ᱥᱮᱛᱟᱜ ᱥᱟᱶᱛᱮ ᱠᱚᱭᱮᱞ
ᱱᱟᱞᱚᱢ ᱠᱩᱦᱩ ᱫᱟᱨᱟᱢ,
ᱢᱚᱱᱮ ᱡᱤᱣᱤ ᱤᱧᱟᱜ
ᱟᱹᱦᱤᱞ ᱵᱤᱠᱚᱞᱚᱜ ᱾
ᱵᱟᱝ ᱫᱚ ᱜᱟᱛᱮ ᱡᱟᱞᱟ,
ᱵᱟᱝ ᱫᱚ ᱜᱟᱛᱮ ᱛᱩᱞᱩᱡ,
ᱵᱟᱲᱜᱮ ᱡᱷᱟᱲᱜᱮ
ᱟᱢ ᱫᱚ ᱠᱩᱦᱩ ᱠᱩᱦᱩ ᱾
ᱵᱷᱟᱵᱽ ᱛᱮᱪᱚ ᱵᱟᱝ ᱫᱚ,
ᱵᱷᱟᱵᱽᱱᱟ ᱛᱮ
ᱟᱞᱮ ᱵᱟᱲᱜᱮ ᱠᱚᱨᱮ
ᱠᱩᱦᱩ ᱠᱩᱦᱩ ᱾
ᱯᱷᱟᱹᱜᱩᱱ ᱵᱚᱸᱜᱟ ᱢᱟᱥᱮ ᱥᱮᱴᱮᱨ ᱮᱱ ᱫᱚ,
ᱫᱟᱨᱮ ᱥᱟᱠᱟᱢ ᱢᱟᱥᱮ ᱥᱟᱜᱮᱱ ᱮᱱ ᱫᱚ,
ᱥᱟᱜᱮᱱ ᱥᱟᱠᱟᱢ ᱰᱚᱜᱽ ᱨᱮ
ᱵᱟᱦᱟ ᱫᱚ ᱢᱚᱦᱮᱭᱮᱱ ᱾
ᱵᱤᱨ ᱵᱩᱨᱩ ᱫᱟᱨᱮ ᱱᱟᱹᱲᱤ ᱨᱮ,
ᱵᱟᱦᱟ ᱫᱚ ᱵᱷᱩᱥᱟᱹᱲ ᱮᱱ
ᱵᱟᱦᱟ ᱨᱮᱭᱟᱜ ᱥᱚᱸᱫᱷᱟᱲ ᱥᱚ ᱛᱮ,
ᱨᱤᱫᱟᱹᱭ ᱯᱮᱨᱮᱡ ᱨᱟᱹᱥᱠᱟᱹ ᱥᱟᱨᱥᱟᱣᱮᱱ ᱾
ᱥᱤᱨᱡᱚᱱ ᱨᱮᱭᱟᱜ ᱱᱟᱣᱟ ᱥᱟᱡᱽ ᱛᱮ,
ᱫᱷᱟᱹᱨᱛᱤ ᱡᱟᱠᱟᱛ ᱨᱩᱯ ᱫᱚ ᱵᱚᱫᱚᱞᱮᱱ,
ᱠᱩᱦᱩ ᱠᱩᱦᱩ ᱠᱩᱭᱞᱤ ᱨᱟᱦᱟ ᱛᱮ,
ᱫᱷᱟᱹᱨᱛᱤ ᱜᱚᱴᱟ ᱢᱟᱥᱮ ᱟᱸᱫᱚᱲᱮᱱ ᱾
***
