ᱡᱟᱦᱟᱸ ᱡᱟᱭ ᱡᱤᱱᱤᱥ ᱡᱟᱦᱟᱸ ᱞᱮᱠᱟᱢ ᱥᱚᱫᱚᱨᱟ, ᱚᱱᱟ ᱡᱤᱱᱤᱥ ᱦᱚᱲ ᱚᱱᱠᱟ ᱠᱚ ᱧᱮᱞᱟ ᱾ ᱟᱢ ᱡᱩᱫᱤ ᱟᱢᱟᱜ ᱪᱤᱱᱦᱟᱹ ᱧᱟᱢ ᱥᱟᱱᱟᱢ ᱠᱟᱱᱟ, ᱟᱢᱟᱜ ᱩᱯᱨᱩᱢ ᱥᱚᱫᱚᱨ ᱥᱟᱱᱟᱢ ᱠᱟᱱᱟ, ᱟᱢ ᱫᱚ ᱟᱢᱟᱜ ᱠᱷᱟᱺᱴᱤ ᱩᱯᱨᱩᱢ ᱜᱮ ᱥᱚᱫᱚᱨ ᱛᱟᱢ ᱾
ᱫᱤᱱ ᱥᱟᱨᱟ ᱜᱮ ᱟᱵᱚ, ᱟᱞᱮ ᱢᱮᱱ ᱠᱷᱚᱱ ᱫᱚ ᱱᱤᱡᱚᱨᱟᱜ ᱥᱩᱢᱩᱝ ᱩᱯᱨᱩᱢ ᱦᱚᱸ ᱥᱚᱫᱚᱨ ᱞᱟᱹᱠᱛᱤ ᱾ ᱛᱚᱵᱮ ᱮᱱᱟᱝ ᱜᱮ ᱢᱤᱫ ᱦᱚᱲᱟᱜ ᱠᱷᱟᱺᱴᱤ, ᱫᱚᱲᱦᱚ ᱩᱯᱨᱩᱢ ᱫᱚ ᱛᱤᱸᱜᱩᱱᱟ ᱾
ᱡᱮᱞᱮᱠᱟ ᱢᱤᱫᱴᱟᱹᱝ ᱫᱟᱹᱭᱠᱟᱹ ᱵᱚ ᱧᱮᱞᱟ — “ᱟᱵᱚ ᱥᱟᱶᱛᱟ ᱨᱮ ᱥᱮᱫᱟᱭ ᱠᱟᱛᱷᱟ ᱢᱟ ᱥᱮᱫᱟᱭ ᱞᱮᱠᱟ, ᱤᱠᱷᱟᱹᱱ ᱱᱤᱛᱚᱜ ᱨᱤᱱ ᱡᱩᱣᱟᱹᱱ ᱠᱚᱦᱚᱸ ᱪᱤᱨᱜᱟᱹᱞ ᱫᱚ ᱩᱠᱩᱨ ᱠᱚ !!!
ᱡᱟᱦᱟᱸ ᱞᱮᱠᱟ ᱟᱵᱚᱣᱟᱜ ᱩᱯᱨᱩᱢ ᱫᱚ ᱵᱟᱹᱲᱛᱤ ᱟᱹᱫᱤᱵᱟᱹᱥᱤ ᱢᱮᱱ ᱠᱟᱛᱮ ᱠᱚ ᱥᱚᱫᱚᱨᱮᱫ-ᱟ, ᱵᱟᱰᱟᱭ ᱦᱚᱸ ᱞᱟᱹᱠᱛᱤ, ᱟᱹᱫᱤᱵᱟᱹᱥᱤ ᱫᱚ ᱟᱹᱰᱤ ᱜᱟᱱ ᱡᱟᱹᱛᱤ, ᱜᱟᱸᱛᱟᱠ ᱨᱮᱭᱟᱜ ᱢᱤᱫ ᱵᱷᱤᱲ ᱠᱟᱱᱟ ᱾ ᱟᱹᱫᱤᱵᱟᱹᱥᱤᱢ ᱞᱟᱹᱭᱩᱜ ᱠᱷᱟᱱ ᱚᱸᱰᱮ ᱟᱢᱟᱜ ᱠᱷᱟᱺᱴᱤ ᱩᱯᱨᱩᱢ ᱫᱚ ᱩᱠᱩᱱ ᱠᱟᱱ ᱜᱮᱭᱟ ᱾ ᱛᱤᱱᱟᱹᱝ ᱜᱟᱱ ᱴᱷᱟᱶ ᱨᱮ ᱟᱯᱱᱟᱨᱟᱜ ᱩᱯᱨᱩᱢ ᱟᱹᱫᱤᱵᱟᱹᱥᱤ ᱢᱮᱱᱛᱮ ᱢᱮᱱ ᱫᱚ ᱴᱷᱤᱠ ᱜᱮᱭᱟ ᱾ ᱤᱠᱷᱟᱹᱱ ᱜᱚᱴᱟᱯᱟᱲᱟ ᱫᱚ ᱵᱟᱝ ᱾ ᱟᱹᱰᱤ ᱵᱮᱲᱟ ᱨᱮ ᱱᱤᱡᱚᱨᱟᱜ ᱠᱷᱟᱺᱴᱤ ᱩᱯᱨᱩᱢ ᱥᱚᱫᱚᱨ ᱦᱩᱭᱩᱜ-ᱟ ᱾ ᱡᱟᱛᱮ ᱦᱚᱲ ᱟᱢ ᱩᱥᱟᱹᱨᱟ ᱠᱚ ᱩᱨᱩᱢ ᱠᱮᱢ ᱾”
***
