ᱯᱟᱪᱮ ᱦᱚᱲ ᱡᱟᱦᱟᱱᱟᱜ ᱠᱚ ᱢᱮᱱ
ᱚᱱᱟᱛᱮ ᱪᱮᱫ ᱠᱟ.ᱢᱤ ᱦᱚᱸ
ᱵᱟᱹᱧ ᱫᱟᱲᱮᱭᱟᱜ ᱠᱟᱱᱟ,
ᱥᱟᱨᱟᱜᱷᱟ.ᱲᱤ ᱢᱚᱱᱮᱨᱮ
ᱞᱟᱡᱟᱣ-ᱵᱚᱛᱚᱨ ᱜᱮ ᱡᱚᱢᱤᱧ ᱠᱟᱱᱟ ᱾
ᱛᱤ-ᱡᱟᱸᱜᱟ ᱦᱚᱸ ᱛᱷᱟᱨᱟᱢ-ᱛᱷᱩᱨᱩᱢᱚᱜ
ᱞᱟᱦᱟᱜ-ᱟ.ᱧ ᱪᱤᱠᱟ.ᱛᱮ ᱢᱟᱲᱟᱝ ᱥᱮᱫ,
ᱯᱟᱪᱮ ᱦᱚᱲ ᱡᱟᱦᱟᱱᱟᱜ ᱠᱚ ᱢᱮᱱ ᱾
ᱴᱩᱴᱩᱨᱤ ᱮᱥᱮᱫ ᱠᱟᱜ-ᱟ ᱢᱮᱫᱦᱟ ᱛᱤᱧ
ᱯᱟᱪᱮ ᱦᱚᱲ ᱠᱚ ᱧᱮᱞᱤᱧ ᱠᱟᱱ,
ᱵᱚᱦᱚᱜ ᱛᱤᱨᱩᱵ ᱠᱟᱛᱮᱧ ᱯᱟᱨᱚᱢ ᱥᱮᱱᱚᱜ
ᱯᱟᱪᱮ ᱦᱚᱲ ᱠᱚ ᱨᱚᱲᱤᱧ ᱠᱟᱱ ᱾
ᱞᱚᱜᱚᱱ-ᱞᱚᱜᱚᱱ ᱛᱟᱲᱟᱢ ᱥᱟ.ᱱᱟᱹᱧ
ᱛᱟᱭᱚᱢ ᱥᱮᱫ ᱚᱠᱚᱭ ᱪᱚᱭ ᱚᱨᱤᱧ ᱠᱟᱱ,
ᱠᱚᱭᱚᱜ ᱨᱩᱣᱟ.ᱲ ᱠᱟᱛᱮ ᱦᱚᱸ ᱧᱮᱧᱮᱞ ᱥᱟᱱᱟᱹᱧ
ᱦᱚᱲ ᱯᱟᱪᱮ ᱠᱚ ᱧᱮᱞᱤᱧ ᱠᱟᱱ ᱾
ᱚᱱᱛᱚᱨ ᱛᱟᱞᱟ ᱜᱩᱵᱩᱰ ᱜᱩᱵᱩᱰ
ᱦᱟᱱᱟ ᱱᱚᱣᱟ ᱠᱩᱠᱞᱤ ᱟᱛᱮ,
ᱚᱠᱚᱭᱤᱧ ᱠᱩᱞᱤᱭᱮᱨᱮ ᱛᱮᱞᱟᱭ ᱮᱢᱟ.ᱧ
ᱥᱤᱵᱤᱞ ᱥᱚᱲᱚᱢ ᱨᱚᱲ ᱟᱛᱮ,
ᱯᱟᱪᱮ ᱡᱟᱦᱟᱱᱟᱜ-ᱮ ᱢᱤᱛᱟ.ᱧ
ᱨᱮᱵᱮᱫ ᱫᱚᱦᱚ ᱠᱟ.ᱫᱟ.ᱧ ᱚᱱᱛᱚᱨ ᱠᱟᱛᱷᱟ
ᱚᱱᱛᱚᱨ ᱨᱮᱱᱟᱜ ᱢᱤᱫ ᱠᱚᱬ ᱨᱮ ᱾
ᱡᱤᱣᱤ ᱛᱤᱧᱮ ᱨᱟᱜᱮᱫ ᱡᱚᱠᱷᱮᱡ
ᱢᱮᱫ ᱨᱮ ᱢᱮᱫᱼᱫᱟᱜ ᱯᱮᱬᱮ ᱯᱮᱬᱮ
ᱩᱠᱩ ᱩᱠᱩ ᱛᱤᱧ ᱡᱚᱫ ᱨᱚᱦᱚᱲᱟ
ᱢᱩᱞᱤᱱ ᱢᱩᱞᱩᱡ ᱞᱟᱸᱫᱟ ᱟᱛᱮᱫ
ᱨᱟᱜ ᱢᱩᱴᱷᱟ.ᱱ ᱦᱚᱧ ᱫᱟᱱᱟᱝ ᱠᱮᱫᱟ
ᱦᱚᱲ ᱠᱚ ᱧᱮᱞᱤᱧ ᱠᱷᱟᱱ ᱪᱮᱫ ᱪᱚᱠᱚ ᱢᱮᱱ ?
ᱦᱚᱲ ᱠᱚ ᱫᱚ ᱪᱮᱦᱚᱨ ᱵᱮᱦᱚᱨ
ᱨᱟ.ᱥᱠᱟ. ᱥᱟᱞᱟᱜ ᱠᱚ ᱨᱚᱲ ᱞᱟᱸᱫᱟᱭ,
ᱵᱟ.ᱧ ᱫᱟᱲᱮᱭᱟᱜ ᱦᱚᱲ ᱥᱟᱶ ᱢᱮᱥᱟᱜ,
ᱢᱚᱱ ᱠᱩᱥᱤ ᱛᱮ ᱨᱚᱲ ᱞᱟᱸᱫᱟ
ᱛᱟᱸᱦᱮ ᱠᱚᱜ-ᱟ.ᱧ ᱥᱟᱨᱟᱜᱷᱟ.ᱲᱤ
ᱦᱚᱲ ᱠᱷᱚᱱ ᱥᱟᱦᱟᱨᱮ
ᱫᱟᱲᱮ ᱜᱮ ᱵᱟ.ᱧ ᱠᱩᱲᱟ.ᱣ ᱢᱚᱱᱮ-ᱡᱤᱣᱤ ᱨᱮ
ᱯᱟᱪᱮ ᱦᱚᱲ ᱡᱟᱦᱟᱱᱟᱜ ᱠᱚ ᱢᱮᱱ ᱾
***
