ᱢᱟᱜᱽ ᱵᱚᱸᱜᱟ ᱯᱟᱨᱚᱢᱮᱱ
ᱢᱟᱨᱮ ᱥᱟᱠᱟᱢ ᱧᱩᱨᱮᱱ,
ᱯᱷᱟᱹᱜᱩᱱ ᱵᱚᱸᱜᱟ ᱵᱚᱞᱚᱭᱮᱱ
ᱰᱟᱹᱨ ᱯᱮᱨᱮᱡ ᱫᱟᱞᱟᱭ ᱫᱟᱞᱟᱭ ᱵᱟᱦᱟᱭᱮᱱ ᱾
ᱥᱟᱱᱟᱢ ᱠᱚᱜᱮ ᱵᱟᱦᱟ ᱵᱚᱸᱜᱟ ᱨᱮ
ᱵᱚᱸᱜᱟ ᱵᱳᱨᱳ ᱥᱮᱨᱮᱧ ᱵᱚᱱ ᱚᱲᱦᱮᱸ,
ᱨᱟᱹᱥᱠᱟᱹ ᱛᱮ ᱵᱚᱸᱜᱟ
ᱟᱵᱚ ᱛᱟᱞᱟ ᱨᱮᱠᱚ ᱚᱯᱮᱞᱚᱜ ᱾
ᱥᱟᱨᱡᱚᱢ ᱵᱟᱦᱟ ᱫᱳᱸᱜᱳᱭ ᱫᱳᱸᱜᱳᱭ
ᱢᱟᱛᱠᱚᱢ ᱵᱟᱦᱟ ᱯᱳᱨᱳᱭ ᱯᱳᱨᱳᱭ,
ᱢᱩᱨᱩᱫ ᱵᱟᱦᱟ ᱡᱮᱸᱜᱮᱫ ᱡᱮᱸᱜᱮᱫ
ᱤᱪᱟᱹᱜ ᱵᱟᱦᱟ ᱯᱳᱨᱳᱭ ᱯᱳᱨᱳᱭ ᱾
ᱵᱚᱸᱜᱟ ᱵᱳᱨᱳ ᱫᱮᱵᱟ ᱼ ᱥᱮᱵᱟ
ᱱᱚᱣᱟ ᱜᱮᱛᱚ ᱥᱳᱯᱨᱳᱛ ᱵᱟᱦᱟ,
ᱵᱚᱸᱜᱟ ᱵᱳᱨᱳ ᱫᱮᱵᱚᱱ ᱯᱮᱨᱮᱡ ᱯᱩᱨᱩᱱ ᱠᱚ
ᱛᱚᱵᱮ ᱮᱱᱟᱝ ᱥᱩᱞᱩᱠ ᱱᱤᱨᱟᱹᱭ ᱨᱮᱵᱚ ᱛᱟᱦᱮᱸᱱ ᱾
ᱵᱚᱸᱜᱟ ᱵᱳᱨᱳ ᱦᱤᱲᱤᱧ ᱠᱟᱛᱮ
ᱛᱤᱥ ᱦᱚᱸ ᱵᱟᱵᱚᱱ ᱛᱟᱦᱮᱱ,
ᱵᱚᱸᱜᱟ ᱵᱳᱨᱳ ᱫᱮᱵᱟᱼᱥᱮᱵᱟ
ᱥᱟᱱᱟᱢ ᱠᱟᱹᱢᱤ ᱜᱮᱪᱚ ᱥᱟᱹᱜᱩᱱ ᱾
***
