ᱤᱧ ᱜᱮ ᱵᱟ.ᱦᱩ ᱠᱩᱲᱤ

ᱥᱤᱢᱨᱟᱜ ᱛᱮ ᱫᱤᱱ ᱜᱮ
ᱡᱟ.ᱯᱤᱫ ᱵᱮᱨᱮᱫ ᱿
ᱵᱮᱨᱮᱫ ᱛᱚᱨᱟ ᱚᱲᱟᱜ ᱨᱮᱭᱟᱜ
ᱠᱟ.ᱢᱤ ᱜᱮᱢ ᱧᱮᱞᱮᱫ ᱾

ᱪᱩᱨᱟ.~ᱢᱟᱨᱟ ᱞᱮᱛᱟᱲ ᱜᱮ ᱛᱟᱦᱮᱱ
ᱠᱟ.ᱢᱤ ᱠᱚ ᱥᱟᱢᱴᱟᱣ ᱨᱮ ᱾
ᱩᱭᱦᱟ.ᱨ ᱨᱮᱜᱮ ᱛᱟᱦᱮᱱ ᱚᱲᱟᱜ ᱦᱚᱲ
ᱡᱚᱛᱚ ᱡᱚᱢᱟᱜ ᱠᱚ ᱥᱟᱴᱟᱣ ᱨᱮ ᱿

ᱤᱧ ᱜᱮ ᱵᱟ.ᱦᱩ ᱠᱩᱲᱤ,
ᱚᱲᱟᱜ ᱨᱤᱱᱤᱡ ᱵᱟ.ᱦᱩ ᱠᱩᱲᱤ ᱾
ᱤᱧ ᱜᱮ ᱵᱟ.ᱦᱩ ᱠᱩᱲᱤ,
ᱜᱷᱟᱨᱚᱸᱡᱽ ᱨᱤᱱᱤᱡ ᱵᱟ.ᱦᱩ ᱠᱩᱲᱤ ᱿

ᱤᱧ ᱛᱮ ᱤᱧ ᱜᱮ ᱵᱟ.ᱧ ᱧᱮᱞᱚᱜ,
ᱜᱷᱟᱨᱚᱸᱡᱽ ᱨᱤᱱ ᱦᱚᱲ ᱠᱚᱜᱮ ᱧᱮᱞ ᱠᱚᱢ ᱾
ᱟᱪᱟᱨ~ᱵᱮᱵᱷᱟᱨ ᱥᱩᱞᱩᱠ ᱥᱟ.ᱜᱟ.ᱭ ᱥᱟᱶᱛᱮ
ᱫᱩᱞᱟ.ᱲ ᱟᱧᱪᱟᱨ ᱛᱮ ᱜᱟᱞᱟᱝ ᱛᱮᱧ ᱠᱚᱢ ᱿

ᱦᱚᱞᱟᱱᱟᱜ ᱠᱟᱛᱷᱟ ᱠᱚ ᱦᱤᱲᱤᱧ ᱠᱟᱛᱮᱫ
ᱛᱮᱦᱮᱧᱟᱜ ᱜᱮ ᱩᱭᱦᱟ.ᱨᱚᱜ ᱾
ᱛᱮᱦᱮᱧᱟᱜ ᱠᱟᱛᱷᱟ ᱠᱚ ᱥᱟᱢᱴᱟᱣ ᱛᱮᱜᱮ                                     ᱟᱨ ᱦᱚᱸ ᱱᱤᱛᱚᱜ ᱟᱜ ᱜᱮ ᱩᱭᱦᱟ.ᱨᱚᱜ ᱿

ᱤᱧ ᱜᱮ ᱵᱟ.ᱦᱩ ᱠᱩᱲᱤ,
ᱫᱩᱞᱟ.ᱲᱤᱭᱟ. ᱵᱟ.ᱦᱩ ᱠᱩᱲᱤ ᱾
ᱤᱧ ᱜᱮ ᱵᱟ.ᱦᱩ ᱠᱩᱲᱤ,
ᱥᱟᱫᱮᱨ ᱵᱟ.ᱦᱩ ᱠᱩᱲᱤ᱿

ᱜᱷᱟᱨᱚᱸᱡᱽ ᱨᱮᱭᱟᱜ ᱫᱩᱞᱟ.ᱲ ᱥᱟ.ᱜᱟ.ᱭ
ᱥᱟᱢᱴᱟᱣ ᱨᱮ ᱵᱟ.ᱦᱩ ᱠᱩᱲᱤ ᱾
ᱜᱷᱟᱨᱚᱸᱡᱽ ᱨᱤᱱᱤᱡ ᱢᱤᱫ
ᱠᱷᱩᱱᱴᱤ ᱠᱟᱱᱟᱭ ᱵᱟ.ᱦᱩ ᱠᱩᱲᱤ ᱿

ᱤᱧ ᱜᱮ ᱵᱟ.ᱦᱩ ᱠᱩᱲᱤ
ᱚᱲᱟᱜ ᱨᱤᱱᱤᱡ ᱵᱟ.ᱦᱩ ᱠᱩᱲᱤ ᱾
ᱤᱧ ᱜᱮ ᱵᱟ.ᱦᱩ ᱠᱩᱲᱤ,
ᱜᱷᱟᱨᱚᱸᱡᱽ ᱨᱤᱱᱤᱡ ᱵᱟ.ᱦᱩ ᱠᱩᱲᱤ ᱿

***