ᱫᱤᱱ ᱫᱚ ᱵᱚᱫᱚᱞᱚᱜ ᱠᱟᱱ,
ᱵᱟ.ᱭ ᱵᱟ.ᱭ ᱛᱮ ᱨᱤᱛᱩ ᱦᱚᱸ ᱵᱚᱫᱚᱞ ᱤᱫᱤᱜ ᱠᱟᱱ
ᱥᱮᱨᱢᱟ ᱥᱟᱶᱛᱮ ᱡᱩᱜᱽ ᱦᱚᱸ ᱵᱚᱫᱚᱞᱚᱜ ᱠᱟᱱ,
ᱡᱩᱜᱽ ᱥᱟᱶᱛᱮ ᱢᱟ.ᱱᱢᱤ ᱦᱚᱯᱚᱱᱟᱜ ᱩᱭᱦᱟ.ᱨ ᱵᱷᱟᱵᱽᱱᱟ
ᱨᱚᱲ ᱞᱟᱸᱫᱟ ᱟᱪᱟᱨ ᱵᱮᱵᱷᱟᱨ ᱟ.ᱨᱤ ᱪᱟ.ᱞᱤ
ᱡᱚᱛᱣᱟᱜ ᱵᱟ.ᱭ ᱵᱟ.ᱭ ᱛᱮ ᱵᱚᱫᱚᱞ ᱤᱫᱤᱜ ᱠᱟᱱ ᱿
ᱥᱟ.ᱨᱤ ᱜᱮ ᱡᱩᱜᱽ ᱫᱚ ᱵᱚᱫᱚᱞᱚᱜ ᱠᱟᱱ
ᱥᱮᱫᱟᱭ ᱠᱟᱛᱷᱟ ᱠᱚ ᱢᱟᱞᱴᱚᱜ ᱠᱟᱱ,
ᱥᱮᱫᱟᱭ ᱩᱭᱦᱟ.ᱨ ᱦᱤᱲᱤᱧᱚᱜ ᱠᱟᱱ ।
ᱥᱮᱫᱟᱭ ᱠᱟ.ᱦᱱᱤ ᱠᱚ ᱟᱨ ᱵᱟᱭ ᱟᱡᱚᱢᱚᱜ ᱠᱟᱱ,
ᱥᱮᱫᱟᱭ ᱞᱮᱠᱟ ᱟᱨ ᱫᱚ ᱡᱩᱢᱤᱫᱽ ᱜᱮ ᱵᱟᱭ ᱧᱮᱞ ᱧᱟᱢᱚᱜ ᱠᱟᱱ ᱿
ᱥᱟ.ᱨᱤ ᱜᱮ ᱡᱩᱜᱽ ᱫᱚ ᱵᱚᱫᱚᱞᱚᱜ ᱠᱟᱱ
ᱫᱷᱚᱨᱚᱢ ᱟᱠᱷᱟᱲᱟ ᱨᱮ ᱥᱮᱫᱟᱭ ᱞᱮᱠᱟ
ᱮᱱᱮᱡ ᱥᱮᱨᱮᱧ ᱵᱟᱭ ᱧᱮᱞᱚᱜ ᱠᱟᱱ,
ᱥᱮᱫᱟᱭ ᱞᱮᱠᱟ ᱛᱩᱢᱫᱟᱜ ᱴᱟᱢᱟᱠ ᱨᱩ
ᱵᱟᱭ ᱟᱡᱚᱢᱚᱜ ᱠᱟᱱ ।
ᱯᱟᱞᱮ ᱥᱮᱫᱟᱭ ᱦᱟᱯᱲᱟᱢ ᱠᱚᱣᱟᱜ
ᱨᱩ-ᱮᱱᱮᱡ ᱥᱮᱨᱮᱧ ᱱᱤᱛ ᱫᱚ ᱢᱟᱨᱮ ᱠᱮᱫ ᱵᱚᱱ ᱿
ᱥᱟ.ᱨᱤ ᱛᱮᱜᱮ ᱥᱮ ᱡᱩᱜᱽ ᱫᱚ ᱵᱚᱫᱚᱞᱚᱜ ???
ᱥᱮᱫᱟᱭ ᱛᱟᱦᱮᱸ ᱠᱟᱱ ᱦᱟᱯᱲᱟᱢ ᱠᱚᱣᱟᱜ ᱡᱩᱜᱽ ᱛᱟᱦᱮᱜ ᱠᱟᱱ,
ᱟᱠᱚ ᱛᱟᱞᱟ ᱨᱮ ᱟ.ᱰᱤ ᱜᱮ ᱫᱟᱭᱟ ᱫᱩᱞᱟ.ᱲ ᱛᱟᱦᱮᱸ ᱠᱟᱱ ।
ᱨᱮᱸᱜᱮᱡ ᱛᱟᱦᱮᱸ ᱠᱟᱱ ᱤᱠᱷᱟᱹᱱ ᱟᱠᱚ ᱛᱟᱞᱟᱨᱮ
ᱟ.ᱰᱤ ᱜᱮ ᱡᱩᱢᱤᱫ ᱛᱟᱦᱮᱜ ᱠᱟᱱ,
ᱚᱱᱟ ᱡᱩᱢᱤᱫᱽ ᱵᱟ.ᱭ ᱵᱟ.ᱭ ᱛᱮ ᱯᱟᱞᱮ ᱞᱟᱺᱫᱩᱲ ᱤᱫᱤᱜ ᱠᱟᱱ ᱿
ᱥᱟ.ᱨᱤ ᱜᱮ ᱡᱩᱜᱽ ᱫᱚ ᱵᱚᱫᱚᱞᱚᱜ ᱠᱟᱱ
ᱱᱤᱛ ᱢᱟ ᱡᱚᱛᱚ ᱵᱚᱱ ᱠᱤᱥᱟ.ᱬ ᱪᱟᱵᱟ ᱮᱱ,
ᱚᱠᱛᱚ ᱛᱮᱢᱟ ᱵᱚᱱ ᱠᱷᱟᱴᱚ ᱮᱱ ।
ᱚᱱᱟ ᱛᱮᱜᱮ ᱛᱚ ᱱᱤᱛ ᱢᱟ ᱵᱟ.ᱭ ᱵᱟ.ᱭ ᱛᱮ
ᱥᱤᱵᱤᱞ ᱥᱟ.ᱜᱟ.ᱭ ᱦᱚᱸ ᱥᱟᱦᱟ ᱥᱟᱺᱜᱤᱧ ᱤᱫᱤᱜ ᱠᱟᱱ ᱿
ᱥᱟ.ᱨᱤ ᱜᱮ ᱡᱩᱜᱽ ᱫᱚ ᱵᱚᱫᱚᱞᱚᱜ ᱠᱟᱱ
ᱦᱚᱞᱟ ᱫᱤᱱ ᱢᱟ ᱯᱚᱞᱚᱢ ᱤᱫᱤᱭᱮᱱ,
ᱜᱟᱯᱟ ᱫᱤᱱ ᱦᱚᱸ ᱛᱤᱥ ᱪᱚᱭ ᱥᱮᱴᱮᱨᱚᱜ,
ᱛᱮᱦᱮᱧᱟᱜ ᱫᱤᱱ ᱜᱮᱛᱚ ᱥᱟᱨᱟ ᱜᱷᱟ.ᱲᱤ
ᱥᱟᱨᱟ ᱞᱮᱛᱟᱲ ᱟᱢ ᱥᱟᱶ ᱜᱮ ᱛᱟᱦᱮᱸᱠᱚᱜ ।
ᱚᱱᱟᱛᱮ ᱛᱮᱦᱮᱧᱟᱜ ᱫᱤᱱ ᱥᱟᱶ ᱜᱮ
ᱥᱩᱞᱩᱠ ᱥᱟ.ᱜᱟ.ᱭ ᱡᱚᱲᱟᱣ ᱢᱮ
ᱟᱨ ᱥᱩᱠ ᱨᱮ ᱛᱟᱦᱮᱱ ᱞᱟ.ᱜᱤᱱ ᱛᱮ ᱨᱤᱠᱟ.ᱭ ᱢᱮ ᱿
ᱫᱮᱞᱟ ᱛᱚᱵᱮ ᱨᱟ.ᱥᱠᱟ. ᱢᱚᱱᱮ ᱛᱮᱜᱮ
ᱢᱟᱨᱮ ᱥᱮᱨᱢᱟ ᱵᱚᱱ ᱵᱤᱫᱟ.ᱭ ᱵᱚᱱ ᱮᱢᱟᱭᱟ,
ᱥᱩᱠ ᱥᱟᱶᱟᱨ ᱢᱚᱱᱮ ᱛᱮ ᱱᱟᱣᱟ ᱥᱮᱨᱢᱟ ᱦᱚᱸ ᱵᱚᱱ
ᱟᱛᱟᱝ ᱫᱟᱨᱟᱡ ᱢᱮᱭᱟ ᱵᱚᱱ ।
ᱫᱮᱞᱟ ᱛᱚᱵᱮ ᱱᱚᱣᱟ ᱱᱟᱣᱟ ᱥᱮᱨᱢᱟ ᱨᱮ
ᱡᱚᱛᱚ ᱠᱚᱛᱮ ᱜᱮ ᱮᱻᱨ ᱟᱵᱚᱱ
ᱡᱩᱢᱤᱫᱽ ᱫᱟᱲᱮ ᱨᱮᱱᱟᱝ ᱤᱛᱟ. ᱫᱚ,
ᱵᱟᱜᱟᱱ ᱵᱟᱦᱟ ᱞᱮᱠᱟ ᱜᱮᱵᱚᱱ
ᱜᱩᱛᱩ ᱜᱟᱞᱟᱝ ᱟᱱᱛᱮ ᱜᱮ ᱵᱚᱱ ᱡᱚᱛᱚᱱ ᱫᱚᱦᱚᱭᱟ
ᱡᱮᱢᱚᱱ ᱟᱜᱟᱢ ᱫᱤᱱ ᱨᱮ ᱡᱩᱢᱤᱫᱽ ᱜᱮ
ᱟᱨ ᱥᱤᱵᱤᱞ ᱥᱟ.ᱜᱟ.ᱭ ᱛᱟᱵᱚᱱ
ᱛᱚᱲᱮ ᱥᱩᱛᱟᱢ ᱛᱚᱞ ᱛᱟᱦᱮᱱᱟ ᱿
ᱞᱩᱴᱤ ᱨᱮ ᱫᱚᱦᱚᱭ ᱢᱮ ᱢᱩᱞᱩᱡ ᱞᱟᱸᱫᱟ,
ᱢᱚᱪᱟ ᱨᱮ ᱥᱤᱵᱤᱞ ᱟᱲᱟᱝ ।
ᱢᱚᱱᱮᱨᱮ ᱫᱚᱦᱚᱭ ᱢᱮ ᱥᱩᱞᱩᱠ ᱥᱟ.ᱜᱟ.ᱭ,
ᱡᱤᱣᱤ ᱨᱮ ᱫᱚ ᱫᱩᱞᱟ.ᱲ ᱵᱮᱵᱷᱟᱨ ᱿
ᱨᱟ.ᱜᱤ ᱟ.ᱲᱤᱥ ᱦᱤᱲᱤᱧ ᱢᱮ,
ᱥᱤᱵᱤᱞ ᱥᱟ.ᱜᱟ.ᱭ ᱫᱚ ᱡᱚᱲᱟᱣ ᱢᱮ ।
ᱱᱚᱣᱟ ᱫᱷᱟᱹᱨᱛᱤ ᱨᱮ ᱛᱟᱦᱮᱸᱱ ᱢᱮ
ᱵᱟᱜᱟᱱ ᱯᱷᱩᱴᱟ.ᱣ ᱵᱟᱦᱟ ᱞᱮᱠᱟ,
ᱱᱚᱣᱟ ᱫᱷᱟᱹᱨᱛᱤ ᱨᱮ ᱢᱚᱦᱠᱟᱣᱜ ᱢᱮ
ᱥᱚᱻᱥᱚᱸᱫᱷᱟᱲ ᱵᱟᱦᱟ ᱞᱮᱠᱟ ᱿
ᱫᱮᱞᱟ ᱛᱚᱵᱮ ᱱᱟᱣᱟ ᱥᱮᱨᱢᱟ ᱨᱮ
ᱦᱟᱯᱲᱟᱢ ᱠᱚᱴᱷᱮᱱ ᱵᱚᱱ ᱜᱳᱰ ᱡᱚᱦᱟᱨᱟᱱ ᱛᱮ
ᱡᱚᱲ ᱛᱤᱻᱛᱮ ᱱᱮᱦᱚᱨ ᱡᱚᱦᱟᱨᱟᱱ ᱛᱮᱵᱚ ᱠᱚᱭ ᱡᱚᱝ,
ᱫᱷᱚᱨᱚᱢ ᱦᱟᱯᱟ ᱛᱮᱫᱚ ᱫᱟᱞ ᱥᱚᱡᱷᱮ ᱞᱮᱯᱮ,
ᱫᱷᱷᱨᱚᱢ ᱰᱟᱦᱟᱨ ᱛᱮᱜᱮ ᱛᱤᱭᱟ.ᱜ ᱠᱟᱞᱮ ᱯᱮ ।
ᱯᱟᱯ ᱠᱟ.ᱢᱤ ᱠᱷᱚᱱ ᱥᱟᱦᱟ ᱥᱟᱺᱜᱤᱧ ᱠᱟᱞᱮ ᱯᱮ,
ᱵᱩᱜᱤ ᱵᱟ.ᱲᱤᱡ ᱩᱭᱦᱟ.ᱨ ᱫᱚ ᱥᱚᱫᱚᱨ ᱟᱞᱮ ᱯᱮ,
ᱥᱟᱶᱛᱟ ᱥᱮᱪᱮᱫ ᱰᱟᱦᱟᱨ ᱨᱮᱜᱮ ᱛᱤᱭᱟ.ᱜ ᱠᱟᱞᱮ ᱯᱮ ᱿
***
