ᱥᱮᱛᱟᱜ ᱠᱷᱚᱱᱟᱜ ᱟᱹᱭᱩᱵ ᱦᱟᱹᱵᱤᱡ
ᱱᱮᱦᱚᱨᱚᱜ ᱟᱹᱧ ᱟᱹᱵᱮᱱ ᱞᱟᱹᱜᱤᱫ ᱾
ᱥᱩᱠ ᱱᱤᱨᱟᱹᱭ ᱛᱤᱧ ᱫᱚᱦᱚ ᱵᱮᱱ ᱢᱟ
ᱪᱟᱸᱫᱳ ᱴᱷᱮᱱ ᱱᱤᱭᱟᱹ ᱜᱤᱧ ᱠᱷᱚᱡᱽ ᱤᱧ ᱢᱟ ᱾
ᱟᱹᱵᱮᱱ ᱛᱟᱞᱟ ᱯᱟᱨᱚᱢ ᱟᱠᱟᱱ ᱛᱤᱱᱟᱹᱜ
ᱦᱚᱭᱼᱦᱤᱸᱥᱤᱫ ᱡᱟᱨᱜᱮ ᱡᱟᱹᱯᱩᱫ ᱞᱚᱞᱚ ᱥᱤᱛᱩᱝ ᱾
ᱥᱟᱱᱟᱢ ᱟᱜ ᱜᱮ ᱥᱟᱦᱟᱣ ᱠᱟᱛᱮᱫ
ᱞᱟᱦᱟ ᱟᱠᱟᱱ ᱟᱵᱮᱱ ᱢᱤᱫ ᱠᱟᱛᱮᱫ ᱾
ᱟᱹᱵᱮᱱ ᱟᱜ ᱢᱚᱱᱮ ᱨᱮᱱᱟᱜ ᱡᱳᱨᱛᱮ
ᱦᱚᱲᱢᱚ ᱨᱮᱱᱟᱜ ᱫᱟᱲᱮᱛᱮ ᱾
ᱠᱷᱟᱴᱟᱣ ᱠᱟᱛᱮᱫ ᱵᱮᱱ ᱦᱟᱨᱟ ᱠᱮᱫ ᱞᱮ
ᱢᱟᱨᱥᱟᱞ ᱰᱟᱦᱟᱨ ᱛᱮᱵᱮᱱ ᱟᱹᱭᱩᱨ ᱠᱮᱫ ᱞᱮ ᱾
ᱟᱹᱵᱮᱱ ᱞᱮᱠᱟ ᱢᱩᱨᱩᱠᱷ ᱟᱞᱚᱞᱮ ᱦᱩᱭᱩᱜ,
ᱚᱱᱟᱛᱮ ᱱᱟᱯᱟᱭ ᱰᱟᱦᱟᱨ ᱵᱮᱱ ᱩᱫᱩᱜᱽ ᱾
ᱟᱹᱵᱤᱱ ᱞᱮᱠᱟᱱ ᱟᱭᱳᱼᱵᱟᱵᱟ
ᱥᱟᱱᱟᱢ ᱠᱚᱨᱮᱱ ᱠᱚ ᱦᱩᱭᱩᱜ ᱾
ᱫᱷᱟᱹᱨᱛᱤ ᱨᱮ ᱵᱟᱧᱪᱟᱣ ᱞᱟᱹᱜᱤᱫ
ᱥᱮᱪᱮᱫ ᱫᱳ ᱱᱤᱦᱟᱹᱛ ᱞᱟᱹᱠᱛᱤ ᱾
ᱱᱚᱶᱟ ᱠᱟᱛᱷᱟ ᱠᱳ ᱩᱭᱦᱟᱹᱨ ᱠᱟᱛᱮᱫ
ᱞᱟᱦᱟ ᱠᱟᱫ ᱞᱮᱭᱟᱵᱮᱱ ᱥᱮᱪᱮᱫ ᱥᱮᱫ ᱾
ᱟᱹᱵᱤᱱᱟᱜ ᱱᱟᱯᱟᱭ ᱩᱭᱦᱟᱹᱨ ᱛᱮ
ᱟᱞᱮ ᱦᱚᱸᱞᱮ ᱛᱟᱲᱟᱢ ᱠᱮᱫ ᱢᱤᱫ ᱢᱤᱫ ᱛᱮ ᱾
ᱵᱟᱝ ᱞᱮ ᱠᱚᱭᱚᱜᱽ ᱛᱟᱭᱚᱢ ᱥᱮᱫ
ᱢᱚᱦᱰᱟᱜ ᱟᱞᱮ ᱢᱟᱲᱟᱝ ᱥᱮᱫ ᱾
ᱟᱞᱮ ᱞᱟᱹᱜᱤᱫ ᱟᱹᱵᱮᱱᱟᱜ ᱱᱟᱯᱟᱭ ᱩᱭᱦᱟᱹᱨ
ᱫᱤᱥᱟᱹ ᱫᱚᱦᱚᱭᱟᱹᱧ ᱡᱤᱭᱚᱱ ᱵᱷᱳᱨ ᱾
ᱥᱩᱠ ᱱᱤᱨᱟᱹᱭ ᱛᱤᱧ ᱫᱚᱦᱚ ᱵᱮᱱ ᱢᱟ
ᱱᱚᱶᱟ ᱜᱮ ᱤᱧᱟᱜ ᱱᱮᱦᱚᱨ ᱛᱤᱧ ᱢᱟ ᱾
***
