ᱤᱧ ᱟᱭᱳ ᱨᱤᱱ ᱟᱭᱳ ᱵᱟᱵᱟ ᱫᱚ
ᱱᱤᱛ ᱦᱚᱸ ᱢᱮᱱᱟᱜ ᱠᱤᱱ ᱡᱤᱣᱤᱫ
ᱜᱷᱟᱨᱚᱸᱡᱽ ᱨᱮᱱᱟᱜ ᱜᱚᱢᱦᱮᱲ ᱩᱢᱩᱞ ᱞᱟᱹᱜᱤᱫ
ᱰᱟᱹᱨ ᱫᱚ ᱠᱤᱱ ᱞᱤᱣᱤᱫᱽ ᱿
ᱩᱢᱩᱞ ᱟᱠᱟᱱ ᱠᱚ ᱦᱚᱱ ᱦᱚᱯᱚᱱ
ᱩᱢᱩᱞ ᱟᱠᱟᱱ ᱞᱮ ᱡᱟᱭᱠᱚᱨᱟᱲ
ᱦᱟᱢᱟᱞ ᱨᱟᱣᱟᱞ ᱛᱟᱨᱮᱱ ᱨᱮᱢᱟ
ᱜᱚᱜ ᱟᱠᱟᱣᱟᱱ ᱠᱤᱱ ᱢᱟᱨᱟᱬ ᱿
ᱜᱷᱟᱨᱚᱸᱡᱽ ᱨᱮᱱᱟᱜ ᱥᱟᱜᱟᱲ ᱜᱟᱹᱰᱤ ᱨᱮ
ᱡᱚᱲᱟᱣ ᱟᱠᱟᱱ ᱠᱤᱱ ᱡᱚᱲ ᱛᱮ
ᱟᱹᱰᱤ ᱥᱩᱜᱩᱲ ᱟᱹᱰᱤ ᱨᱟᱣᱟᱞ
ᱛᱟᱲᱟᱢ ᱟᱠᱟᱫ ᱠᱤᱱ ᱥᱟᱶᱛᱮ ᱿
ᱡᱤᱭᱳᱱ ᱨᱮᱱᱟᱜ ᱛᱟᱲᱟᱢ ᱛᱟᱹᱠᱤᱱ
ᱟᱹᱰᱤ ᱫᱚ ᱵᱟᱭ ᱟᱞᱜᱟ
ᱨᱮᱸᱜᱮᱡ ᱛᱮᱛᱟᱝ ᱫᱩᱠ ᱦᱟᱱᱟᱝ
ᱡᱤᱣᱤ ᱨᱮ ᱥᱮᱸᱜᱮᱞ ᱥᱟᱞᱜᱟᱜ ᱿
ᱡᱚᱲᱟᱣ ᱡᱚᱛᱮ ᱵᱟᱝ ᱜᱮ ᱢᱚᱥᱨᱟ ᱞᱮᱱ
ᱜᱷᱟᱨᱚᱸᱡᱽ ᱱᱤᱜᱷᱟᱹ ᱵᱟᱝ ᱜᱮ ᱠᱷᱤᱭᱟᱹᱣ ᱞᱮᱱ
ᱦᱳᱲᱳ ᱵᱟᱺᱫᱤ ᱟᱲᱟᱥ ᱞᱮᱠᱟ
ᱵᱮᱫᱷᱟᱣ ᱩᱨᱤᱡ ᱞᱮᱱ ᱿
ᱤᱧ ᱟᱭᱳ ᱨᱤᱱ ᱟᱭᱳ ᱵᱟᱵᱟ ᱫᱚ
ᱱᱤᱛ ᱦᱚᱸ ᱢᱮᱱᱟᱜ ᱠᱤᱱ ᱡᱤᱣᱤᱫ
ᱥᱟᱸᱜᱮ ᱜᱷᱟᱨᱚᱸᱡᱽ ᱜᱚᱢᱦᱮᱲ ᱞᱟᱹᱜᱤᱫ
ᱰᱟᱹᱨ ᱫᱚ ᱠᱤᱱ ᱞᱤᱣᱤᱫᱽ ᱿
***
