ᱫᱩᱣᱟᱹᱨ ᱪᱷᱟᱴᱠᱟ ᱡᱚᱜ ᱡᱚᱜ ᱛᱮ,
ᱵᱷᱤᱛ ᱯᱤᱸᱰᱟᱹ ᱡᱮᱨᱮᱲ ᱟᱛᱮ ᱾
ᱚᱱᱛᱚᱨ ᱢᱚᱱᱮ ᱠᱷᱚᱱ,
ᱩᱭᱦᱟᱨᱹᱨ ᱥᱮᱴᱮᱨ ᱮᱱᱟᱭ ᱥᱮᱫᱟᱭ ᱢᱟᱨᱮ ᱜᱟᱛᱮ ᱿
ᱢᱮᱫ ᱫᱟᱜ ᱢᱟ ᱡᱚᱨᱚ ᱮᱱᱟ,
ᱢᱚᱱᱮ ᱫᱚ ᱟᱹᱠᱩᱴᱻᱯᱟᱹᱠᱩᱴ ᱮᱱᱟ ᱾
ᱵᱟᱝ ᱫᱚ ᱩᱭᱦᱟᱹᱨ ᱵᱟᱝ ᱫᱩᱧ ᱦᱤᱲᱤᱧ
ᱢᱚᱱᱮ ᱢᱟ ᱦᱟᱞᱮᱻᱵᱟᱞᱮ ᱮᱱᱟ ᱿
ᱫᱟᱜ ᱞᱩ ᱤᱧ
ᱥᱮᱴᱮᱨ ᱮᱱᱟ ᱠᱩᱧ ᱵᱩᱴᱟᱹ ᱨᱮ ᱾
ᱡᱚᱡᱚ ᱦᱟᱞᱟᱝ ᱤᱧ ᱥᱮᱴᱮᱨ ᱮᱱᱟ
ᱡᱚᱡᱚ ᱵᱩᱴᱟᱹᱨᱮ ᱿
ᱠᱚᱭᱚᱜ ᱟᱹᱪᱩᱨ ᱠᱮᱫᱼᱟᱹᱧ
ᱦᱟᱹᱨᱤᱭᱟᱹᱲ ᱞᱟᱛᱟᱨ ᱛᱮ ᱠᱷᱚᱱ ᱾
ᱪᱮᱛᱟᱱ ᱞᱤᱞ ᱥᱮᱨᱢᱟ ᱫᱷᱟᱹᱵᱤᱡ ᱿
ᱥᱮᱫᱟᱭ ᱢᱟᱨᱮ ᱩᱭᱦᱟᱹᱨᱹ,
ᱥᱮᱫᱟᱭ ᱢᱟᱨᱮ ᱫᱩᱞᱟᱹᱲ ᱾
ᱟᱹᱰᱤ ᱡᱤᱭᱟᱹᱲ, ᱟᱹᱰᱤ ᱥᱚᱛ ᱥᱚᱨᱮᱥ ᱜᱮ
ᱡᱤᱭᱟᱹᱲ ᱜᱟᱵᱟᱱ ᱛᱟᱦᱮᱸ ᱞᱮᱱ ᱿
ᱚᱱᱛᱚᱨ ᱡᱤᱣᱤ ᱢᱚᱱᱮ ᱨᱮ
ᱵᱷᱮᱫᱟᱣ ᱛᱟᱦᱮᱸ ᱮᱱ ᱥᱮᱫᱟᱭ ᱢᱟᱨᱮ ᱜᱟᱛᱮ ᱾
ᱡᱤᱫ ᱡᱤᱣᱤ ᱡᱤᱵᱚᱱ ᱵᱷᱩᱨ ᱵᱟᱝ ᱦᱤᱲᱤᱧ ᱚᱜᱼᱟᱭ
ᱥᱮᱫᱟᱭ ᱥᱤᱵᱤᱞ ᱜᱟᱛᱮ,
ᱥᱮᱫᱟᱭ ᱢᱟᱨᱮ ᱜᱟᱛᱮ,
ᱥᱮᱫᱟᱭ ᱫᱩᱞᱟᱹᱲ ᱜᱟᱛᱮ ᱾
***
