ᱢᱤᱫᱴᱟᱝ ᱱᱤᱢ ᱫᱟᱨᱮ ᱨᱮ ᱢᱤᱫᱴᱟᱝ ᱪᱮᱬᱮ ᱟ.ᱰᱤ ᱡᱚᱛᱚᱱ ᱛᱮ ᱛᱩᱠᱟ. ᱞᱮᱫᱟᱭ ᱾ ᱛᱩᱠᱟ. ᱨᱮᱫᱚ ᱢᱚᱬᱮ ᱜᱚᱴᱟᱝ ᱮ ᱵᱤᱞᱤ ᱞᱮᱫᱟ, ᱟᱨ ᱚᱱᱟ ᱵᱤᱞᱤ ᱠᱚ ᱥᱤᱧ ᱧᱤᱫᱟ. ᱟ.ᱰᱤ ᱫᱩᱞᱟ.ᱲ ᱛᱮ ᱦᱚᱨᱦᱚ ᱠᱟᱫ ᱛᱟᱸᱦᱮᱫ ᱟᱭ ᱾
ᱢᱤᱫ ᱫᱤᱱ ᱛᱤᱠᱤᱱ ᱵᱮᱲᱟ ᱢᱤᱫ ᱵᱤᱨ ᱦᱟᱹᱛᱤ ᱫᱟᱬᱟ ᱫᱟᱬᱟ ᱛᱮ ᱟᱹᱰᱤ ᱡᱩᱨ ᱮ ᱞᱟᱸᱜᱟ ᱟᱠᱟᱱ ᱛᱮ ᱚᱱᱟ ᱱᱤᱢ ᱫᱟᱨᱮ ᱩᱢᱩᱞ ᱨᱮ ᱡᱤᱨᱟ.ᱜ ᱠᱟᱱ ᱛᱟᱸᱦᱮᱫ ᱟᱭ ᱾ ᱡᱤᱨᱟ.ᱣ ᱡᱤᱨᱟ.ᱣ ᱛᱮ ᱢᱮᱫ ᱦᱚᱸ ᱞᱟᱴᱷᱟ ᱮᱱ ᱛᱟᱭᱟ ᱾ ᱩᱱ ᱚᱠᱛᱚ ᱫᱚ ᱱᱟᱥᱮ ᱱᱟᱥᱮ ᱦᱚᱭ ᱦᱚᱸ ᱦᱚᱭ ᱮᱫ ᱛᱟᱸᱦᱮᱫ, ᱟᱫᱚ ᱚᱱᱟ ᱦᱚᱭ ᱛᱮᱜᱮ ᱯᱟᱞᱮᱱ ᱱᱤᱢ ᱫᱟᱨᱮ ᱠᱷᱚᱱ ᱦᱚᱯᱚᱱ ᱦᱚᱯᱚᱱ ᱨᱚᱦᱚᱲ ᱰᱟ.ᱨ ᱫᱚ ᱧᱩᱨ ᱮᱱᱟ ᱦᱟᱹᱛᱤ ᱪᱮᱛᱟᱱ ᱨᱮ ᱾ ᱮᱱᱠᱷᱟᱱ ᱩᱱᱤ ᱦᱟᱹᱛᱤ ᱢᱟ ᱵᱚᱛᱚᱨ ᱥᱟᱛᱞᱟᱜ ᱪᱚᱢᱠᱟᱣ ᱮᱱᱟᱭ ᱟᱹᱰᱤ ᱡᱩᱨ, ᱟᱨ ᱮ ᱫᱟ.ᱲ ᱵᱮᱨᱮᱫ ᱮᱱ ᱛᱮ ᱟᱪᱠᱟ ᱜᱮ ᱨᱟᱹᱜᱤ ᱛᱮ ᱚᱱᱟ ᱱᱤᱢ ᱫᱟᱨᱮ ᱴᱷᱮᱞᱟᱣ ᱠᱚᱸᱰᱮᱞ ᱠᱮᱫᱟᱭ ᱾ ᱟᱨ ᱥᱩᱸᱰ ᱛᱮ ᱰᱟ.ᱨ ᱠᱚ, ᱪᱮᱬᱮ ᱛᱩᱠᱟ. ᱠᱚ ᱥᱟᱵ ᱠᱟᱛᱮ ᱦᱩᱨᱞᱟ. ᱜᱤᱰᱤ ᱠᱮᱫᱟᱭ ᱥᱟᱶᱛᱮ ᱡᱷᱚᱛᱚ ᱵᱤᱞᱤ ᱠᱚ ᱦᱚᱸᱭ ᱜᱮᱡᱮᱨ ᱪᱟᱵᱟ ᱠᱮᱫ ᱛᱮ ᱵᱤᱨ ᱥᱮᱫ ᱮ ᱪᱟᱞᱟᱣ ᱮᱱᱟ ᱾
ᱛᱚᱵᱮ ᱡᱟᱸᱦᱟ ᱞᱮᱠᱟᱛᱮ ᱨᱮᱦᱚᱸ ᱩᱱᱤ ᱪᱮᱬᱮ ᱫᱚ ᱵᱟᱧᱪᱟᱣ ᱮᱱᱟᱭ ᱟᱨ ᱟᱭᱟᱜ ᱡᱷᱚᱛᱚ ᱵᱤᱞᱤ ᱜᱮᱡᱮᱨ ᱪᱟᱵᱟᱭᱮᱱ ᱠᱷᱟᱹᱛᱤᱨ ᱫᱩᱠᱷ ᱛᱮ ᱜᱚᱴᱟᱭ ᱨᱟᱜ ᱡᱚᱝ ᱠᱟᱱᱟᱭ ᱾
ᱟᱡᱟᱜ ᱨᱟᱜ ᱨᱚᱫᱷᱚᱱ ᱟᱸᱡᱚᱢ ᱛᱮ ᱚᱱᱟ ᱥᱩᱨ ᱨᱮᱜᱮ ᱢᱤᱫ ᱛᱟᱞᱮ ᱫᱟᱨᱮ ᱠᱷᱚᱱᱟᱜ ᱩᱰᱟ.ᱣ ᱦᱮᱡ ᱮᱱᱟᱭ ᱢᱤᱫ ᱠᱟᱴ ᱴᱷᱚᱴᱨᱟᱣ ᱪᱮᱬᱮ, ᱟᱫᱚ ᱠᱩᱞᱤᱭᱮ ᱠᱟᱱᱟᱭ ᱮ ᱜᱟᱛᱮ ᱪᱮᱫ ᱠᱷᱟᱹᱛᱤᱨ ᱮᱢ ᱨᱟᱜ ᱮᱫᱟ? ᱮᱱᱮᱠᱷᱟᱱ ᱩᱱᱤ ᱨᱟᱼᱨᱟᱜ ᱪᱮᱬᱮ ᱫᱚ ᱥᱟᱱᱟᱢᱟᱜ ᱜᱷᱚᱴᱚᱱ ᱠᱚᱭ ᱞᱟ.ᱭ ᱟᱫᱮᱭᱟ ᱾
ᱟᱸᱡᱚᱢ ᱠᱟᱛᱮ ᱠᱟᱴ ᱴᱷᱚᱴᱨᱟᱣ ᱪᱮᱬᱮ ᱞᱟ.ᱭ ᱠᱮᱫᱟᱭ ᱼᱼ ᱨᱟᱜ ᱠᱟᱛᱮ ᱪᱮᱫ ᱦᱳᱭᱳᱜ ᱛᱟᱢᱟ? ᱨᱟᱜ ᱠᱟᱛᱮ ᱫᱚ ᱪᱮᱫ ᱦᱚᱸ ᱵᱟᱢ ᱧᱟᱢᱟ ᱾ ᱱᱚᱶᱟ ᱜᱷᱚᱴᱚᱱ ᱨᱮᱱᱟᱜ ᱦᱟᱞᱟ ᱫᱚ ᱦᱟᱛᱟᱣ ᱛᱮᱜᱮ ᱦᱳᱭᱳᱜᱼᱟ, ᱦᱟᱹᱛᱤ ᱫᱟᱵᱚᱱ ᱮ ᱦᱳᱭᱳᱜᱼᱟ ᱾ ᱟᱫᱚ ᱩᱱᱤ ᱨᱟᱼᱨᱟᱜ ᱫᱩᱠᱷᱟ.ᱞᱤ ᱪᱮᱬᱮ ᱞᱟ.ᱭ ᱠᱮᱫᱟᱭ ᱼᱼ ᱚᱱᱟ ᱫᱚ ᱪᱮᱫ ᱞᱮᱠᱟᱨᱮ ᱦᱳᱭᱳᱜᱼᱟ? ᱟᱵᱚ ᱫᱚ ᱦᱟᱹᱛᱤ ᱥᱟᱞᱟᱜ ᱪᱮᱫ ᱞᱮᱠᱟᱨᱮ ᱵᱚᱱ ᱫᱟᱲᱮᱜᱼᱟ? ᱠᱟᱴ ᱴᱷᱚᱴᱨᱟᱣ ᱪᱮᱬᱮ ᱞᱟ.ᱭ ᱠᱮᱫᱟᱭ ᱼ ᱵᱩᱨᱫᱷᱤ ᱛᱮᱜᱮ ᱵᱟ.ᱭᱨᱤ ᱫᱚ ᱦᱟᱨᱟᱣ ᱮ ᱦᱳᱭᱳᱜᱼᱟ ᱾ ᱚᱱᱟ ᱠᱷᱟᱹᱛᱤᱨ ᱥᱟᱱᱟᱢ ᱠᱚᱣᱟᱜ ᱜᱮ ᱜᱚᱲᱚ ᱥᱚᱯᱚᱦᱚᱫ ᱞᱟᱜᱟᱜ ᱛᱟᱵᱚᱱᱟ ᱾ ᱪᱚᱞᱚ ᱛᱚᱵᱮ ᱞᱟᱝ ᱪᱟᱞᱟᱜᱼᱟ ᱟᱵᱚᱨᱮᱱ ᱜᱟᱛᱮ ᱠᱩᱭᱞᱤ ᱪᱮᱬᱮ ᱴᱷᱮᱱ ᱾ ᱩᱱᱤ ᱥᱟᱞᱟᱜ ᱱᱚᱶᱟ ᱱᱤᱭᱟ.ᱛᱮ ᱜᱟᱞᱢᱟᱨᱟᱣ ᱦᱩᱭᱩᱜᱼᱟ ᱾
ᱠᱟᱴ ᱴᱷᱚᱴᱨᱟᱣ ᱟᱨ ᱫᱩᱠᱷᱟ.ᱞᱤ ᱪᱮᱬᱮ ᱠᱤᱱ ᱪᱟᱞᱟᱣ ᱮᱱᱟ ᱠᱩᱭᱞᱤ ᱪᱮᱬᱮ ᱴᱷᱮᱱ ᱜᱟᱯᱟᱞᱢᱟᱨᱟᱣ ᱾ ᱟᱹᱰᱤ ᱜᱷᱟᱹᱲᱤᱡ ᱠᱚ ᱜᱟᱞᱢᱟᱨᱟᱣ ᱠᱮᱫᱟ ᱾
ᱠᱩᱭᱞᱤ ᱞᱟ.ᱭ ᱠᱮᱫᱟᱭ ᱼ ᱦᱟᱹᱛᱤ ᱫᱚᱭ ᱟᱹᱰᱤ ᱢᱟᱨᱟᱝ ᱜᱮ ᱛᱮ, ᱡᱟᱹᱥᱛᱤ ᱫᱟᱲᱮ ᱢᱮᱱᱟᱜ ᱛᱟᱭ ᱛᱮ ᱩᱱᱤ ᱫᱚ ᱱᱟᱪᱟᱨ ᱠᱚ ᱪᱮᱛᱟᱱ ᱱᱟᱦᱟᱪᱟᱨ ᱟᱭ, ᱚᱱᱟ ᱫᱚ ᱵᱟᱝ ᱥᱟᱦᱟᱣᱜᱼᱟ ᱾ ᱪᱚᱞᱚ , ᱤᱧᱤᱡ ᱜᱟᱛᱮ ᱨᱚᱴᱮ ᱴᱷᱮᱱ ᱾ ᱨᱚᱴᱮ ᱡᱷᱚᱛᱚ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱞᱟ.ᱭ ᱠᱮᱫᱟᱭ, ᱦᱟᱹᱛᱤ ᱢᱟ ᱮᱠᱞᱟ ᱜᱮᱭᱟᱭ ᱟᱨ ᱟᱵᱚ ᱫᱚ ᱡᱷᱚᱛᱚ ᱢᱤᱫ ᱥᱟᱶᱛᱮ ᱢᱮᱱᱟᱜ ᱵᱚᱱᱟ, ᱢᱤᱫ ᱥᱟᱶᱛᱮ ᱠᱟᱹᱢᱤ ᱟᱵᱚᱱ ᱾ ᱚᱱᱟᱛᱮ ᱩᱱᱤᱭᱟᱜ ᱠᱷᱚᱱ ᱫᱚ ᱟᱵᱚᱣᱟᱜ ᱫᱟᱲᱮ ᱰᱷᱮᱨ ᱜᱮᱭᱟ ᱾
ᱩᱱᱤ ᱟᱨ ᱦᱚᱸ ᱞᱟ.ᱭ ᱠᱮᱫᱟᱭ ᱼ ᱟᱵᱚ ᱫᱚ ᱟᱵᱚᱣᱟᱜ ᱠᱟᱹᱢᱤ ᱨᱮ ᱡᱤᱛᱠᱟᱹᱨᱚᱜ ᱜᱮᱭᱟᱵᱚᱱ ᱾ ᱡᱷᱚᱛᱚ ᱜᱟᱛᱮ ᱠᱚ ᱜᱟᱞᱢᱟᱨᱟᱣ ᱜᱚᱴᱟ ᱠᱮᱫ ᱛᱮ ᱵᱤᱨ ᱵᱷᱤᱛᱤᱨ ᱩᱱᱤ ᱦᱟᱹᱛᱤ ᱥᱳᱨ ᱨᱮ ᱠᱚ ᱪᱟᱞᱟᱣ ᱮᱱᱟ ᱟᱨ ᱠᱩᱭᱞᱤ ᱪᱮᱬᱮ ᱠᱚ ᱢᱮᱛᱟᱫ ᱫᱮᱭᱟ, ᱛᱮᱦᱮᱧ ᱛᱤᱠᱤᱱ ᱵᱮᱲᱟ ᱦᱟᱹᱛᱤ ᱟᱜ ᱞᱩᱛᱩᱨ ᱥᱳᱨ ᱨᱮ ᱪᱟᱞᱟᱣ ᱠᱟᱛᱮ ᱠᱩᱦᱩ ᱠᱩᱦᱩ ᱟᱲᱟᱝ ᱛᱮ ᱥᱮᱨᱮᱧ ᱟᱸᱡᱚᱢ ᱚᱪᱚ ᱠᱟᱛᱮ ᱦᱟᱹᱛᱤ ᱡᱟᱹᱯᱤᱫ ᱚᱪᱚᱭᱮᱢ ᱾ ᱟᱨ ᱠᱟᱴ ᱴᱷᱚᱴᱨᱟᱣ ᱪᱮᱬᱮ ᱚᱱᱟ ᱚᱠᱛᱚ ᱨᱮ ᱪᱟᱞᱟᱣ ᱠᱟᱛᱮ ᱟᱡᱟᱜ ᱚᱱᱟ ᱠᱮᱴᱮᱡ ᱴᱷᱚᱱᱴᱟ ᱛᱮ ᱦᱟᱹᱛᱤ ᱟᱜ ᱵᱟᱱᱟᱨ ᱢᱮᱫ ᱮ ᱦᱚᱴᱚᱨ ᱳᱰᱳᱝ ᱛᱟᱭᱟ ᱾ ᱮᱱᱠᱷᱟᱱ ᱩᱱᱤ ᱦᱟᱹᱥᱩ ᱛᱮ ᱪᱷᱟᱴᱯᱟᱴᱟᱜ ᱟᱭ ᱟᱨ ᱫᱟᱜ ᱦᱚᱸ ᱛᱮᱛᱟᱝ ᱜᱚᱫᱮᱭᱟ ᱾
ᱟᱫᱚ ᱨᱚᱴᱮ ᱞᱟ.ᱭ ᱠᱮᱫᱟᱭ ᱼ ᱤᱧ ᱟᱨ ᱤᱧ ᱨᱮᱱ ᱦᱚᱱ ᱦᱚᱯᱚᱱ, ᱜᱩᱥᱴᱤ ᱠᱚ ᱡᱷᱚᱛᱚ ᱡᱳᱨ ᱡᱳᱨ ᱛᱮᱞᱮ ᱨᱟᱜᱟ ᱾ ᱟᱨ ᱟᱞᱮᱭᱟᱜ ᱨᱟᱜ ᱟᱸᱡᱚᱢ ᱠᱟᱛᱮ ᱦᱟᱹᱛᱤ ᱢᱚᱱᱮᱭᱟᱭ ᱥᱳᱨ ᱨᱮᱜᱮ ᱯᱟᱞᱮᱱ ᱜᱟ.ᱰᱤᱭᱟ., ᱰᱷᱚᱰᱟ ᱠᱚ ᱢᱮᱱᱟᱜᱼᱟ ᱾ ᱫᱟᱜ ᱛᱮᱛᱟᱝ ᱛᱮ ᱦᱚᱨᱚᱵᱚᱨᱚ ᱠᱟᱛᱮ ᱫᱟ.ᱲ ᱪᱟᱞᱟᱜ ᱟᱭ ᱟᱨ ᱞᱚᱥᱚᱫ ᱰᱷᱚᱰᱟ ᱨᱮ ᱦᱚᱸᱡᱟᱝ ᱧᱩᱨᱩᱜ ᱟᱭ ᱾
ᱨᱚᱴᱮ ᱟᱜ ᱠᱟᱛᱷᱟ ᱞᱮᱠᱟᱛᱮ ᱡᱷᱚᱛᱚ ᱠᱟᱹᱢᱤ ᱮᱦᱚᱵ ᱮᱱᱟ ᱾ ᱱᱮᱰᱟ ᱟᱠᱟᱱ ᱫᱤᱱ ᱨᱮ ᱛᱤᱠᱤᱱ ᱵᱮᱲᱟ ᱦᱟᱹᱛᱤ ᱢᱤᱫ ᱫᱟᱨᱮ ᱩᱢᱩᱞ ᱨᱮ ᱡᱤᱨᱟ.ᱣᱜ ᱠᱟᱱ ᱛᱟᱸᱦᱮᱫ ᱾ ᱟᱫᱚ ᱠᱩᱭᱞᱤ ᱪᱟᱞᱟᱣ ᱠᱟᱛᱮ ᱠᱩᱦᱩ ᱠᱩᱦᱩ ᱟᱲᱟᱝ ᱛᱮ ᱡᱟᱹᱯᱤᱫ ᱚᱪᱚ ᱠᱮᱫᱮᱭᱟᱭ ᱾ ᱩᱱ ᱚᱠᱛᱚ ᱨᱮᱜᱮ ᱠᱟᱴ ᱴᱷᱚᱴᱨᱟᱣ ᱪᱮᱬᱮ ᱩᱰᱟᱹᱣ ᱪᱟᱞᱟᱣ ᱠᱟᱛᱮ ᱟᱡᱟᱜ ᱚᱱᱟ ᱠᱮᱴᱮᱡ ᱴᱷᱚᱱᱴᱟ ᱛᱮ ᱦᱟᱹᱛᱤ ᱟᱜ ᱵᱟᱱᱟᱨ ᱢᱮᱫ ᱮ ᱦᱚᱴᱚᱨ ᱳᱰᱳᱝ ᱠᱮᱫᱟᱭ ᱾ ᱦᱟᱹᱛᱤ ᱦᱟᱹᱥᱩ ᱛᱮ ᱫᱚᱱ ᱵᱮᱨᱮᱫ ᱮᱱᱟᱭ ᱟᱨ ᱮ ᱪᱷᱟᱴᱯᱟᱴᱟᱜ ᱠᱟᱱᱟᱭ ᱾ ᱪᱮᱫ ᱦᱚᱸ ᱵᱟᱭ ᱧᱮᱞ ᱧᱟᱢ ᱮᱫᱟᱭ ᱵᱟᱨ ᱢᱮᱫ ᱛᱮ ᱾ ᱜᱚᱴᱟ ᱫᱟ.ᱲ ᱵᱟᱲᱟ ᱠᱮᱫᱟᱭ, ᱫᱟᱜ ᱦᱚᱸ ᱟᱹᱰᱤ ᱡᱩᱨ ᱜᱮ ᱛᱮᱛᱟᱝ ᱠᱮᱫᱮᱭᱟ ᱾
ᱮᱱᱠᱷᱟᱱ ᱨᱚᱴᱮ ᱦᱚᱸ ᱟᱡ ᱨᱮᱱ ᱦᱚᱱ ᱦᱚᱯᱚᱱ ᱠᱚ ᱟᱛᱮ ᱞᱚᱥᱚᱫ ᱰᱷᱚᱰᱟ ᱨᱮ ᱪᱟᱞᱟᱣ ᱠᱟᱛᱮ ᱟᱹᱰᱤ ᱡᱳᱨ ᱡᱳᱨ ᱨᱟᱜ ᱠᱚ ᱪᱷᱩᱴᱟ.ᱣ ᱮᱱᱟ ᱾ ᱦᱟᱹᱛᱤ, ᱨᱚᱴᱮ ᱟᱜ ᱨᱟᱜ ᱥᱟᱰᱮ ᱟᱸᱡᱚᱢ ᱠᱟᱛᱮ ᱚᱱᱛᱮ ᱜᱮ ᱫᱟᱜ ᱧᱩ ᱢᱚᱦᱰᱟ ᱮᱱᱟᱭ ᱾ ᱟᱫᱚ ᱦᱟᱹᱛᱤ ᱢᱟ ᱞᱚᱥᱚᱫ ᱰᱷᱚᱰᱟ ᱨᱮ ᱦᱚᱸᱡᱟᱝ ᱩᱛᱟ.ᱨ ᱮᱱᱟᱭ ᱾ ᱚᱱᱟ ᱞᱚᱥᱚᱫ ᱨᱮ ᱡᱟᱸᱜᱟ ᱟᱠᱚᱴ ᱮᱱ ᱛᱟᱭᱟ, ᱵᱟᱭ ᱵᱮᱨᱮᱫ ᱫᱟᱲᱮ ᱟᱫᱟᱭ ᱾ ᱱᱚᱝᱠᱟ ᱛᱮᱜᱮ ᱫᱤᱱᱟ.ᱢ ᱦᱤᱞᱚᱜ ᱵᱟᱝ ᱡᱚᱢ, ᱧᱩ ᱠᱟᱛᱮ ᱦᱟᱹᱛᱤ ᱫᱚ ᱜᱚᱡ ᱩᱛᱟ.ᱨ ᱮᱱᱟᱭ ᱾
ᱱᱚᱣᱟ ᱠᱟᱹᱦᱱᱤ ᱛᱟᱞᱟᱛᱮ ᱵᱚ ᱵᱟᱰᱟᱭ ᱧᱟᱢ ᱠᱮᱫᱼᱟ ᱡᱮ, ”ᱟᱵᱚᱣᱟᱜ ᱫᱷᱟᱹᱨᱛᱤ ᱯᱩᱨᱤ ᱨᱮ ᱢᱟᱹᱱᱢᱤ ᱦᱚᱸ ᱱᱚᱝᱠᱟ ᱜᱮ ᱢᱮᱱᱟᱜ ᱠᱳᱣᱟ, ᱡᱟᱸᱦᱟᱭ ᱡᱩᱫᱤ ᱡᱟᱸᱦᱟᱭ ᱟᱜ ᱵᱟᱹᱲᱡᱟᱜ ᱠᱚᱨᱟᱣ ᱟᱭ, ᱮᱱᱠᱷᱟᱱ ᱫᱩᱲᱩᱵ ᱛᱷᱤᱨ ᱵᱟᱝ ᱠᱟᱛᱮ ᱟᱡ ᱦᱚᱸ ᱟᱡᱟᱜ ᱠᱟᱹᱢᱤ ᱞᱮᱠᱟᱛᱮ ᱠᱩᱲᱟ.ᱭ ᱮᱢᱟᱭ ᱦᱩᱭᱩᱜᱼᱟ ᱾ ᱵᱟᱝᱠᱷᱟᱱ, ᱩᱱᱤ ᱛᱤᱥ ᱨᱮᱦᱚᱸ ᱵᱟᱭ ᱥᱩᱫᱷᱨᱟ.ᱜ ᱟᱭ ᱟᱨ ᱵᱟᱹᱲᱤᱡᱟᱜ ᱜᱮ ᱠᱚᱨᱟᱣ ᱤᱫᱤᱭ ᱟᱭ ᱾ ᱟᱵᱚ ᱠᱚ ᱛᱟᱞᱟᱨᱮ ᱡᱷᱚᱛᱚ ᱦᱚᱲ ᱡᱩᱢᱤᱫ ᱛᱟᱸᱦᱮ ᱞᱮᱱᱠᱷᱟᱱ, ᱪᱮᱞᱮ ᱵᱟᱹᱭᱨᱤ ᱦᱚᱸ ᱵᱟᱝ ᱠᱚ ᱵᱟᱹᱲᱤᱡ ᱫᱟᱲᱮ ᱟᱵᱚᱱᱟ ᱾ ᱡᱟᱸᱦᱟᱭ ᱟᱜ ᱵᱟᱹᱲᱤᱡ ᱞᱮ ᱠᱷᱟᱱ ᱥᱮ ᱡᱟᱸᱦᱟᱭ ᱨᱟᱜ ᱚᱪᱚ ᱞᱮᱠᱷᱟᱱ, ᱟᱢᱟᱜ ᱦᱚᱸ ᱵᱟᱹᱲᱤᱡ ᱦᱳᱭᱳᱜ ᱛᱟᱢᱟ ᱥᱮ ᱨᱟᱜ ᱦᱳᱭᱳᱜ ᱛᱟᱢᱟ ᱚᱠᱛᱚ ᱥᱮᱴᱮᱨᱚᱜ ᱨᱮ ᱾ ᱟᱨ ᱫᱚᱥᱟᱨ ᱠᱟᱛᱷᱟ ᱫᱚ ᱦᱩᱭᱩᱜ ᱠᱟᱱᱟ, ” ‘ᱡᱩᱢᱤᱫ ᱫᱟᱲᱮ’ ᱜᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱫᱟᱲᱮ ᱫᱚ ᱾ ᱮᱠᱞᱟ ᱛᱮ ᱡᱟᱦᱟᱸ ᱛᱤᱱᱟᱹᱜ ᱵᱟᱝ ᱵᱚᱱ ᱠᱟᱹᱢᱤ ᱫᱟᱲᱮᱭᱟᱜᱼᱟ, ᱡᱩᱢᱤᱫ ᱛᱟᱦᱮᱸ ᱞᱮᱱ ᱠᱷᱟᱱ ᱢᱟᱨᱟᱝ ᱠᱷᱚᱱ ᱢᱟᱨᱟᱝ ᱠᱟᱹᱢᱤ ᱜᱟᱱᱚᱜᱼᱟ” ᱿
***
