ᱛᱤᱱᱟᱹᱜ ᱞᱚᱜᱚᱱ
ᱚᱠᱛᱚ ᱯᱚᱞᱚᱢᱚᱜ ᱠᱟᱱᱟ,
ᱚᱠᱛᱚ ᱥᱟᱶ ᱥᱟᱶ
ᱢᱟᱹᱱᱢᱤ ᱦᱚᱸ ᱵᱚᱱ ᱵᱚᱫᱚᱞᱚᱜ ᱠᱟᱱᱟ ᱾
ᱥᱢᱟᱨᱴ ᱯᱷᱚᱱ ᱨᱮᱱᱟᱜ ᱡᱩᱜᱽ ᱨᱮ
ᱤᱱᱟᱹ ᱠᱚᱛᱮ ᱜᱮ ᱵᱚᱱ,
ᱨᱚᱲ ᱨᱚᱯᱚᱲ ᱠᱟᱱᱟ ᱾
ᱯᱷᱮᱥᱵᱩᱠ, ᱭᱩᱴᱤᱣᱩᱵᱽ
ᱣᱟᱴᱥᱟᱯ, ᱤᱱᱥᱴᱟᱜᱽᱨᱟᱢ,
ᱢᱟᱹᱱᱢᱤ ᱡᱤᱭᱚᱱ ᱥᱟᱶᱛᱮ
ᱢᱮᱥᱟ ᱥᱟᱞᱟᱜ ᱠᱟᱱᱟ ᱾
ᱜᱚᱴᱟ ᱡᱮᱜᱮᱛ ᱨᱮᱱᱟᱜ
ᱥᱟᱱᱟᱢ ᱠᱷᱚᱵᱚᱨ ᱠᱚ,
ᱚᱲᱟᱜ ᱨᱮ ᱫᱩᱲᱩᱵ ᱠᱟᱛᱮ
ᱥᱚᱸᱜᱮ ᱵᱚᱱ ᱧᱟᱢ ᱮᱫ ᱠᱟᱱᱟ ᱾
ᱚᱠᱛᱚ ᱥᱟᱶ ᱥᱟᱶ
ᱛᱤᱱᱟᱹᱜ ᱠᱤᱪᱷᱩ
ᱵᱚᱫᱚᱞᱚᱜ ᱠᱟᱱᱟ ᱾
ᱢᱟᱹᱱᱢᱤ ᱪᱮᱛᱟᱱ ᱢᱟᱹᱱᱢᱤᱭᱟᱜ
ᱯᱟᱹᱛᱭᱟᱹᱣ ᱪᱟᱵᱟᱜ ᱠᱟᱱ ᱠᱷᱟᱹᱛᱤᱨ,
ᱱᱟᱥᱮ ᱠᱟᱛᱷᱟ ᱛᱮᱜᱮ ᱠᱚ
ᱱᱮᱭᱟᱣ ᱛᱟᱯᱟᱢᱚᱜ ᱠᱟᱱᱟ ᱾
ᱦᱤᱥᱟᱹ ᱥᱩᱭᱟᱹ
ᱫᱤᱱ ᱫᱤᱱᱟᱹᱢ ᱵᱟᱹᱲᱛᱤᱜ ᱠᱟᱱᱟ,
ᱡᱟᱦᱟᱸ ᱠᱷᱟᱹᱛᱤᱨ ᱫᱩᱞᱟᱹᱲ ᱥᱟᱹᱜᱟᱹᱭ
ᱞᱚᱜᱚᱱ ᱜᱮ ᱛᱚᱯᱟᱜᱚᱜ ᱠᱟᱱᱟ ᱾
ᱥᱟᱹᱨᱤ ᱜᱮ ᱚᱠᱛᱚ ᱫᱚ
ᱵᱚᱫᱚᱞᱚᱜ ᱠᱟᱱᱟ,
ᱡᱟᱣ ᱞᱮᱠᱟ ᱚᱠᱛᱚ ᱱᱮᱛᱟᱨ ᱫᱚ
ᱵᱟᱭ ᱧᱮᱞᱚᱜ ᱠᱟᱱᱟ ᱾
ᱢᱤᱫ ᱜᱷᱟᱹᱲᱤᱠ ᱚᱠᱛᱚ
ᱚᱰᱚᱠ ᱦᱚᱸ ᱯᱟᱞᱮᱱ,
ᱩᱭᱦᱟᱹᱨ ᱦᱩᱭᱩᱜᱼᱟ
ᱵᱟᱹᱭ ᱵᱟᱹᱭ ᱛᱮ ᱚᱠᱛᱚ ᱨᱮᱱᱟᱜ
ᱜᱚᱱᱚᱝ ᱦᱚᱸ ᱵᱟᱹᱲᱛᱤᱜ ᱠᱟᱱᱟ ᱾
ᱚᱠᱛᱚ ᱥᱟᱶ ᱢᱟᱹᱱᱢᱤ ᱦᱚᱸ ᱵᱚᱱ
ᱵᱚᱫᱚᱞᱚᱜ ᱠᱟᱱᱟ ᱾
***
