ᱵᱟᱨᱭᱟ ᱛᱤ

ᱵᱟᱨᱭᱟ ᱛᱤ,
ᱜᱮᱞ ᱜᱚᱴᱟᱝ ᱠᱟᱹᱴᱩᱵ,
ᱤᱧ ᱡᱟᱦᱟᱸᱧ ᱤᱫᱤ ᱟᱠᱟᱫᱼᱟ
ᱚᱱᱟ ᱥᱟᱱᱟᱢᱟᱜ ᱱᱤᱨᱚᱵᱽ ᱥᱟᱹᱠᱷᱤ ᱾

ᱜᱤᱫᱽᱨᱟᱹ ᱩᱢᱮᱨ ᱨᱮ ᱤᱧ ᱢᱤᱫ ᱫᱷᱟᱣ,
ᱢᱤᱫᱴᱟᱹᱝ ᱡᱤᱱᱤᱥ ᱤᱧ ᱥᱟᱵ ᱫᱚᱦᱚ ᱛᱟᱦᱮᱸᱫᱼ
ᱢᱤᱫᱴᱟᱝ ᱠᱷᱮᱞᱚᱸᱰ ᱡᱟᱦᱟᱸ ᱫᱚ ᱤᱧᱟᱜ ᱛᱤ ᱛᱟᱞᱠᱷᱟ ᱨᱮ ᱥᱚᱢᱟᱱ ᱛᱟᱦᱮᱱᱟ,
ᱢᱤᱫᱴᱟᱝ ᱦᱩᱰᱤᱧ ᱢᱟᱨᱵᱮᱞ ᱵᱚᱞ ᱡᱟᱦᱟᱸ ᱫᱚ
ᱤᱧᱟᱹᱜ ᱠᱟᱹᱴᱩᱵ ᱛᱟᱞᱟᱨᱮ ᱢᱟᱨᱥᱟᱞ ᱮ ᱟᱹᱪᱩᱨ ᱮᱫᱟ ᱾

ᱚᱱᱟ ᱛᱟᱭᱚᱢ ᱡᱩᱣᱟᱹᱱ ᱩᱢᱮᱨ ᱦᱮᱡ ᱮᱱᱟ,
ᱥᱮᱸᱜᱮᱞ ᱮ ᱯᱟᱥᱱᱟᱣ ᱠᱮᱫᱟ ᱾
ᱤᱧᱟᱜ ᱥᱩᱯᱩ ᱠᱷᱚᱱ ᱠᱟᱜᱚᱡᱽ ᱠᱚ
ᱚᱥᱟᱱᱛᱚ ᱪᱮᱬᱮ ᱞᱮᱠᱟ ᱧᱩᱨ ᱮᱱᱟ,
ᱪᱟᱹᱵᱤ ᱟᱨ ᱠᱟᱛᱷᱟ ᱠᱚ
ᱤᱧᱟᱜ ᱛᱤ ᱠᱷᱚᱱ ᱞᱤᱸᱜᱤᱱ ᱠᱟᱱᱟ ᱾

ᱛᱤᱱᱟᱹᱜ ᱜᱟᱱ ᱤᱧ ᱥᱟᱵ ᱠᱮᱫᱼᱟ,
ᱛᱤᱱᱟᱹᱜ ᱠᱚ ᱧᱩᱨ ᱮᱱᱟ,
ᱛᱤᱱᱟ.ᱜ ᱠᱚ ᱥᱟᱦᱟᱣ ᱠᱮᱫᱼᱟ,
ᱛᱤᱱᱟᱹᱜ ᱠᱚ ᱨᱟᱹᱯᱩᱫ ᱮᱱᱟ ᱾

ᱡᱟᱦᱟᱸ ᱥᱟᱨᱮᱡ ᱢᱮᱱᱟᱜᱼᱟ
ᱚᱱᱟ ᱫᱚ ᱤᱧᱮ ᱥᱮᱬᱟ ᱮᱫᱟ ᱺ
ᱱᱤᱨᱞᱟᱹ ᱫᱚ ᱨᱩᱣᱟᱹᱲ ᱵᱟᱭ ᱦᱤᱡᱩᱜᱼᱟ,
ᱫᱟᱹᱭᱵᱷᱟᱨ ᱛᱟᱦᱮᱱᱟ ᱾

ᱱᱤᱛᱚᱜ ᱤᱧᱟᱜ ᱛᱤ ᱟᱠᱚᱣᱟᱜ ᱥᱤᱢᱟᱹ ᱠᱚ
ᱥᱤᱠᱟᱹᱨ ᱮᱫᱟ ᱾ ᱱᱚᱣᱟ ᱠᱚᱫᱚ ᱠᱷᱩᱞᱟᱹᱣ ᱵᱟᱹᱴᱤ ᱞᱮᱠᱟ
ᱡᱤᱨᱟᱹᱣ ᱛᱟᱦᱮᱱᱟ,

ᱠᱟᱹᱴᱩᱵ ᱠᱚ ᱵᱟᱦᱟ ᱞᱮᱠᱟ
ᱯᱟᱥᱱᱟᱣ ᱟᱠᱟᱱᱟ,
ᱛᱚᱨᱚᱭ ᱠᱷᱚᱱ ᱦᱚᱸ ᱦᱟᱹᱞᱠᱟᱹ- ᱠᱚᱢ ᱥᱟᱵ ᱫᱚᱦᱚᱭ ᱞᱟᱹᱜᱤᱫ ᱛᱮ
ᱵᱟᱱᱟᱨ ᱛᱤ, ᱥᱟᱯᱲᱟᱣ ᱛᱟᱦᱮᱱ ᱠᱟᱱᱟ,
ᱢᱮᱱᱠᱷᱟᱱ ᱯᱩᱨᱟᱹᱯᱩᱨᱤ ᱥᱟᱵ ᱫᱚᱦᱚᱭᱟ ᱾

***