ᱢᱚᱱᱮ ᱢᱩᱠᱨᱩᱲ ᱠᱮᱴᱮᱡ ᱠᱟᱛᱮ
ᱪᱷᱩᱴᱟᱹᱣ ᱞᱮᱱ ᱠᱷᱟᱱᱮᱢ ᱱᱤᱼᱟᱹᱲᱤᱥ
ᱵᱟᱝ ᱜᱟᱱᱚᱜᱟᱜ ᱦᱚᱸ ᱜᱟᱱᱚᱜ ᱜᱮᱭᱟ
ᱯᱟᱹᱛᱭᱟᱹᱣ ᱫᱚᱦᱚᱭ ᱢᱮ ᱡᱤᱣᱤ ᱠᱮᱴᱮᱡ ᱠᱟᱛᱮ ᱾
ᱡᱩᱫᱤ ᱦᱩᱱᱟᱹᱝ ᱵᱟᱠᱚ ᱪᱷᱩᱴᱟᱹᱣ ᱞᱮᱱᱠᱦᱟᱱ
ᱥᱤᱫᱩ ᱠᱟᱹᱱᱦᱩ ᱪᱟᱸᱫᱽ ᱵᱷᱟᱭᱨᱚ ᱛᱤᱞᱠᱟᱹ ᱵᱤᱨᱥᱟᱹ
ᱵᱟᱵᱚᱱ ᱧᱟᱢ ᱠᱮ ᱚᱛ ᱦᱟᱥᱟᱨᱮ ᱟᱹᱭᱫᱟᱹᱨᱤ
ᱯᱚᱨᱟᱫᱷᱤᱱ ᱨᱮᱜᱮ ᱟᱵᱚ ᱫᱚ ᱱᱤᱛ ᱦᱚᱸ ᱦᱩᱱᱟᱹᱝ ᱾
ᱢᱚᱱᱮ ᱠᱮᱴᱮᱡ ᱠᱟᱛᱮ ᱡᱤᱣᱤ ᱟᱞᱟᱭ ᱟᱛᱮ
ᱞᱟᱹᱰᱷᱟᱹᱭ ᱞᱮᱱ ᱠᱚ ᱤᱱᱜᱽᱨᱮᱡᱽ ᱠᱚ ᱥᱟᱶᱛᱮ
ᱦᱚᱲ ᱦᱚᱯᱚᱱ ᱠᱚ ᱫᱩᱜᱚᱜ ᱞᱟᱹᱜᱤᱱ ᱛᱮ
ᱪᱷᱩᱴᱟᱹᱣ ᱞᱮᱱ ᱠᱚ ᱯᱟᱴᱷᱮ ᱠᱮᱴᱮᱡ ᱠᱟᱛᱮ ᱾
ᱡᱟᱹᱛᱤ ᱫᱦᱚᱨᱚᱢ ᱩᱯᱨᱩᱢ ᱫᱚᱦᱚᱭ ᱞᱟᱹᱜᱤᱫ
ᱮᱴᱟᱜ ᱦᱚᱲ ᱫᱚ ᱮᱱᱛᱮ ᱵᱟᱝ ᱠᱚ ᱦᱤᱡᱩᱜ
ᱵᱤᱪᱠᱚᱢ ᱯᱚᱥᱲᱟ ᱱᱤᱥᱲᱟᱹᱣ ᱢᱮᱭᱟ ᱠᱚ ᱟᱨ ᱦᱚᱸ
ᱢᱚᱪᱟ ᱠᱮᱣᱟ ᱩᱫᱩᱜ ᱤᱸᱜᱩᱞ ᱟᱢᱟ ᱠᱚ ᱵᱟᱨᱚ ᱵᱚᱨᱚᱱ ᱾
ᱵᱟᱵᱚᱱ ᱟᱹᱲᱤᱥᱟᱜ ᱡᱟᱹᱛᱤ ᱫᱦᱚᱨᱚᱢ ᱟᱹᱨᱤᱪᱟᱹᱞᱤ
ᱫᱩᱞᱟᱹᱲ ᱟᱵᱚᱱ ᱡᱟᱱᱟᱢ ᱯᱟᱹᱨᱥᱤ ᱨᱚᱲ ᱚᱞ ᱪᱤᱠᱤ
ᱢᱟᱨᱥᱟᱞ ᱫᱚᱦᱚᱭ ᱟᱵᱚᱱ ᱥᱤᱧ ᱪᱟᱸᱫᱚ ᱞᱮᱠᱟ
ᱡᱮᱨᱮᱫ ᱠᱟᱛᱮ ᱥᱮᱱᱮᱪᱮᱫ ᱢᱟᱨᱥᱟᱞ ᱵᱟᱹᱛᱤ ᱾
ᱯᱟᱹᱨᱥᱤ ᱥᱤᱧ ᱪᱟᱸᱫᱚ ᱯᱚᱸᱰᱮᱛ ᱨᱚᱷᱩᱱᱟᱛᱷ ᱢᱩᱨᱢᱩ
ᱱᱤᱼᱟᱹᱲᱤᱥ ᱪᱷᱩᱴᱟᱹᱣ ᱞᱮᱱᱟᱭ ᱚᱞ ᱪᱤᱠᱤ ᱵᱮᱱᱟᱣ
ᱡᱟᱱᱟᱢ ᱯᱟᱹᱨᱥᱤ ᱨᱚᱲ ᱚᱞ ᱪᱤᱠᱤ ᱠᱚ ᱩᱨᱩᱢ ᱠᱮᱫ
ᱴᱷᱟᱶ ᱮ ᱧᱟᱢ ᱠᱮᱫ ᱤᱨᱟᱹᱞ ᱫᱷᱟᱯ ᱨᱮ
ᱵᱷᱟᱨᱚᱛ ᱥᱚᱝᱵᱤᱫᱷᱟᱱ ᱛᱟᱞᱟ ᱨᱮ ᱾
ᱪᱷᱩᱴᱟᱹᱣ ᱞᱮᱱ ᱠᱷᱟᱱᱮᱢ ᱱᱤᱼᱟᱹᱲᱤᱥ
ᱠᱟᱹᱢᱤ ᱨᱮᱱᱟᱜ ᱠᱩᱲᱟᱹᱭ ᱫᱚ
ᱛᱮᱦᱮᱧ ᱵᱟᱝ ᱠᱷᱟᱱ ᱜᱟᱯᱟ
ᱪᱟᱸᱫᱚ ᱵᱚᱸᱜᱟᱭ ᱥᱟᱢᱟᱝ ᱟᱢ ᱜᱮᱭᱟ ᱾
***
