ᱩᱰᱟ.ᱣᱜ ᱥᱟᱫᱚᱢ ᱢᱚᱱᱮ
ᱱᱤᱛ ᱤᱧ ᱧᱮᱞ ᱢᱮ ᱠᱟᱱᱟ,
ᱫᱟᱨᱮ ᱜᱟᱸᱴᱠᱮ ᱞᱮᱠᱟᱭ
ᱚᱵᱚᱨ ᱦᱟ.ᱯᱤᱭᱮᱱᱟ ᱾
ᱯᱟᱹᱦᱤᱞ ᱟᱨ ᱱᱤᱛᱟᱜ ᱜᱚᱴᱟᱭ
ᱡᱚᱠᱷᱟ ᱢᱚᱠᱟᱭᱮᱫ ᱠᱟᱱᱟ,
ᱚᱱᱟ ᱛᱮᱜᱮ ᱯᱟᱞᱮ ᱱᱚᱝᱠᱟᱭ
ᱢᱚᱠᱚᱧ ᱛᱷᱤᱨ ᱮᱱᱟ ᱾
ᱯᱟᱨᱟᱵᱽ ᱯᱩᱱᱟ.ᱭ ᱚᱠᱛᱚ ᱟᱡᱟᱜ
ᱚᱠᱛᱚ ᱨᱮᱜᱮ ᱥᱮᱴᱮᱨ ᱮᱱᱟ,
ᱠᱩᱱᱟ.ᱢᱤ ᱥᱚᱦᱨᱟᱭ ᱥᱟᱶᱛᱮ
ᱞᱩᱜᱩᱵᱟᱵᱟ ᱦᱤᱨᱤ ᱦᱚᱸ ᱫᱤᱱ ᱠᱟᱱᱟ ᱾
ᱟᱹᱛᱩ ᱫᱤᱥᱚᱢ ᱥᱚᱦᱨᱟᱭ ᱯᱟᱨᱟᱵᱽ
ᱠᱟᱛᱷᱟ ᱦᱚᱸ ᱪᱮᱫ ᱵᱚᱱ ᱢᱮᱱᱟ,
ᱜᱟ.ᱭ ᱠᱟᱰᱟ ᱯᱟᱨᱟᱵᱽ ᱢᱮᱱᱛᱮ ᱵᱚᱱ ᱢᱮᱱᱟ
ᱤᱠᱷᱟ.ᱱ ᱜᱚᱲᱟ ᱠᱷᱟᱹᱞᱤᱭᱮᱱᱟ ᱾
ᱡᱩᱜᱽ ᱥᱟᱶᱛᱮ ᱟᱵᱚ ᱦᱚᱸ ᱩᱥᱟ.ᱨᱟ
ᱠᱟᱹᱢᱤ ᱵᱚ ᱠᱷᱚᱡᱽ ᱮᱱᱟ,
ᱜᱟ.ᱰᱤ ᱛᱮᱵᱚᱱ ᱥᱤᱭᱩᱜ ᱥᱟᱜᱟᱲ
ᱢᱟᱫᱮᱨᱮ ᱜᱩᱨᱤᱡ ᱠᱷᱚᱛ ᱵᱟᱹᱱᱩᱜ ᱟᱱᱟ ᱾
ᱥᱤᱨᱟ. ᱜᱟ.ᱭ ᱵᱟᱝᱛᱮ ᱨᱟᱪᱟᱨᱮ
ᱫᱷᱟᱶᱟ ᱯᱮᱴᱮᱨ ᱨᱮᱜᱮ ᱛᱟᱦᱮᱸᱭᱮᱱᱟ,
ᱰᱷᱟ.ᱞᱟᱹᱭ ᱪᱷᱟᱴᱠᱟ ᱨᱮ ᱜᱟ.ᱭ ᱠᱟᱰᱟ
ᱠᱷᱮᱞᱚᱸᱰ ᱦᱚᱸ ᱢᱟᱨᱦᱚᱜᱽ ᱮᱱᱟ ᱾
ᱠᱩᱞᱦᱤ ᱫᱩᱣᱟᱹᱨ ᱠᱷᱚᱱᱟᱜ ᱜᱚᱲᱟ ᱫᱩᱣᱟᱹᱨ
ᱚᱞ ᱦᱚᱸ ᱞᱮᱜ ᱠᱟᱱᱟ,
ᱥᱤᱸᱜᱟ.ᱲ ᱵᱮᱲᱟ ᱜᱚᱲᱟ ᱨᱮ ᱜᱟ.ᱭ ᱠᱟᱰᱟ ᱵᱟᱝᱛᱮ ᱪᱩᱢᱟ.ᱲᱟ ᱵᱟᱝ ᱦᱩᱭᱩᱜ ᱠᱟᱱᱟ ᱾
ᱱᱮᱰᱟ ᱜᱚᱸᱰᱟ ᱠᱟᱛᱮ ᱜᱚᱰᱟ ᱨᱮᱠᱚ
ᱛᱚᱞᱮᱫ ᱠᱚ ᱱᱮᱛᱟᱨ ᱧᱮᱞᱚᱜ ᱠᱟᱱᱟ,
ᱩᱱᱠᱩ ᱪᱩᱢᱟ.ᱣᱲᱟ ᱞᱟᱹᱜᱤᱫ ᱛᱮ ᱫᱤᱥᱚᱢᱨᱮ
ᱜᱤᱨᱟ. ᱠᱚ ᱟᱲᱟᱜᱮᱫ ᱠᱟᱱᱟ ᱾
ᱱᱚᱛᱮ ᱞᱩᱜᱩᱵᱩᱨᱩ ᱥᱤᱛᱟ.ᱱᱟᱞᱟ ᱧᱮᱞᱛᱮ
ᱵᱩᱡᱷᱟᱹᱣᱜ ᱵᱷᱟᱵᱽᱱᱟ,
ᱠᱩᱲᱤ ᱠᱚᱲᱟ ᱥᱟᱵᱚᱱ ᱥᱟᱢᱯᱩ
ᱟᱛᱮ ᱠᱚ ᱛᱩᱯᱩᱱ ᱠᱟᱱᱟ ᱾
ᱦᱤᱲᱤᱧ ᱮᱫᱟ ᱠᱚ ᱛᱤᱱᱟᱹᱜ ᱨᱮᱦᱮᱫ ᱥᱮᱸᱫᱮᱫ
ᱜᱟᱥᱟᱣ ᱩᱨᱩᱫ ᱟᱬᱜᱚᱱ ᱠᱟᱱᱟ,
ᱨᱟᱱ ᱢᱮᱱᱛᱮ ᱦᱟᱲᱟᱢ ᱵᱟᱵᱟ,
ᱟᱭᱳ ᱞᱟᱹᱜᱤᱫ ᱚᱠᱚᱭ ᱫᱚᱭ ᱵᱷᱩᱨᱟ.ᱜ ᱛᱟᱨᱟ ᱡᱚᱝ ᱠᱟᱱᱟ ᱾
ᱫᱚᱨᱵᱟᱨ ᱪᱟ.ᱴᱟ.ᱱᱤ ᱠᱟᱛᱷᱟ
ᱱᱤᱛᱚᱜ ᱛᱤᱱᱟᱹᱜ ᱵᱚᱱ ᱩᱭᱦᱟᱹᱨᱮᱫ ᱠᱟᱱᱟ,
ᱫᱮᱵᱽᱜᱩᱱ ᱠᱚ ᱥᱟᱞᱟᱜ ᱵᱤᱪᱟᱹᱨ ᱟᱪᱟᱨ ᱠᱟᱛᱮ
ᱥᱟᱶᱛᱟ ᱨᱟᱭᱨᱤᱛ ᱛᱚᱞ ᱞᱮᱱᱟ ᱾
ᱵᱟ.ᱭ ᱵᱟ.ᱭ ᱛᱮ ᱯᱟᱪᱷᱮ ᱚᱱᱟ ᱠᱚ
ᱦᱤᱨᱤᱡ ᱯᱟᱹᱥᱤᱨᱚᱜ ᱠᱟᱱᱟ,
ᱫᱤᱥᱚᱢ ᱡᱟ.ᱱᱤ ᱨᱟᱭᱨᱤᱛ ᱢᱟ
ᱵᱷᱤᱱᱟᱹ ᱟ.ᱭᱠᱟ.ᱣᱜ ᱠᱟᱱᱟ ᱾
ᱩᱰᱟ.ᱣᱜ ᱥᱟᱫᱚᱢ ᱢᱚᱱᱮ…………᱾
ᱟᱯᱱᱟᱨ ᱛᱮ ᱥᱟᱸᱵᱽᱲᱟᱣ ᱛᱟᱦᱮᱱ ᱛᱟᱲᱟᱢ ᱮᱱᱟᱝ ᱵᱟᱧᱪᱟᱣᱜ ᱫᱚᱢ ᱜᱟᱱᱟ,
ᱵᱟᱝ ᱠᱷᱟᱱ ᱞᱤᱞ ᱥᱮᱨᱢᱟ ᱫᱚᱨᱭᱟ ᱨᱮᱦᱚᱸ
ᱥᱮᱸᱜᱮᱞ ᱞᱟᱜᱟᱣᱜ ᱠᱟᱱᱟ ᱾
ᱢᱚᱪᱟ ᱨᱮ ᱥᱤᱵᱤᱞ ᱦᱮᱲᱮᱢ ᱡᱤᱣᱤ ᱨᱮ
ᱥᱤᱠᱲᱤ ᱦᱚᱸ ᱧᱮᱞᱚᱜ ᱠᱟᱱᱟ,
ᱩᱠᱩ ᱫᱷᱚᱱ ᱜᱮᱞᱮᱡᱽ ᱞᱮᱠᱟ
ᱡᱤᱣᱤ ᱜᱟᱹᱦᱤᱸᱨ ᱠᱟᱛᱷᱟ ᱥᱩᱜ ᱚᱰᱚᱠ ᱠᱚ ᱜᱟᱱᱟ ᱾
ᱢᱚᱱᱮ ᱟᱹᱣᱲᱤ ᱟᱞᱚᱨᱮᱢ ᱜᱩᱨᱞᱟ.ᱣᱜ
ᱚᱱᱛᱚᱨᱟᱜ ᱟᱸᱡᱚᱢ ᱢᱮ ᱢᱟᱱᱟ,
ᱫᱷᱩᱲᱤ ᱫᱷᱟᱹᱨᱛᱤ ᱱᱤᱛ ᱫᱷᱩᱸᱫᱽ ᱮᱱ
ᱵᱷᱤᱲᱮᱱ ᱵᱷᱤᱞᱠᱤ ᱵᱟᱹᱲᱛᱤ ᱮᱱᱟ ᱾
ᱫᱩᱞᱟ.ᱲ ᱛᱟᱞᱟ ᱠᱷᱚᱱ ᱫᱷᱩᱸᱜᱤᱭᱟ. ᱨᱟᱠᱟᱵ-ᱟ
ᱚᱠᱚᱭ ᱮᱢ ᱵᱟᱹᱲᱤᱡ ᱮ ᱵᱟᱠᱷᱟᱱ,
ᱯᱟᱹᱛᱭᱟᱹᱣ ᱛᱮᱜᱮ ᱥᱚᱝᱥᱟᱨ ᱪᱟᱞᱟᱜ
ᱤᱠᱷᱟᱹᱱ ᱟ.ᱰᱤ ᱫᱚ ᱵᱟᱹᱲᱤᱡᱚᱜ ᱠᱟᱱᱟ ᱾
ᱩᱰᱟᱹᱣᱜ ᱥᱟᱫᱚᱢ ᱢᱚᱱᱮ……᱾
***
