱮᱲᱟ ᱜᱮᱞ ᱵᱟᱡᱟᱣ ᱞᱮᱱ ᱠᱷᱟᱱ ᱮᱠᱟᱞ ᱵᱟᱦᱨᱮ ᱨᱮ ᱴᱮᱠᱟᱣ ᱜᱮ ᱵᱟᱝ ᱜᱟᱱᱚᱜ ᱠᱟᱱᱟ ᱾ ᱱᱚᱝᱠᱟᱱ ᱚᱠᱛᱚ ᱨᱮᱫᱚ ᱢᱮᱨᱚᱢ ᱰᱟᱹᱝᱨᱤ ᱥᱤᱢ ᱥᱩᱠᱨᱤ ᱜᱚᱲᱟᱨᱮ ᱫᱟᱞ ᱠᱷᱟ.ᱲ ᱠᱮᱫ ᱠᱚ ᱞᱮᱠᱟ ᱚᱲᱟᱜ ᱨᱮ ᱢᱟᱹᱱᱢᱤ ᱦᱚᱯᱚᱱ ᱦᱚᱸᱵᱚᱱ ᱵᱚᱞᱚ ᱵᱟᱭ ᱮᱱᱜᱮ, ᱡᱤᱣᱤ ᱟᱥᱨᱟᱜ ᱟᱵᱚᱱᱟᱜ ᱪᱟᱛᱚᱢ ᱩᱢᱩᱞᱨᱮ ᱾ ᱩᱫᱽᱜᱟ.ᱨ ᱥᱤᱛᱩᱝ ᱛᱮ ᱢᱮᱫ ᱦᱚᱸ ᱵᱟᱝ ᱡᱟᱹᱯᱤᱫᱚᱜ-ᱟ ᱾ ᱜᱷᱟᱱᱮ ᱫᱚ ᱯᱟᱝᱠᱷᱟ ᱛᱮ, ᱜᱷᱟᱱᱮ ᱫᱚ ᱞᱩᱜᱽᱲᱤ ᱟᱧᱪᱟᱨ ᱛᱮ, ᱟᱨᱦᱚᱸ ᱜᱷᱟᱱᱮ ᱫᱚ ᱥᱟᱠᱟᱢ ᱠᱚ ᱛᱟᱱᱟᱜ ᱛᱮ ᱤᱣᱤᱨᱚᱜ ᱠᱟᱱ ᱨᱮᱦᱚᱸ ᱩᱫᱽᱜᱟ.ᱨ ᱫᱟᱜ ᱫᱚ ᱵᱟᱝᱛᱮ ᱵᱟᱝ ᱦᱟᱣᱮᱫᱚᱜ ᱠᱟᱱᱟ ᱾
ᱱᱚᱝᱠᱟᱱ ᱚᱠᱛᱚᱨᱮ ᱨᱟᱪᱟ ᱪᱮᱛᱟᱱ ᱴᱤᱢ ᱪᱟᱞᱤᱨᱮ ᱫᱩᱲᱩᱵ ᱠᱟᱛᱮᱫ ᱜᱟᱯᱟᱞ ᱢᱟᱨᱟᱣ ᱠᱟᱱᱟ ᱠᱤᱱ ᱥᱚᱦᱟᱜᱽ ᱟᱡ ᱦᱚᱯᱚᱱ ᱟᱭᱳ ᱟᱨ ᱟᱡ ᱦᱟᱛᱚᱢ ᱛᱮᱫ ᱾ ᱦᱟᱛᱚᱢ ᱛᱮᱫ ᱫᱚᱭ ᱮᱦᱚᱵ ᱜᱚᱫ ᱠᱮᱫᱟ, ᱦᱮᱱᱟ ᱦᱩᱰᱤᱧ ᱵᱟᱹᱦᱩ, ᱛᱤᱨᱮᱢ ᱦᱮᱡ ᱮᱱᱟ ᱵᱟᱯᱞᱟ ᱚᱲᱟᱜ ᱠᱷᱚᱱ ᱫᱚ ᱾ ᱟᱢ ᱢᱟᱛᱚᱢ ᱞᱟ.ᱭ ᱞᱮᱫᱟ ᱵᱷᱚᱡᱽ ᱤᱧ ᱡᱚᱢᱟ ᱟᱨ ᱤᱧ ᱦᱤᱡᱩᱜ -ᱟ ᱵᱟᱡᱷᱱᱤ ᱛᱮᱫᱚ ᱵᱟᱢ ᱠᱚᱢᱟ ᱦᱟᱱᱮ ᱢᱟᱦᱫᱮᱨ ᱨᱮᱢ ᱥᱮᱱ ᱟᱠᱟᱱ ᱛᱮᱦᱮᱧ ᱮᱢ ᱦᱤᱡᱩᱜ ᱠᱟᱱᱟ ᱾
ᱥᱚᱦᱟᱜᱽ ᱟᱡ ᱦᱚᱯᱚᱱ ᱟᱭᱳᱭ ᱞᱟ.ᱭ ᱠᱮᱫᱟ ᱮ ᱫᱟ.ᱭ ᱟᱨ ᱟᱞᱚ ᱵᱮᱱ ᱞᱟ.ᱭᱟ, ᱪᱟᱞᱟᱣ ᱮᱱᱠᱷᱟᱱ ᱦᱟᱹᱱᱤ ᱯᱮᱲᱟ ᱱᱩᱭ ᱯᱮᱲᱟ ᱥᱟᱶ ᱜᱟᱯᱟᱞ ᱢᱟᱨᱟᱣ ᱛᱮᱜᱮ ᱟᱹᱰᱤ ᱵᱤᱞᱚᱢ ᱜᱚᱫ
ᱮᱱᱟ, ᱛᱟᱪᱷᱟᱲᱟ ᱢᱮᱱ ᱮᱫᱟ ᱠᱚ ᱵᱟᱝᱢᱟ, ᱱᱩᱭ ᱵᱟᱹᱦᱩ ᱫᱚᱭ ᱪᱷᱟᱹᱰᱣᱤ ᱜᱮᱭᱟ ᱾ ᱪᱷᱟᱹᱰᱣᱤ ᱛᱤᱨᱞᱟ. ᱦᱚᱯᱚᱱᱟᱜ ᱵᱟᱯᱞᱟ ᱪᱮᱫ ᱞᱮᱠᱟ ᱦᱩᱭᱩᱜ-ᱟ ᱞᱩᱛᱩᱨ ᱛᱤᱧ ᱟᱸᱡᱚᱢ ᱟᱠᱟᱫ ᱨᱮᱦᱚᱸ ᱢᱮᱫ ᱛᱮᱫᱚ ᱵᱟ.ᱧ ᱧᱮᱞ ᱟᱠᱟᱫᱟ ᱚᱱᱟᱛᱮ ᱵᱟᱯᱞᱟ ᱧᱮᱧᱮᱞ ᱨᱮᱱᱟᱜ ᱫᱟᱣ ᱫᱚ ᱵᱟᱝ ᱞᱤᱧ ᱟᱲᱟᱜ ᱞᱮᱫᱟ ᱾ ᱥᱚᱦᱟᱜᱽ ᱟᱡ ᱦᱟᱛᱚᱢ ᱮ ᱞᱟ.ᱭ ᱠᱮᱫᱟ, ᱳ ᱚᱱᱠᱟ ᱠᱟᱛᱷᱟ ᱛᱟᱦᱞᱮ ᱢᱟᱥᱮ ᱠᱟᱹᱴᱤᱡ ᱞᱟ.ᱭ ᱧᱚᱜ ᱟᱹᱞᱤᱧ ᱵᱮᱱ ᱪᱮᱫ ᱞᱮᱠᱟ ᱵᱟᱯᱞᱟ ᱫᱚ ᱦᱩᱭ ᱮᱱᱟ, ᱟᱭᱳ ᱵᱟᱵᱟ ᱡᱤᱭᱟ.ᱛ ᱵᱟᱨᱮᱛ ᱫᱚ ᱛᱤᱱᱟ.ᱜ ᱜᱟᱱ ᱠᱚ ᱦᱮᱡ ᱞᱮᱱᱟ ᱵᱟᱹᱦᱩ ᱾
ᱮ ᱫᱟ.ᱭ ᱦᱮᱡ ᱨᱮᱫᱚ ᱠᱚ ᱦᱮᱡ ᱞᱮᱱ ᱜᱮᱭᱟ ᱟᱫᱚ ᱱᱟᱢᱟᱞ ᱫᱤᱥᱚᱢ ᱦᱚᱲ ᱛᱚ ᱵᱟᱯᱞᱟ ᱨᱮᱱᱟᱜ ᱟ.ᱱ ᱟᱹᱨᱤ ᱫᱚ ᱟᱵᱚ ᱥᱮᱱ ᱞᱮᱠᱟ ᱫᱚ ᱵᱟᱝ ᱜᱩᱲ ᱫᱟᱠᱟ ᱵᱟᱝ ᱠᱚ ᱡᱚᱢ ᱚᱪᱚ ᱞᱮᱫᱮᱭᱟ ᱟᱨ ᱥᱩᱱᱩᱢ ᱥᱟᱥᱟᱝ ᱦᱚᱸ ᱵᱟᱝ, ᱠᱷᱟᱸᱰᱟ ᱫᱟᱜ ᱦᱚᱸ ᱵᱟᱝ ᱾ ᱱᱚᱶᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮᱫ ᱥᱚᱦᱟᱜᱽ ᱟᱡ ᱦᱟᱛᱚᱢ ᱦᱟᱦᱟᱲᱟᱜ ᱥᱟᱹᱦᱤᱡ ᱮ ᱢᱮᱱ ᱠᱮᱫᱟ ᱪᱮᱫ ᱞᱮᱠᱟ ᱠᱚ ᱵᱟᱯᱞᱟᱭᱮᱱᱟ ᱵᱟᱹᱦᱩ ᱾
ᱥᱚᱦᱟᱜᱽ ᱦᱚᱸ ᱟᱠᱚᱣᱟᱜ ᱵᱟᱨᱟᱱᱫᱟᱨᱮᱭ ᱜᱤᱛᱤᱡ ᱟᱠᱟᱱ ᱛᱟᱦᱮᱱ ᱢᱤᱫ ᱨᱟᱪᱟ ᱦᱚᱛᱮᱛᱮ ᱟᱡ ᱦᱚᱯᱚᱱ ᱟᱭᱳ ᱟᱨ ᱦᱟᱛᱚᱢ ᱛᱮᱫ ᱟᱜ ᱠᱟᱛᱷᱟ ᱫᱚ ᱟᱹᱰᱤ ᱴᱷᱟ.ᱣᱠᱟ. ᱜᱮᱭ ᱟᱸᱡᱚᱢ ᱮᱫᱟ ᱾ ᱥᱚᱦᱟᱜᱽ ᱟᱡ ᱦᱚᱯᱚᱱ ᱟᱭᱳ ᱢᱮᱱ ᱠᱮᱫᱟᱭ ᱟᱨ ᱪᱮᱫ ᱞᱮᱠᱟ ᱠᱚ ᱵᱟᱯᱞᱟᱜ-ᱟ ᱠᱚᱲᱟ ᱜᱤᱫᱽᱨᱟ. ᱫᱚ ᱡᱚᱛᱚ ᱜᱮ ᱜᱩᱲᱫᱟᱠᱟ ᱡᱚᱢ ᱚᱪᱚ ᱠᱷᱚᱱ ᱮᱦᱚᱵ ᱠᱟᱛᱮᱫ ᱥᱩᱱᱩᱢ ᱥᱟᱥᱟᱝ ᱚᱡᱚᱜ, ᱦᱚᱭᱚ ᱟᱞᱛᱟ ᱠᱷᱟᱸᱰᱟ ᱫᱟᱜ ᱡᱚᱛᱚ ᱜᱮ, ᱦᱮ ᱟᱫᱚ ᱚᱱᱮ ᱥᱤᱸᱫᱽᱨᱟ. ᱫᱟᱱ ᱫᱚ ᱵᱟᱹᱦᱩ ᱥᱟᱶ ᱫᱚ ᱵᱟᱝ ᱾ ᱱᱚᱝᱠᱟᱱ ᱜᱟᱯᱟᱞᱢᱟᱨᱟᱣ ᱟᱸᱡᱚᱢ ᱛᱮ
ᱥᱚᱦᱟᱜᱽ ᱟᱫᱚ ᱜᱤᱛᱤᱡ ᱛᱷᱤᱨ ᱫᱚ ᱵᱟᱭ ᱛᱟᱦᱮᱸ ᱫᱟᱲᱮ ᱟᱫᱟ ᱪᱟᱞᱟᱣ ᱥᱩᱨ ᱮᱱᱟᱭ ᱩᱱᱠᱤᱱ ᱴᱷᱮᱱ ᱜᱮ ᱾ ᱛᱚᱵᱮ ᱪᱮᱫ ᱞᱮᱠᱟ ᱠᱚ ᱵᱟᱯᱞᱟᱭᱮᱱᱟ ᱵᱟᱹᱦᱩ, ᱦᱟᱛᱚᱢ ᱛᱮᱫ ᱫᱚ ᱠᱩᱠᱞᱤᱭ ᱫᱚᱦᱚ ᱠᱮᱫᱟ ᱾ ᱥᱚᱦᱟᱜᱽ ᱟᱡ ᱦᱚᱯᱚᱱ ᱟᱭᱳ ᱢᱮᱱ ᱠᱮᱫᱟᱭ, ᱱᱟᱶᱟ ᱵᱟᱹᱦᱩ ᱪᱤᱨᱢᱩᱫᱤᱞ ᱠᱚ ᱦᱚᱨᱚᱜ ᱠᱮᱫᱮᱭᱟ ᱟᱨ ᱚᱲᱟᱜ ᱠᱚ ᱟᱫᱮᱨ ᱠᱟᱫᱮᱭᱟ ᱚᱱᱟ ᱦᱚᱸ ᱥᱤᱸᱫᱩᱨ ᱞᱩᱜᱽᱲᱤ ᱛᱮᱫᱚ ᱵᱟᱝ ᱠᱚ ᱵᱟᱸᱫᱮ ᱟᱠᱟᱫᱮᱭᱟ ᱾
ᱤᱱᱟ. ᱛᱟᱭᱚᱢ ᱱᱟᱶᱟ ᱡᱟᱶᱟᱭ ᱠᱚ ᱚᱰᱚᱠ ᱠᱮᱫᱮᱭᱟ, ᱱᱟᱶᱟ ᱡᱟᱶᱟᱭ ᱫᱚ ᱟᱡ ᱵᱟᱵᱟ ᱟᱜ ᱦᱚᱵᱚᱨ ᱨᱮ ᱫᱩᱲᱩᱵ ᱮᱱᱟᱭ ᱤᱱᱟ. ᱛᱟᱭᱚᱢ ᱢᱤᱫᱴᱟᱹᱝ ᱠᱟᱸᱥᱟ ᱛᱷᱟᱹᱨᱤ ᱨᱮ ᱵᱟᱹᱦᱩ ᱠᱚ ᱛᱩᱞ ᱚᱰᱚᱠ ᱠᱮᱫᱮᱭᱟ ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱥᱟᱠᱟᱢ ᱨᱮᱱ ᱵᱮᱱᱟᱣ ᱵᱟᱹᱦᱩ ᱾ ᱩᱱᱤ ᱜᱮ ᱡᱟᱶᱟᱭ ᱵᱟᱹᱵᱩ ᱟᱜ ᱫᱷᱟᱨᱮ ᱛᱮ ᱯᱮ ᱫᱷᱟᱣ ᱟᱹᱪᱩᱨ ᱠᱟᱛᱮᱫ ᱥᱟᱢᱟᱝ ᱨᱮᱠᱚ ᱫᱚᱦᱚ ᱠᱮᱫᱮᱭᱟ ᱾ ᱡᱟᱶᱟᱭ ᱵᱟᱹᱵᱩ ᱫᱚ ᱩᱞ ᱰᱷᱟ.ᱨᱣᱟ.ᱜ ᱫᱟᱜ ᱤᱨᱪᱤ ᱟᱫᱮ ᱛᱮ ᱩᱱᱤ ᱥᱟᱠᱟᱢ ᱨᱮᱱ ᱵᱟᱹᱦᱩ ᱡᱟᱦᱟᱸᱭ ᱫᱚ ᱥᱤᱸᱫᱩᱨ ᱞᱩᱜᱽᱲᱤ ᱛᱮᱠᱚ ᱵᱟᱸᱫᱮ ᱟᱠᱟᱫᱮ ᱩᱱᱤ ᱥᱟᱠᱟᱢ ᱨᱮᱱ ᱵᱟᱹᱦᱩ ᱜᱮᱭ ᱥᱤᱸᱫᱩᱨ ᱟᱫᱮᱭᱟ ᱾ ᱤᱱᱟ. ᱛᱟᱭᱚᱢ ᱚᱱᱟ ᱛᱷᱟᱹᱨᱤ ᱨᱮᱜᱮ ᱛᱟᱦᱮᱸ ᱠᱟᱱᱟ ᱜᱩᱞᱟ.ᱪᱤ ᱵᱟᱦᱟ ᱚᱱᱟ ᱜᱩᱞᱟ.ᱪᱤ ᱵᱟᱦᱟ ᱨᱮᱭ ᱥᱤᱸᱫᱩᱨ ᱟᱫᱟ ᱾ ᱤᱱᱟ. ᱛᱟᱭᱚᱢ ᱱᱟᱶᱟ ᱡᱟᱶᱟᱭ ᱵᱟᱹᱵᱩ ᱪᱷᱟᱹᱰᱣᱤ ᱟᱠᱟᱱ ᱵᱟᱹᱦᱩ ᱠᱚ ᱚᱰᱚᱠ ᱠᱮᱫᱮᱭᱟ, ᱡᱟᱦᱟᱸ ᱵᱟᱦᱟ ᱫᱚ ᱡᱟᱶᱟᱭ ᱵᱟᱹᱵᱩᱭ ᱥᱤᱸᱫᱩᱨ ᱟᱫ ᱛᱟᱦᱮᱸᱱ ᱚᱱᱟ ᱫᱚ ᱟᱹᱛᱩ ᱨᱮᱱ ᱡᱚᱜᱽ ᱢᱟᱹᱡᱷᱤ ᱮᱨᱟ ᱩᱱᱤ ᱪᱷᱟᱹᱰᱣᱤ ᱟᱠᱟᱱ ᱵᱟᱹᱦᱩ ᱚᱱᱟ ᱵᱟᱦᱟ ᱫᱚ ᱥᱩᱫ ᱨᱮᱭ ᱨᱮᱵᱮᱫ ᱟᱫᱮᱭᱟ ᱟᱨ ᱡᱚᱜᱽ ᱢᱟᱹᱡᱷᱤ ᱮᱨᱟ ᱜᱮ ᱵᱚᱦᱚᱜ ᱨᱮᱫᱚᱭ ᱥᱤᱸᱫᱩᱨ ᱟᱫᱮᱭᱟ, ᱮ ᱫᱟ.ᱭ ᱵᱟᱝ ᱢᱟᱠᱚ ᱞᱟ.ᱭᱟ, ᱪᱷᱟᱹᱰᱣᱤ ᱦᱚᱲᱟᱜ ᱵᱟᱯᱞᱟ ᱫᱚ ᱱᱚᱝᱠᱟ ᱜᱮ ᱦᱩᱭᱩᱜ-ᱟ ᱾
ᱪᱷᱟᱹᱰᱣᱤ ᱟᱠᱟᱱ ᱛᱤᱨᱞᱟ. ᱦᱚᱯᱚᱱᱟᱜ ᱱᱚᱝᱠᱟᱱ ᱵᱟᱯᱞᱟ ᱟᱹᱨᱤ ᱟᱸᱡᱚᱢ ᱠᱟᱛᱮᱫ ᱥᱚᱦᱟᱜᱽ ᱮ ᱞᱟ.ᱭ ᱠᱮᱫᱟ ᱤᱧᱟᱜ ᱩᱭᱦᱟ.ᱨ ᱛᱮᱢᱟ ᱵᱟᱯᱞᱟ ᱢᱟ ᱵᱟᱝ ᱦᱩᱭ ᱟᱠᱟᱱᱟ ᱩᱱᱠᱤᱱᱟᱜ ᱫᱚ ᱾ ᱱᱚᱶᱟ ᱠᱟᱛᱷᱟᱨᱮ ᱥᱚᱦᱟᱜᱽ ᱟᱡ ᱦᱚᱯᱚᱱ ᱟᱭᱳᱭ ᱞᱟ.ᱭ ᱠᱮᱫᱟ ᱪᱤᱠᱟ.ᱛᱮ ᱵᱟᱝ ᱾ ᱥᱚᱦᱟᱜᱽ ᱞᱟ.ᱞᱟ.ᱭ ᱮ ᱮᱦᱚᱵ ᱮᱱᱟ ᱟᱵᱮᱱ ᱜᱟᱹᱦᱤᱸᱨ ᱛᱮ ᱩᱭᱦᱟ.ᱨ ᱵᱮᱱ ᱥᱮ ᱢᱟ ᱥᱟᱹᱨᱤ ᱞᱟ.ᱭ ᱛᱮ ᱵᱟᱯᱞᱟ ᱢᱟ ᱥᱟᱠᱟᱢ ᱨᱮᱱ ᱵᱟᱹᱦᱩ ᱥᱟᱶ ᱜᱮ ᱦᱩᱭ ᱮᱱᱟ ᱾ ᱪᱷᱟᱹᱰᱣᱤ ᱟᱠᱟᱱ ᱵᱟᱹᱦᱩ ᱥᱟᱶ ᱛᱚ ᱵᱟᱝ ᱦᱩᱭ ᱟᱠᱟᱱᱟ ᱾ ᱛᱚᱵᱮ ᱩᱱᱤ ᱫᱚ ᱚᱠᱚᱭ ᱧᱩᱛᱩᱢ ᱛᱮᱭ ᱥᱟᱠᱚᱢ ᱥᱤᱸᱫᱩᱨᱚᱜ-ᱟ ᱾ ᱟᱵᱮᱱ ᱡᱮ ᱵᱮᱱ ᱥᱤᱸᱫᱩᱨᱚᱜ ᱠᱟᱱᱟ ᱢᱟᱥᱮ ᱞᱟ.ᱭ ᱵᱮᱱ ᱪᱮᱫᱟᱜ ᱵᱮᱱ ᱥᱤᱸᱫᱩᱨᱚᱜ ᱠᱟᱱᱟ? ᱟᱨ ᱚᱠᱚᱭ ᱧᱩᱛᱩᱢ ᱛᱮ ᱵᱟᱝ ᱵᱮᱱ ᱥᱤᱸᱫᱩᱨᱚᱜ ᱠᱟᱱᱟ? ᱵᱟᱝ ᱢᱟ ᱟᱵᱮᱱ ᱫᱚ ᱱᱤᱡᱮᱨ ᱨᱮᱱ ᱦᱚᱲᱟᱜ ᱧᱩᱛᱩᱢ ᱛᱮᱵᱮᱱ ᱥᱤᱸᱫᱩᱨᱚᱜ ᱠᱟᱱᱟ, ᱪᱮᱫᱟᱜ ᱵᱟᱝᱢᱟ ᱩᱱᱤ ᱦᱚᱨᱚᱜ ᱟᱠᱟᱫ ᱢᱮᱭᱟ ᱥᱤᱸᱫᱩᱨ ᱥᱟᱠᱚᱢ ᱟᱹᱛᱩ ᱢᱚᱲᱮ ᱢᱟᱯᱟᱧᱡᱤ ᱠᱚ ᱥᱟᱹᱠᱷᱤ ᱠᱟᱛᱮᱫ ᱾ ᱚᱱᱟᱛᱮ ᱱᱤᱛ ᱮᱢ ᱥᱟᱠᱚᱢ ᱥᱤᱸᱫᱩᱨᱚᱜ ᱠᱟᱱᱟ ᱟᱢ ᱨᱮᱱ ᱪᱷᱟᱛᱟᱫᱟᱨᱮ ᱧᱩᱛᱩᱢ ᱛᱮ ᱾ ᱢᱮᱱᱠᱷᱟᱱ ᱢᱟᱥᱮ ᱩᱭᱦᱟ.ᱨ ᱵᱮᱱ ᱩᱱᱤ ᱫᱚ ᱚᱠᱚᱭ ᱧᱩᱛᱩᱢ ᱛᱮ ᱟᱨ ᱪᱮᱫᱟᱜ ᱜᱮ ᱵᱟᱝ ᱥᱟᱠᱚᱢ ᱥᱤᱸᱫᱩᱨ ᱫᱚᱭ ᱦᱚᱨᱚᱜᱟ ᱾ ᱟᱵᱚ ᱵᱚᱱ ᱢᱮᱱᱟ
ᱡᱮ, ᱥᱟᱠᱚᱢ ᱥᱤᱸᱫᱩᱨ ᱫᱚ ᱡᱟᱶᱟᱭ ᱟᱜ ᱪᱤᱱᱦᱟ.ᱜᱮ ᱠᱟᱱᱟ, ᱢᱮᱱᱠᱷᱟᱱ ᱱᱩᱭ ᱞᱮᱠᱟᱱ ᱛᱤᱨᱞᱟ. ᱠᱚᱣᱟᱜ ᱥᱟᱠᱚᱢ ᱥᱤᱸᱫᱩᱨ ᱫᱚ ᱪᱮᱫ ᱵᱚᱱ ᱢᱮᱛᱟᱜ-ᱟ??
ᱟᱨ ᱦᱚᱧ ᱢᱮᱱᱟ ᱡᱮ ᱵᱟᱯᱞᱟ ᱢᱟᱱᱮ ᱫᱚ ᱪᱮᱫ ᱵᱚᱱ ᱢᱮᱛᱟᱜ-ᱟ? ᱟᱵᱚ ᱫᱚ ᱵᱚᱱ ᱵᱟᱰᱟᱭᱟ ᱡᱮ ᱵᱟᱯᱞᱟ ᱨᱮᱱᱟᱜ ᱢᱩᱞ ᱛᱮᱫ ᱫᱚ ᱤᱛᱩᱫ ᱥᱤᱸᱫᱩᱨ ᱥᱟᱠᱚᱢ ᱦᱚᱨᱚᱜ ᱾ ᱱᱚᱶᱟ ᱜᱮ ᱵᱟᱯᱞᱟ ᱨᱮᱱᱟᱜ ᱢᱩᱲᱩᱛ ᱠᱟᱹᱢᱤ ᱫᱚ ᱠᱟᱱᱟ, ᱱᱚᱶᱟ ᱠᱟᱹᱢᱤ ᱦᱚᱨᱟ ᱛᱟᱭᱚᱢ ᱠᱷᱚᱱ ᱜᱮ ᱩᱱᱠᱤᱱ ᱫᱚᱠᱤᱱ ᱡᱩᱨᱤ ᱯᱟᱹᱨᱤ ᱮᱱᱟ, ᱯᱩᱱ ᱛᱤ ᱥᱟᱯᱟᱵ ᱠᱟᱛᱮᱫ ᱥᱚᱝᱥᱟᱨ ᱡᱤᱭᱚᱱ ᱨᱮ ᱢᱤᱫ ᱛᱮ ᱯᱟᱹᱣᱲᱤ ᱞᱟᱦᱟ ᱞᱟᱹᱜᱤᱫ ᱜᱮ ᱵᱟᱯᱞᱟ ᱫᱚ ᱾
ᱢᱮᱱᱠᱷᱟᱱ ᱱᱚᱝᱠᱟᱱ ᱵᱟᱯᱞᱟ ᱨᱮᱫᱚ ᱱᱤᱭᱟ. ᱠᱚ ᱢᱩᱲᱩᱛ ᱠᱟᱹᱢᱤ ᱫᱚ ᱵᱟᱝ ᱦᱩᱭᱩᱜ ᱠᱟᱱᱟ, ᱦᱮ ᱦᱩᱭᱩᱜ ᱠᱟᱱᱟ ᱢᱮᱱᱠᱷᱟᱱ ᱩᱱᱤ ᱵᱟᱹᱦᱩ ᱥᱟᱶ ᱫᱚ ᱵᱟᱝ ᱥᱟᱠᱟᱢ ᱨᱮᱱ ᱵᱟᱹᱦᱩ ᱥᱟᱶ ᱾ ᱱᱚᱛᱮ ᱪᱷᱟᱹᱰᱣᱤ ᱟᱠᱟᱱ ᱵᱟᱹᱦᱩ ᱫᱚ ᱥᱟᱠᱚᱢ ᱥᱤᱸᱫᱩᱨ ᱫᱚᱵᱚᱱ ᱦᱚᱨᱚᱜ ᱚᱪᱚᱭᱮ ᱠᱟᱱᱟ ᱟᱫᱚ ᱚᱠᱚᱭ ᱧᱩᱛᱩᱢ ᱛᱮ ᱪᱚᱝ? ᱚᱱᱟ ᱫᱚ ᱯᱟᱪᱷᱮᱫ ᱟᱵᱚᱣᱟᱜ ᱥᱚᱢᱟᱡᱽ ᱜᱮᱭ ᱞᱟ.ᱭ ᱫᱟᱲᱮᱭᱟᱜ-ᱟ ᱾ ᱥᱟᱹᱨᱤ ᱜᱮ ᱜᱟᱹᱦᱤᱸᱨ ᱥᱟᱺᱦᱤᱡ ᱛᱮ ᱢᱟᱵᱚᱱ ᱩᱭᱦᱟ.ᱨ ᱢᱟ ᱾
ᱱᱚᱝᱠᱟᱱ ᱵᱟᱯᱞᱟ ᱥᱮ ᱱᱚᱝᱠᱟᱱ ᱥᱟᱠᱚᱢ ᱥᱤᱸᱫᱩᱨ ᱦᱚᱨᱚᱜ ᱨᱮᱱᱟᱜ ᱢᱮᱱᱮᱛ ᱥᱮ ᱜᱚᱱᱚᱝ ᱫᱚ ᱵᱟᱱᱩᱜ-ᱟ ᱾ ᱱᱚᱶᱟ ᱫᱚ ᱢᱤᱫᱴᱟᱹᱝ ᱱᱟᱯᱟᱭ ᱥᱟᱡᱽ ᱞᱮᱠᱟᱛᱮ ᱠᱚ ᱦᱚᱨᱚᱜ ᱠᱟᱜ ᱠᱟᱱᱟ ᱤᱱᱟ. ᱪᱷᱟᱰᱟ ᱟᱨ ᱮᱴᱟᱜ ᱫᱚ ᱢᱚᱱᱮ ᱵᱟᱝ ᱦᱩᱭᱩᱜ ᱠᱟᱱᱟ ᱾ ᱱᱚᱝᱠᱟᱱ ᱵᱟᱯᱞᱟ ᱟᱹᱨᱤ ᱛᱮ ᱡᱟᱦᱟᱸᱭ ᱛᱤᱨᱞᱟ. ᱦᱚᱯᱚᱱ ᱠᱚ ᱛᱚᱞ ᱟᱠᱟᱱᱟ ᱩᱱᱠᱩ ᱛᱤᱨᱞᱟ. ᱦᱚᱯᱚᱱ ᱡᱩᱫᱤ ᱢᱚᱱ ᱚᱱᱛᱚᱨ ᱠᱷᱚᱱ ᱵᱚᱱ ᱠᱩᱞᱤ ᱠᱚᱣᱟ ᱡᱮ ᱱᱚᱝᱠᱟᱱ ᱵᱟᱯᱞᱟ ᱛᱮ ᱟᱯᱮ ᱠᱤ ᱯᱮ ᱥᱚᱱᱛᱩᱥᱴᱚ ᱟᱠᱟᱱᱟ? ᱛᱮᱞᱟᱨᱮ ᱧᱟᱢᱚᱜ-ᱟ ᱡᱮ, ᱱᱤᱦᱟ.ᱛ ᱜᱮ ᱵᱟᱝ ᱞᱮ ᱥᱚᱱᱛᱩᱥᱴᱚ ᱟᱠᱟᱱᱟ ᱾
ᱢᱮᱱᱠᱷᱟᱱ ᱟᱹᱨᱤ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱛᱮᱞᱮ ᱵᱚᱲᱦᱮ ᱟᱠᱟᱱᱟ ᱾ ᱪᱮᱫᱟᱜ ᱥᱮ ᱱᱚᱝᱠᱟ ᱜᱮ ᱪᱷᱟᱹᱰᱣᱤ ᱦᱚᱲᱟᱜ ᱵᱟᱯᱞᱟ ᱟᱹᱨᱤ ᱫᱚ ᱟᱵᱚ ᱵᱚᱱ ᱛᱚᱞ ᱟᱠᱟᱫᱟ ᱥᱮ ᱵᱚᱱ ᱪᱟᱞᱟᱣ ᱟᱹᱜᱩ ᱮᱫᱟ ᱾
ᱥᱚᱦᱟᱜᱽ ᱟᱨ ᱦᱚᱸᱭ ᱞᱟ.ᱭ ᱠᱮᱫᱟ ᱟᱪᱷᱟ ᱞᱟ.ᱭ ᱵᱮᱱ ᱥᱮ ᱟᱵᱚᱣᱟᱜ ᱥᱚᱢᱟᱡᱽ ᱨᱮᱫᱚ ᱪᱮᱫᱟᱜ ᱱᱚᱝᱠᱟ ᱱᱤᱭᱚᱢ ᱾ ᱠᱚᱲᱟ ᱦᱚᱯᱚᱱᱟᱜ ᱢᱤᱫ ᱱᱤᱭᱚᱢ ᱟᱨ ᱠᱩᱲᱤ ᱦᱚᱯᱚᱱᱟᱜ ᱢᱤᱫ ᱱᱤᱭᱚᱢ, ᱟᱵᱚ ᱥᱚᱢᱟᱡᱽ ᱨᱮ ᱧᱮᱞᱚᱜ ᱠᱟᱱᱟ ᱢᱤᱫᱴᱟᱹᱝ ᱨᱟᱸᱰᱟ ᱥᱮ ᱪᱷᱟᱹᱰᱩᱭ ᱠᱚᱲᱟ ᱦᱚᱯᱚᱱ ᱫᱚ ᱵᱟᱨ ᱯᱮ ᱫᱷᱟᱣ ᱮ ᱵᱟᱯᱞᱟᱜ ᱨᱮᱦᱚᱸ ᱟᱡ ᱫᱚ ᱫᱟ.ᱣᱲᱟ. ᱪᱮᱛᱟᱱ ᱠᱷᱚᱱ ᱜᱮ ᱵᱟᱹᱦᱩ ᱫᱚᱭ ᱟᱹᱜᱩ ᱫᱟᱲᱮ ᱟᱠᱚᱣᱟ ᱥᱤᱸᱫᱩᱨ ᱠᱟᱛᱮᱫ ᱾ ᱢᱮᱱᱠᱷᱟᱱ ᱠᱩᱲᱤ ᱜᱤᱫᱽᱨᱟ. ᱫᱚ ᱢᱤᱫ ᱫᱷᱟᱣ ᱨᱟᱺᱰᱤ ᱥᱮ ᱪᱸᱟᱹᱰᱣᱤᱜ ᱠᱟᱱ ᱠᱷᱟᱱ ᱩᱱᱤ ᱫᱚ ᱵᱚᱦᱚᱜ ᱨᱮᱫᱚ ᱵᱟᱝ ᱠᱚ ᱥᱤᱸᱫᱩᱨ ᱟᱭ ᱠᱟᱱᱟ ᱾ ᱪᱮᱫᱟᱜ ᱱᱚᱝᱠᱟ ᱢᱤᱫ ᱛᱚᱨᱯᱷᱟ ᱱᱤᱭᱚᱢ ᱫᱚ?
ᱥᱚᱦᱟᱜᱽ ᱟᱡ ᱦᱟᱛᱚᱢ ᱮ ᱢᱮᱱ ᱠᱮᱫᱟ ᱚᱱᱟᱢᱟ ᱴᱷᱤᱠ ᱠᱟᱛᱷᱟ ᱜᱮᱢ ᱢᱮᱱ ᱟᱠᱟᱫᱟ ᱢᱮᱱᱠᱷᱟᱱ ᱥᱚᱢᱟᱡᱽ ᱨᱮᱱᱟᱜ ᱡᱟᱦᱟᱸ ᱟ.ᱱ ᱟᱹᱨᱤ ᱞᱟᱦᱟ ᱠᱷᱚᱱ ᱦᱮᱡ ᱟᱹᱜᱩ ᱟᱠᱟᱱᱟ ᱚᱱᱟ ᱫᱚ ᱪᱤᱠᱟᱹᱛᱮᱢ ᱯᱟᱞᱴᱟᱣᱟ ᱾ ᱠᱟᱛᱷᱟᱨᱮ ᱵᱟᱝ ᱠᱚ ᱢᱮᱱ ᱟᱠᱟᱫᱟ, ᱟᱯᱱᱟᱨ ᱟᱜ ᱥᱚᱢᱟᱡᱽ ᱫᱚ ᱵᱮᱥ ᱨᱮᱦᱚᱸ ᱟᱨ ᱵᱟᱹᱲᱤᱡ ᱨᱮᱦᱚᱸ ᱚᱱᱟ ᱫᱚ ᱢᱟᱱᱟᱣ ᱵᱟᱛᱟᱣ ᱠᱟᱜ ᱜᱮ ᱦᱩᱭᱩᱜ-ᱟ ᱾
ᱥᱚᱦᱟᱜᱽ ᱮ ᱞᱟ.ᱭ ᱠᱮᱫᱟ ᱚᱱᱟ ᱠᱟᱛᱷᱟᱢ ᱞᱟ.ᱭ ᱠᱮᱫᱟ ᱛᱟᱦᱞᱮ ᱟᱸᱡᱚᱢ ᱢᱮ, ᱥᱮᱫᱟᱭ ᱫᱤᱠᱩ ᱥᱚᱢᱟᱡᱽ ᱨᱮ ᱧᱮᱞᱚᱜ ᱠᱟᱱ ᱛᱟᱦᱮᱸᱱ “ᱥᱚᱛᱤ ᱫᱟᱦᱚ ᱯᱨᱚᱛᱷᱟ” ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱠᱩᱲᱤ ᱜᱤᱫᱟ.ᱨ ᱡᱤᱣᱤᱫ ᱛᱟᱦᱮᱸᱱ ᱛᱮ ᱟᱡ ᱡᱟᱶᱟᱭ ᱜᱚᱡ ᱞᱮᱱᱠᱷᱟᱱ ᱩᱱᱤ ᱫᱚ ᱟᱡ ᱡᱟᱶᱟᱭ ᱥᱟᱶ ᱜᱮᱠᱚ ᱨᱟᱯᱟᱜ ᱢᱮᱥᱟ ᱠᱟᱭᱟ ᱾ ᱚᱱᱠᱟᱜᱮ ᱢᱤᱫ ᱫᱷᱟᱣ ᱠᱩᱲᱤ ᱜᱤᱫᱽᱨᱟ. ᱡᱟᱶᱟᱭ ᱛᱟᱭᱚᱢ ᱨᱟᱺᱰᱤ ᱞᱮᱱᱠᱷᱟᱱ ᱫᱚᱦᱲᱟ ᱵᱟᱯᱞᱟ ᱫᱚ ᱵᱟᱝ ᱦᱩᱭᱩᱜ ᱠᱟᱱ ᱛᱟᱭ ᱛᱟᱦᱮᱱ ᱾ ᱱᱚᱶᱟ ᱫᱚ ᱵᱟᱸᱜᱟᱞᱤ ᱥᱚᱢᱟᱡᱽ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱟ.ᱱ ᱟᱹᱨᱤ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ ᱱᱟᱦᱟᱜ ᱫᱚ ᱥᱚᱛᱤᱫᱟᱦᱚ ᱯᱨᱚᱛᱷᱟ ᱦᱚᱸᱠᱚ ᱵᱚᱸᱫᱽ ᱟᱠᱟᱫᱟ ᱟᱨ ᱨᱟᱺᱰᱤ ᱦᱚᱲᱟᱜ ᱫᱚᱦᱲᱟ ᱵᱟᱯᱞᱟ ᱦᱚᱸᱠᱚ ᱪᱟᱹᱞᱩ ᱟᱠᱟᱫᱟ ᱾
ᱚᱱᱠᱟᱜᱮ ᱟᱵᱚ ᱥᱟᱱᱛᱟᱲ ᱥᱚᱢᱟᱡᱽ ᱨᱮᱱᱟᱜ ᱟ.ᱱ ᱟᱹᱨᱤ ᱦᱚᱸ ᱵᱚᱫᱚᱞ ᱟᱠᱟᱱᱟ, ᱡᱮ ᱞᱮᱠᱟ ᱟᱯᱮ ᱠᱚᱫᱚ ᱯᱮ ᱧᱮᱞ ᱛᱤᱭᱩᱜ ᱞᱮᱫᱟ ᱟᱵᱚ ᱥᱚᱢᱟᱡᱽ ᱨᱮ ᱥᱮᱫᱟᱭ ᱫᱚ ᱚᱨ ᱤᱛᱩᱫ ᱵᱟᱯᱞᱟ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱯᱟᱛᱟ ᱪᱷᱟᱛᱟ ᱥᱮ ᱫᱚᱝ ᱞᱟᱜᱽᱬᱮ ᱥᱟᱞ ᱟᱨ ᱵᱟᱝᱠᱷᱟᱱ ᱠᱩᱸᱭ ᱜᱷᱟᱴ, ᱰᱟᱹᱰᱤ ᱜᱷᱟᱴ ᱠᱷᱚᱱ ᱛᱩᱯᱩᱱ ᱜᱷᱟᱴ ᱠᱷᱚᱱ ᱡᱟᱦᱟᱸᱭ ᱠᱩᱲᱤ ᱜᱤᱫᱽᱨᱟ. ᱠᱚ ᱠᱩᱥᱤ ᱟᱠᱟᱫᱮ ᱠᱷᱟᱱ ᱩᱱᱤ ᱫᱚ ᱚᱨ ᱠᱟᱛᱮᱫ ᱠᱚ ᱟᱹᱛᱠᱤᱨ ᱤᱫᱤ ᱮᱭᱟ ᱟᱨ ᱛᱟᱭᱚᱢ ᱫᱟᱨᱟᱢ ᱠᱚ ᱵᱟᱯᱞᱟ ᱠᱟᱹᱠᱤᱱᱟ ᱾ ᱱᱚᱝᱠᱟ ᱢᱤᱫᱴᱟᱹᱝ ᱟᱹᱨᱤ ᱛᱟᱦᱮᱸ ᱠᱟᱱᱟ ᱱᱟᱦᱟᱜ ᱫᱚ ᱵᱚᱫᱚᱞ ᱟᱠᱟᱱᱟ ᱾ ᱛᱟᱦᱞᱮ ᱟᱵᱚᱣᱟᱜ ᱱᱚᱝᱠᱟᱱ ᱢᱤᱫ ᱵᱟᱨ ᱱᱤᱭᱚᱢ ᱟᱹᱨᱤ ᱫᱚ ᱪᱮᱫᱟᱜ ᱵᱟᱝ ᱵᱚᱱ ᱵᱚᱫᱚᱞ ᱫᱟᱲᱮᱭᱟᱜ-ᱟ ᱾
ᱟᱵᱚᱣᱟᱜ ᱥᱚᱢᱟᱡᱽ ᱮᱴᱟᱜ ᱮᱴᱟᱜ ᱡᱟᱹᱛᱤ ᱠᱷᱚᱱ ᱟᱹᱰᱤ ᱜᱮ ᱵᱷᱮᱜᱟᱨ ᱜᱮ ᱛᱟᱵᱚᱱᱟ ᱟᱨ ᱱᱟᱯᱟᱭ ᱦᱚᱸ ᱟᱹᱰᱤ ᱜᱮ, ᱤᱧ ᱫᱚ ᱵᱟ.ᱧ ᱱᱤᱫᱷᱟ.ᱱ ᱮᱫᱟ ᱾ ᱢᱮᱱᱠᱷᱟᱱ ᱟᱵᱚᱣᱟᱜ ᱚᱠᱟ ᱟ.ᱱ ᱟᱹᱨᱤ ᱛᱮ ᱵᱟᱹᱲᱤᱡ ᱚᱨᱥᱚᱝ ᱯᱟᱲᱟᱜ ᱠᱟᱱᱟ ᱚᱱᱟ ᱫᱚ ᱟᱵᱚ ᱥᱟᱶᱛᱟ ᱠᱷᱚᱱ ᱞᱮᱪᱮᱡ ᱜᱤᱰᱤ ᱜᱮ ᱯᱟᱞᱮ ᱱᱟᱯᱟᱭᱚᱜ-ᱟ ᱿
***
