ᱫᱮ ᱫᱮᱞᱟ ᱵᱚ ᱠᱟ.ᱢᱤ ᱵᱚᱭᱦᱟ ᱢᱤᱥᱤ ᱠᱚ
ᱫᱮ ᱫᱮᱞᱟ ᱵᱚ ᱠᱟ.ᱢᱤ ᱵᱚᱭᱦᱟ ᱵᱩᱦᱤᱱ ᱠᱚ ᱾
ᱠᱟ.ᱢᱤ ᱟᱵᱚᱱ ᱢᱩᱡ ᱵᱷᱩᱠᱩ ᱞᱮᱠᱟ ᱠᱩᱨᱩᱢᱩᱴᱩ
ᱪᱷᱩᱴᱟᱣᱜ ᱟᱵᱚᱱ ᱩᱨᱩ ᱞᱮᱠᱟ ᱟ.ᱴᱩᱯᱟ.ᱴᱩ ᱾
ᱵᱮᱱᱟᱣ ᱟᱵᱚᱱ ᱵᱩᱱᱩᱢ ᱵᱷᱩᱠᱩ ᱞᱮᱠᱟ
ᱪᱩᱲᱪᱩᱲᱟᱹ ᱯᱟᱠᱟ ᱫᱚᱞᱟᱱ ᱾
ᱚᱰᱚᱠᱚᱜ ᱟᱵᱚ ᱵᱩᱱᱩᱢ ᱩᱯᱤ ᱞᱮᱠᱟ
ᱵᱩᱨᱩᱫ ᱵᱩᱨᱩᱫ ᱾
ᱨᱮᱞᱟᱣᱜ ᱟᱵᱚ ᱥᱩᱱᱩᱢ ᱢᱩᱡ ᱞᱮᱠᱟ
ᱫᱚᱢᱮᱞ ᱫᱚᱢᱮᱞ ᱾
ᱠᱟ.ᱢᱤᱟᱵᱚᱱ ᱩᱨᱩ ᱥᱩᱨᱩ
ᱪᱷᱩᱴᱟᱹᱣᱜ ᱟᱵᱚ ᱠᱟᱨᱟ ᱠᱩᱨᱩ ᱾
ᱛᱟᱦᱮᱸᱱ ᱟᱵᱚ ᱡᱩᱢᱤᱫᱽ ᱧᱮᱞᱮ ᱛᱮᱨᱚᱢ ᱞᱮᱠᱟ
ᱠᱟ.ᱢᱤ ᱟᱵᱚ ᱡᱩᱢᱤᱫᱽ ᱢᱩᱡ ᱵᱷᱩᱠᱩ ᱞᱮᱠᱟ ᱾
ᱵᱟᱵᱚ ᱱᱮᱭᱟᱣ ᱠᱷᱟ.ᱯᱟᱹᱨᱤᱜ ᱥᱮᱛᱟ ᱞᱮᱠᱟ
ᱡᱩᱢᱤᱫᱽ ᱵᱚ ᱛᱟᱦᱮᱸᱱ ᱞᱩᱛᱤ ᱛᱮᱨᱚᱢ ᱞᱮᱠᱟ ᱾
ᱢᱤᱫ ᱦᱚᱲ ᱠᱟ.ᱢᱤᱭ ᱮᱦᱚᱵᱽ ᱨᱮ
ᱥᱟᱱᱟᱢ ᱠᱚᱜᱮ ᱵᱚ ᱫᱟ.ᱲ ᱥᱩᱨᱩᱜ ᱜᱮ
ᱵᱟᱵᱚ ᱠᱚᱭᱚᱜ ᱠᱟᱭᱟ ᱠᱚᱠᱚᱨ ᱞᱮᱠᱟ
ᱫᱟ.ᱲ ᱥᱩᱨᱩᱜ ᱟᱵᱚ ᱧᱮᱞᱮ ᱞᱮᱠᱟ
ᱥᱟᱱᱟᱢ ᱠᱚᱛᱮ ᱵᱚ ᱠᱟ.ᱢᱤ ᱦᱚᱫᱟ
ᱞᱚᱜᱚᱱ ᱜᱮᱵᱚ ᱠᱟ.ᱢᱤ ᱯᱩᱨᱟ.ᱣ ᱜᱚᱫᱟ ᱾
ᱛᱮᱦᱮᱧ ᱟᱜ ᱠᱟ.ᱢᱤ ᱫᱚ ᱛᱮᱦᱮᱧ ᱜᱮ
ᱜᱟᱯᱟ ᱟᱜ ᱠᱟ.ᱢᱤ ᱫᱚ ᱜᱟᱯᱟ ᱜᱮ
ᱵᱟᱵᱚ ᱫᱚᱦᱚᱭᱟ ᱡᱟᱣᱟ ᱢᱟᱛᱠᱚᱢ ᱞᱮᱠᱟ
ᱵᱟᱵᱚ ᱫᱚᱦᱚᱭᱟ ᱡᱟᱣᱟ ᱦᱟᱺᱰᱤ ᱞᱮᱠᱟ
ᱛᱮᱦᱮᱧ ᱟᱜ ᱠᱟ.ᱢᱤ ᱛᱮᱦᱮᱧ ᱜᱮᱵᱚ ᱥᱟ.ᱛ-ᱟ ᱾
ᱚᱱᱟ ᱛᱮ ᱫᱮᱞᱟ ᱡᱩᱢᱤᱫᱽ ᱵᱚ ᱛᱟᱦᱮᱸᱱ
ᱵᱚᱭᱦᱟ ᱵᱩᱦᱤᱱ ᱠᱚ
ᱵᱟᱵᱚ ᱦᱤᱥᱤᱯᱟ.ᱦᱟ ᱜᱚᱲᱚ ᱜᱚᱯᱚᱲᱚ ᱵᱚ ᱠᱟ.ᱢᱤᱭᱟ ᱾
ᱪᱷᱩᱴᱟ.ᱣ ᱨᱮᱵᱚ ᱛᱟᱦᱮᱸᱱᱟ ᱢᱩᱡ ᱵᱷᱩᱠᱩ ᱞᱮᱠᱟ
ᱵᱟᱵᱚ ᱪᱟᱵᱟᱭ ᱵᱷᱩᱨ ᱫᱚ ᱵᱟᱵᱚ ᱡᱤᱨᱟ.ᱣᱜ-ᱟ
ᱛᱟᱭᱚᱢ ᱨᱮ ᱦᱟ.ᱯᱤ ᱛᱷᱤᱨ ᱵᱟᱵᱚ ᱛᱟᱦᱮᱸᱱᱟ ᱾
***
